arder

1. v i

   Estar algunha cousa acendida ou queimándose.

   Ex: Ardeu o monte da miña aldea.

2. v i

   Ser algunha cousa susceptible de queimarse.

   Ex: Algúns plásticos arden e outros non.

3. v i

   Estar moi quente algunha cousa.

   Ex: Estiven traballando ó sol e teño a cabeza que arde.

   Sinónimos: abrasar, pelar.
4. v i

   Estar dominado pola paixón, sentir axitación.

   Ex: Leva un mes fóra e arde por vela.

   Sinónimos: adoecer, degorar, devecer, ferver, ferver.

Frases feitas

• Arde e non fumega. Dise da persoa alporizada que trata de disimulalo.

• Arde nun candil. Dise da agudeza das persoas e da eficacia das cousas.

• Arden e non se moven. Aplícase aos lacazáns.

• Arder a cara. Ruborizarse.

• Arder coa présa. Sentir impaciencia.

• Arder coa sede. Ter moitas ganas de beber.

• Arder de carraxe. Estar indignado.

• Arder nun candil e dar o trigo. Producir beneficio algunha cousa.

• Arder o cu e non se mover. Dise de quen é folgazán.

• Estar que arde. Estar unha persoa moi enfadada, encolerizada ou moi axitada pola excitación dos presentes.

• Que eu arda! Que me parta un raio!