"CIA" (Contén)

Demarcación administrativa de xustiza que abrangue os concellos da Baña, Brión, Negreira e Santa Comba.

Construción situada en Nigrán. Datada no s XVII, trátase dun edificio con planta en forma de L e escaleira no ángulo. Conta con patio interior e solaina na fachada sur. Experimentou reformas a finais do s XX, en que se engadiu unha galería nova na fachada lateral.

Arte de invocar os defuntos para obter   por medio deles, o coñecemento das cousas futuras. Existen testemuños da práctica desta arte en Babilonia, en Grecia e en Roma e tamén foi practicada polos hebreos. Entre os primeiros cristiáns foi condenada, e atópanse trazos na Idade Media e no Renacemento. Aínda subsiste, esporádica e clandestinamente en África ecuatorial, nas Antillas e en Tíbet.

Demarcación administrativa de xustiza que abrangue os concellos de Lousame, Noia e Porto do Son.

Actitude que rexeita empregar a violencia e devolver mal por mal sen renunciar ao uso da forza. Representa, ao mesmo tempo, un espírito de respecto e de amor ao próximo, un medio de transformacións radicais das sociedades e unha finalidade para as persoas, e devén unha teoría e unha praxe política que loita pola liberación da humanidade por medios alleos á violencia (desobediencia pasiva, manifestacións pacíficas ou folga de fame). A súa orixe procede da filosofía do Oriente antigo (Lao Tse, Confucio) e do cristianismo. A partir da Revolución Francesa e coas achegas de Henry David Thoreau, Mohandas K. Gandhi, Aldous Huxley, Martin L. King e Lanza del Vasto entre outros, adquiriu madureza filosófica e transformouse nunha ferramenta de loita sociopolítica.

Xornal publicado en Lugo a partir de 1901. Dirixido por Xoán Manuel Pardo, tratouse dun xornal político e de información que incluíu notas locais. Editouse nos obradoiros tipográficos do propio xornal, dirixidos polo irmán do director, Antonio Pardo. En 1915 estaba na súa segunda época.

Texto notarial escrito en galego-portugués datado en 1175, aínda que para moitos investigadores é dubidosa a súa pertenza a esta lingua debido á súa brevidade e ao ser unha gran parte del unha lista de adscrición lingüística neutra, que fai que conteña un exiguo número de elementos romances fronte aos latinos. Descuberto e publicado 1999, considerouse o máis antigo texto coñecido ata a aparicición do Pacto de Gomes Pais e Ramiro Pais (1173?). Foi escrito nun pergamiño que contén outros tres documentos. O texto principal do pergamiño é o dunha carta de doazón de arras, feita por Soeiro Pais a Urraca Mendes. Trátase dunha carta latina datada en 1146 en que o fillo de Soeiro e Urraca fixo escribir a noticia de fiadores en 1175.

Texto notarial escrito en galego-portugués que se descubriu preto de Braga e que se datou arredor de 1211-1214. Contén as queixas de Lourenço Fernandes da Cunha contra os seus parentes e veciños, os fillos de Gonçalo Ramires. Aparentemente, trátase dun texto espontáneo e informal e non dunha versión definitiva, feito que lle dá un maior valor lingüístico.

Sección de noticias de actualidade dunha publicación, dun filme ou dunha emisión radiofónica ou televisiva. O primeiro noticiario sonoro foi o Fox Movietone (EE UU).

Xornal publicado na Coruña a partir de 1877. Cesou en 1885. Antonio de la Fuente foi o fundador e director desta publicación de tendencia liberal aparecida baixo os subtítulos “Diario liberal independiente” e “Diario de la mañana”. Incluíu unha crónica local, noticias rexionais e do estranxeiro, numerosos anuncios publicitarios e abundante información política. Imprimiuse nos obradoiros tipográficos de M. Roel.

Provincia da costa atlántica de Canadá, formada por unha península, unida ao continente polo istmo de Chignecto (18,5 km) e a illa de Cabo Bretón, separada polo estreito de Canso (55.490 km2; 908.007 h [2001]). A capital é Halifax. De relevo apalachense, está constituída por rochas antigas con granitos intrusivos ao SO de Halifax, e por rochas triásicas con intrusións volcánicas arredor da baía de Fundy. Dentro do sector primario destacan os depósitos carboníferos e de barita, a actividade pesqueira e a gandaría, que se centra na produción de leite. Halifax é o principal núcleo industrial e centro comercial. Conta con refinarías de petróleo e industrias alimentarias, de construción e de reparación naval. A explotación forestal dos bosques fornece de materias primas as industrias da madeira e do papel.

Revista que se publicou en Bagnolet, preto de París, a partir de outubro de 1966. Subtitulada “Revista de cultura y política” e “Revista cultural e política”, funcionou como órgano de expresión do Partido Comunista de Galicia. Como directores da publicación figuraron Isaac François e M. Albert Coninck, nomes fiticios de Santiago Álvarez. Recolleu numerosas colaboracións de escritores galegos aínda que todos eles baixo pseudónimo, como Alonso Montero, Francisco Añón, Neira Vilas ou Celso E. Ferreiro. A súa distribución efectuouse en España, en Francia, en Bélxica, en Suíza, na República Federal Alemana, en Inglaterra, na URSS e en diversos países americanos. Legalizado o partido, a editorial Akal editou a revista como publicación da organización política, cun primeiro volume que saíu en 1977.