"An" (Contén)

PARROQUIA

Parroquia do concello da Laracha baixo a advocación de san Pedro.

PERSOEIRO

Arquitecto. As súas obras caracterízanse por unhas estruturas simples e polo uso frecuente de estruturas de fondo nas cúpulas. Realizou diversas ampliacións do Bank of England (1792-1808), da Art Gallery de Dulwich e igrexa de Marylabone. Recibiu o título de sir.

1. Que soa.

2. Aplícase á consoante producida pola vibración das cordas vocais e por unha breve interrupción da corrente de ar aspirado, que presenta un grao de abertura próximo ao das vogais, polo que nalgunhas linguas pode funcionar como centro de sílaba.

PERSOEIRO

Poeta e crítico literario. Catedrático de Literatura Española na University of Columbia, da súa obra lírica destacan Eco en el vacío (1950) e Sombra apasionada (1951), ademais dos seus estudos El epíteto en la poesía española (1956) e Novela española de nuestro tiempo (1970). Recibiu o Premio Nacional de Literatura Emilia Pardo Bazán (1979) e é doutor honoris causa (1989) pola Universidad de Murcia.

1. Calidade de soberano, de quen ten a autoridade suprema.

2. Calidade do poder político dun estado ou dun organismo que non está sometido a ningún poder. Segundo a antiga concepción teocrática a soberanía residía en Deus, que a recibían os gobernantes por delegación. Jean Bodin expresou a formulación clásica en que se fundamentou o concepto de monarquía absoluta, segundo o que o monarca tiña o poder supremo sobre todos os súbditos e tiña como única limitación as leis de Deus e da natureza. J. J. Rousseau formulou a idea da soberanía popular, que reside no pobo, que é posta en práctica polos gobernantes e que implica a existencia do sufraxio universal. E. J. Sieyès afirmou que a soberanía residía na nación, considerándoa como unha entidade real, diferenciada dos individuos que a integran, e representada por un parlamento elixido por sufraxio censatario.

3. Poder político que reside no pobo e que exercen por medio dos seus órganos constitucionais máis representativos.

1. Que ou quen ten a autoridade suprema ou soberanía dentro dun estado.

2. Aplícase ao estado ou ao organismo cun goberno que non está sometido ao control doutro goberno ou doutro organismo.

3. Que está por riba dos demais.

4. Moi grande.

5. Moeda de ouro inglesa emitida en 1489 por Enrique VII, dun peso de 15,55 gramos e dun valor de vinte xilíns. Con variacións de peso e valor, foi utilizada ata 1663, data en que foi substituída pola guinea. Entre 1816 e 1971 pasou a ser novamente a unidade monetaria do novo sistema de patrón ouro, coñecida como libra esterlina.

IGREXAS

Igrexa parroquial situada na Pobra de Trives. Trátase dun edificio románico de comezos do s XII que pertenceu ao antigo mosteiro homónimo. Ten nave única con cuberta a dúas augas e ábsida semicircular precedida dun tramo recto. Realizado en cantaría, presenta varios contrafortes no exterior. Destaca a súa portada principal, precedida por un pórtico do s XIV e, no interior, os capiteis e os cimacios decorados dos dous pares de columnas que sosteñen o arco triunfal, así como a imposta axadrezada que marca o arranque de varios vans ao longo de toda a nave e da ábsida.

PERSOEIRO

Pintor e historiador da arte. Foi presidente da Asociación de Artistas Plásticos de Santiago de Compostela e fundador da Asociación de Amigos da Arte de Ortigueira. Despois dunha primeira etapa figurativa, centrouse na representación de paisaxes e ambientes caracterizados polo tratamento impresionista e a desestruturación. A luz representa o papel protagonista nas súas obras e o seu efecto sobre as cores, -fundamentalmente verdes, azuis, violetas e brancos, que incrementan a súa intensidade cara aos extremos- conseguiu dar aos seus cadros unha aparencia de irrealidade, especialmente nas representacións de ceos e de masas de auga. Destacan, entre outros, Palleiros de Ouro (1980) e Mar-silencio (2002). Recibiu o Primeiro Premio nos XI Certame Xuvenil de Arte da Coruña (1969) e no II Certame Xuvenil de Artes Plásticas de Santiago de Compostela (1970), así como a Medalla de Ouro do IV Salón de Arte da Coruña (1972).

PARROQUIA

Parroquia do concello de Vilagarcía de Arousa baixo a advocación de san Martiño.

PARROQUIA

Parroquia do concello de Vilagarcía de Arousa baixo a advocación de san Martiño de Fóra.

IGREXAS

Igrexa parroquial situada en Vilagarcía de Arousa. De estilo románico, foi construída durante o s XII e pertenceu a un antigo mosteiro homónimo que desde o s XV se transformou en pazo. O templo ten planta rectangular de nave única e ábsida semicircular, unida ao presbiterio. Destaca a fachada principal con dous contrafortes; sobre a portada, que enmarca o tímpano liso con varias arquivoltas, destacan dous corpos abertos cunha fiestra -que dá ao coro- enmarcada por unha triploa arquivolta, un rosetón na parte superior e unha torre campanario no lateral. Exteriormente decorouse todo o contorno con pequenos aleróns sostidos por ménsulas e canzorros. Tamén destaca a decoración zoomórfica e vexetal dos capiteis e os motivos axadrezados das columnas da portada principal.

1. Que sobra.

2. Cousa que sobra.

PARROQUIA

Parroquia do concello de Porqueira baixo a advocación de san Mamede.

GALICIA

Relixioso beneditino. Coñecido como o Padre Sobreira, en 1761 tomou o hábito no convento de Santa María de Sopetrán (Guadalajara) e tres anos máis tarde regresou a Galicia para estudar artes no convento de Ribas de Sil. En 1767 trasladouse ao convento de San Vicente (Salamanca), onde estudou teoloxía. Foi ordenado presbítero (1770) no convento de Santa María de Montserrat de Madrid. Despois da súa estancia en varios conventos e de estar en 1785 en Madrid dedicado a ordenar papeis de Martín Sarmiento, en 1789 volveu a Galicia. Primeiro estivo no convento de San Martiño Pinario (Santiago) e logo (1793) en Ribas de Sil, ata que en 1798 foi trasladado como abade ao convento de Santa María de Sopetrán (Guadalajara). Redactou diversos escritos, sobre todo lingüísticos e de interese lexicográfico (Idea de un dicionario de la lengua gallega), e outros sobre temas diversos (Historia general botánica de Galicia). Pensado Tomé realizou o estudo crítico dalgunhas das súas...