"CIO" (Contén)

Acción e efecto de amoestar.

Nalgúns xogos como o balonmán ou o fútbol, mostra dunha tarxeta de diferente cor que se sinala logo dunha infracción e que castiga ao infractor, ben avisándoo, castigándoo temporalmente ou expulsándoo definitivamente do campo e do partido.

Notificación pública que se fai nas igrexas, oral ou escrita, do nome e doutras circunstancias dos que desexan contraer matrimonio por esas datas, co fin de requirir dos fieis a manifestación dos impedimentos que poden ser contrarios a este matrimonio.

Acción e efecto de amortizar.

1. amortización contable

   Depreciacións ou diminucións de valor de determinados elementos patrimoniais, por causas diversas a través do tempo, que se reflicten na compatibilidade. Isto é, a expresión contable das depreciacións dos elementos integrantes da estrutura fixa (activo inmobilizado ou fixo) orixinados polo uso, o desgaste e máis o envellecemento técnico. Os seus obxectivos son principalmente repartir entre os exercicios contables afectados o importe dun gasto que ten que ser efectuado ou que se efectúa nunha única vez; deducir no valor contable dos bens non inmediatamente funxibles unhas cotas que representan a parte que, segundo o desgaste e o envellecemento previstos, contribúen á obtención da produtividade do exercicio e á constitución dunha reserva para a restitución do elemento amortizado.

2. sistemas de amortización contable

   Sistemas que teñen como obxectivo esquematizar os procesos de depreciación e simplificar deste xeito o cálculo das cantidades e o tempo de amortización. Os máis importantes son: o sistema lineal, o de tanto fixo, o americano e o de amortización variable. O sistema lineal ou de cotas fixas consiste en amortizar en todos os exercicios ou, en xeral, en cada período de amortización, unha cantidade fixa igual á enésima parte do valor amortizable. Denomínase lineal porque tanto o valor residual coma as cotas de amortización acumuladas responden na súa formación a unha función matemática que ten como representación gráfica unha liña recta. O sistema de tanto fixo de amortización sobre o valor inicial variable non determina o tanto por cento que periodicamente se toma sobre o valor variable pendente de amortización ao inicio de cada exercicio; obtense unha amortización decrecente indefinida. O sistema americano ou Cole consiste en determinar previamente...

Liquidación do activo fixo, conversión periódica deste activo en dispoñibles que proporcionen á empresa recursos líquidos para realizar novos financiamentos, inversións ou repartos aos accionistas. Este sistema de amortización aplícase especialmente no caso de que os elementos patrimoniais estivesen fixados mediante préstamos a longo prazo ou empréstitos; por este motivo, a amortización de préstamos e empréstitos é a segunda acepción importante do termo amortización financieira. O fundamento deste tipo de amortización é a concepción do ben patrimonial como un capital frutífero que necesita destinar parte da utilidade que produce á súa substitución. Os sistemas de amortización financeira son os que dan transcendencia na orde económica contable das amortizacións ao fenómeno de interese. Clasifícanse en simples e compostos. Nos dous tipos de sistemas as cotas de amortización teñen que ser concretadas ou materializadas en elementos patrimoniais capaces de producir un rendemento....

Incremento que experimentaba a pensión censual cando, polo feito de ter pasado a propiedade sometida a enfiteuse, desaparecía de feito a expectativa de percibir laudemios en futuras transmisións. É un termo de carácter arcaico.

Acción e efecto de ampliar.

1. Proba fotográfica obtida por proxección do negativo sobre unha emulsión de papel sensible mediante os aparellos axeitados.

2. Proceso levado a cabo para obter unha copia fotográfica ampliada, máis grande ca o negativo empregado para producila.

Aumento da cifra do capital dunha sociedade mercantil por medio da aportación de bens dos antigos socios ou doutros dos novos, ou polo traspaso á conta do capital do contido nas contas de reserva ou a conversión de créditos pasivos e plusvalías en capital.

Operación destinada a mellorar parcialmente as capacidades ou o rendemento dun equipo informático, instalando neste equipo módulos adicionais de memoria.

Acción e efecto de amplificar.

1. Nos amplificadores, aumento dunha tensión ou dunha corrente. Cando o sinal a amplificar é de tipo periódico (sinusoidal ou non), a amplificación ten que reproducir exactamente na saída un sinal de amplitude maior pero sen deformar o sinal primitivo. Neste caso, moi corrente en electroacústica, trátase dunha amplificación lineal. A amplificación pódese facer por medio de tubos electrónicos (principalmente tríodas e péntodas), transistores e, nalgúns casos, dispositivos magnéticos. Distínguense diferentes clases básicas de amplificación: A, AB, B e C. Na clase A, o tipo de polarización é tal que para un sinal de entrada sinusoidal circula corrente de saída durante todo o tempo que dura o ciclo. Na clase B, só circula corrente de saída durante medio ciclo do sinal de entrada. Na clase AB, circula corrente durante un tempo inferior a un ciclo pero superior a medio ciclo. Na clase C, a corrente só circula durante un tempo inferior a medio ciclo.

2. Relación entre os valores de saída e de entrada dunha magnitude nun amplificador calquera. Tamén se denomina beneficio. Segundo a magnitude á que se refire, pódese falar de amplificación de potencia, de tensión ou de corrente. A amplificación pódese expresar en forma dunha relación por cociente, pero é máis corrente utilizar o decibelio.

3. factor de amplificación

   Nun tubo electrónico, relación entre a variación de tensión anódica e a variación de tensión de reixa cando a corrente anódica se mantén constante. É un dos parámetros máis correntemente utilizados para caracterizar a eficiencia dun tubo. Polo xeral, aparece representado pola letra μ.

Nun discurso oral ou escrito, desenvolvemento pormenorizado e exhaustivo que se dá a unha proposición ou idea co fin de deixala máis clara e darlle máis forza. Os seus efectos poden conseguirse por medio da hipérbole, da perífrase ou doutros recursos.

Produción de moitas copias dun mesmo xen por replicación selectiva dun fragmento determinado do ADN.

Acción e efecto de amputar.

1. Operación cirúrxica pola que se extrae, coa axuda de instrumentos cortantes, un membro, unha parte dun membro ou outra parte do corpo. As causas máis frecuentes que obrigan á amputación son algunhas doenzas infecciosas (certos casos de osteomielite), vasculares (arterioesclerose, diabete, embolias, artrite), a gangrena producida por lesións traumáticas dos tecidos, os tumores cancerosos, a transformación dunha parte do corpo en inútil e molesta (certas cicatrices viciosas) e algunhas malformacións conxénitas, entre outras.

2. amputación cinemática ou cineplástica

   Amputación na que os músculos do toco están colocados de xeito que poidan actuar de motor do aparello ortopédico substituíndo o membro amputado.

Malformación conxénita que consiste na amputación completa ou incompleta dun membro ou dunha parte dun membro pola acción dunha brida ámnica constrictora ou dun defecto do desenvolvemento embrionario.