"Rin" (Contén)

1. Conxunto articulado de vértebras que sostén o esqueleto tanto dos animais coma das persoas.

2. Cume dunha serra.

PERSOEIRO

Pintor. Coñecido como o pintor dos frades, realizou obras de temática relixiosa. Participou na decoración da catedral de Lisboa e das igrexas de São Domingos e da Encarnação.

GALICIA

Escritor e crítico literario. Pasou a súa infancia en Xinzo de Limia por causa do traballo do seu pai, que era mestre. En 1952 trasladouse a Ourense para estudiar o bacharelato no Seminario Conciliar. Alí, por vez primeira, viviu represións, como a prohibición de falar galego, e descubriu a literatura galega e a propia vocación literaria. En 1959, dous anos despois de abandonar o seminario, gañou o primeiro premio do Concurso Provincial de Cuentos de Navidad, feito que lle deu a posibilidade de coñecer a Vicente Risco, quen o orientará cara ao galeguismo. En 1961 comezou os estudios de filosofía e letras na Universidade de Santiago de Compostela, onde se licenciou en 1967. Foi daquela cando empezou a relacionarse con núcleos estudiantís galeguistas e iniciou a súa amizade con Ramón Piñeiro. No ano 1967 detívoo a policía xunto co profesor José Luís Aranguren. Nos anos sesenta asistiu a algunhas xuntanzas do Consello da Mocidade e en 1964 integrouse na Asociación Democrática de Estudiantes....

GALICIA

Médico pediatra e político, irmán de Carlos Casares Mouriño. Parlamentario na V lexislatura (1997) no grupo socialista do Parlamento galego.

GALICIA

Xogador e adestrador de fútbol. Comezou a xogar como defensa no Atlético Pontevedrés, de onde pasou ao Real Fortuna de Vigo. En agosto de 1923 converteuse en xogador do Real Club Celta de Vigo, debido á fusión do Fortuna co Real Vigo Sporting. Co equipo céltico, Pasarín acadou a condición de xogador internacional e representou a España nos Xogos Olímpicos de París 1924. A súa etapa como xogador céltico concluíu trala primeira tempada da Liga española (1928-1929), despois de que o club vigués renunciase a participar na competición da campaña seguinte. Por esta razón, Pasarín só chegou a disputar, como céltico, 10 dos 18 partidos da primeira Liga, e rematou a súa carreira profesional en 1935 no Valencia CF. Adestrou, entre outros equipos, o Celta, o Granada, o Málaga, o Plus Ultra de Madrid, o Oviedo, o Valencia e a selección española en dúas etapas (1946 e 1952).

PARROQUIA

Parroquia do concello de Santiago de Compostela. Incluída estatisticamente na cidade de Santiago, non constou como parroquia nas distintas divisións administrativas, nin do Antigo Réxime nin nas constitucionais. O seu carácter parroquial, exclusivamente eclesiástico, debeuse producir por mor do desenvolvemento demográfico que experimentou o lugar como arrabaldo do S da cidade compostelá, e pola súa localización na confluencia das estradas que se dirixen a Ourense e á Estrada.

GALICIA

Xornalista, escritor e crítico de arte. Licenciado en Filosofía e Letras e en Xornalismo, foi redactor e crítico de arte nos xornais El Alcázar e Informaciones, e na revista Arte y Letras. Entre as súas obras destacan as monografías Goya (1962), Victoria de la Fuente (1962), Luis Seoane (1963) e Alfonso Costa: conversación sobre vocación, pintura y manierismo (1986), e os estudios El arte abstracto (1962), Anuario del arte español (1973), O libro das galerías galegas (1975) e Cerámica, fuego, magia (1974). Con Adolfo González Amézquete e Bernardo Ynzenga escribiu Arquitectura española en el extranjero (1962). Membro numerario da Asociación Internacional de Críticos de Arte, foi un dos fundadores da Asociación Española de Críticos de Arte e formou parte da Comisión de Artes Plásticas da Dirección General de Bellas Artes. Recibiu o Premio da Crítica do Colegio de Arquitectos de Madrid (1959), o Premio Nacional de Literatura (1962) e o Premio de...

GALICIA

Profesora. Licenciada en Filoloxía Galego-Portuguesa, publicou Fermín Bouza Brey. A paixón dun humanista (1992).

1. Relativo ou pertencente ás casuarináceas.

2. Vexetal leñoso da familia das casuarináceas.

3. Familia de árbores e arbustos da orde das casuarinais que ten como único xénero a Casuarina.

1. Relativo ou pertencente ás casuarinais.

2. Árbore ou arbusto pertencente á orde das casuarinais.

3. Orde de plantas pertencente á subclase das magnólidas que ten como única familia a das casuarináceas.

1. Aplícase á roda de dentes agudos e oblicuos que fai mover o mecanismo de certos reloxos.

2. Aplícase á roda dentada que transmite ás rodas da bicicleta a forza exercida sobre os pedais a través dunha cadea.

PERSOEIRO

Virxe e mártir cristiá. A tradición relacionouna coa célebre filósofa pagá Hypatia e fixo dela a Palas Atenea cristiá. Conta a lenda que un ermitán a converteu ao cristianismo e lle propuxo como único noivo digno do seu mérito a Xesús. Segundo unha tradición do s IX, morreu martirizada en Alexandría durante a persecución dos cristiáns efectuada por Maximino, gobernador de Exipto. Disque venceu dialecticamente a 50 doutores ou sabios de Alexandría, enviados polo Emperador para refutar a súa elocuencia. Logo, foi azoutada e encarcerada pero logrou sobrevivir ao ser alimentada por unha pomba. Durante o seu cativerio logrou converter a Emperatriz Constanza e o xefe de tropas Porfirio. Posteriormente, o emperador acordou martirizala mediante unha roda dentada de púas ou coitelas, pero un raio esnaquizou a roda e cegou os verdugos. Finalmente, morreu decapitada. Conta a lenda que da súa ferida xurdiu leite e que uns anxos trasladaron o seu corpo ao monte Sinaí, onde se construíu un mosteiro que...

PERSOEIRO

Raíña de Inglaterra (1509-1536), filla dos reis Católicos e nai de María Tudor. En 1502 casou con Arturo, príncipe de Gales, e, trala morte deste, co seu irmán, Enrique VIII de Inglaterra. Rodeouse de serventes casteláns e foi protectora dos humanistas. A falta de sucesión masculina e a paixón do rei por Ana Bolena conducírono a anular o primeiro matrimonio (1531) sen esperar pola decisión papal (1533), o que provocou a ruptura con Roma e o inicio do cisma anglicano. Estivo recluída nos castelos de Hampthill (1531), Bucken (1533) e Kimbolton (1535), pero nunca renunciou ao título de raíña.

PERSOEIRO

Raíña de Portugal (1525-1557), filla de Filipe o Fermoso e Xoana a Tola. Casou en 1525 con Xoán III e exerceu como rexente durante a minoría de idade do seu neto don Sebastián (1557 e 1562).

PERSOEIRO

Raíña de Inglaterra (1662-1685) e rexente de Portugal (1704-1705), filla de Xoán IV. Casou en 1662 con Carlos II de Inglaterra. Trala morte do rei trasladouse a Somerset e en 1696 regresou a Portugal, onde foi rexente durante a enfermidade do seu irmán Pedro III.