"Pol" (Contén)

Antiga cidade de Tracia, preto da actual Provadija (Bulgaria), que fundou Traxano en honor da súa irmá Marciana. Estivo poboada por gregos, romanos e tracios, e formou parte da Mesia Inferior. Foi asediada polos godos en 248, e caeu fronte aos búlgaros, que a arruinaron.

(Pont-à-Mousson 1430 - Dampierre, Anjou 25.8.1482) Raíña de Inglaterra, filla de Renato I, rei titular de Nápoles, e de Isabel de Lorena. Casou en 1445 con Enrique VI de Inglaterra e fíxose gobernadora efectiva do reino. A súa política provocou a Guerra das Dúas Rosas. Foi derrotada definitivamente en Tewkesbury en 1471.

Grupo de monumentos megalíticos situado en Muíños, datados cara a 2600 a C. Destacan dous dolmens coñecidos como Casiña da Moura e Casola do Foxo. O primeiro trasladouse da súa localización orixinal e conserva unha cámara funeraria de forma poligonal cun corredor de tipo curto. Está formado por sete chantas e a tampa, ao igual ca a Casola do Foxo, que presenta cámara poligonal simple e cuberta. Neste lugar localizaouse un enxoval, do que destacan os restos de cerámica campaniforme.

Necrópole cristiá situada en Monterrei. Foi descuberta en 1985 e datouse aproximadamente no s VI. Está composta por varios sartegos antropomorfos exentos realizados en granito e provistos, nalgúns casos, de tampa decorada e inscricións laterais, e que presentan diferentes tamaños, segundo pertencesen a un adulto ou a un neno.

Conxunto de metrópoles que forman unha enorme aglomeración urbana. Este termo foi empregado polo xeógrafo Jean Gottmann para designar a fachada marítima do NL de EE UU, que, ao longo duns 800 km de lonxitude, se estende desde Boston ata Washington, pasando por Nova York, Philadelphia e Baltimore. Pódese asimilar o concepto de megalópole ao de conurbación. Tamén é unha megalópole a unión que resulta do crecemento independente de diversas conurbacións, que configuran un espazo de decenas ou centenares de km.

Antiga cidade grega, situada ao N da actual cidade homónima de Peloponeso, no nomós de Arcadia. Fundada no s IV a C por Epaminondas, foi a capital da confederación arcádica. Fiel a Tebas e despois aliada de Macedonia, caeu nas mans de Demetrio I de Macedonia e comezou a decadencia.

Pacto político que se estableceu en 1980 entre o Partido Socialista Galego (PSG) e o Bloque Nacional Popular Galego (BNPG). Constituíuse ao redor do programa das Bases Constitucionais para a participación da Nación Galega nun Pacto Federal de 1976, en que se defendía a creación dun goberno galego provisional e soberano, se fixaban as futuras competencias do estado galego e as do estado federal e se asumía o compromiso de non pactar con forzas estatais. Tiña como finalidade dar unha imaxe de unión do nacionalismo galego de esquerda e propugnaron o voto negativo no referendo do Estatuto de Autonomía de Galicia de decembro de 1980.

ou A Mesa Plataforma plural e independente que se creou en abril de 1986 co obxectivo de promover o uso da lingua galega en todos os ámbitos da vida social. O seu papel é o de emprender iniciativas que sensibilicen a poboación e que abran novas vías de uso da lingua en todas as áreas, así como denunciar todo tipo de agresións e discriminacións que poida sufrir a lingua galega e asegurar que se respecte o seu uso individual e colectivo. A Mesa centra as súas actividades, sobre todo, nos campos do ensino, da toponimia, da administración e do galego exterior. No ensino intenta sensibilizar a mocidade e o profesorado, esixir á Xunta de Galicia a total normalización do galego, solicitar a elaboración dun proxecto de galeguización do ensino, participar na redacción dun modelo para a normalización lingüística do ensino e denunciar os incumprimentos dos decretos que regulan legalmente o uso do galego neste ámbito. Na toponimia, promove iniciativas para favorecer o uso de formas...

Produción cinematográfica alemá dirixida por Fritz Lang en 1927, interpretada por Gustav Fröhlich, Brigitte Helm e Alfred Abel, entre outros. A acción sitúase en 2026, cando o fillo do dono da gran megalópole se namora dunha rapaza que lidera os obreiros que viven no subsolo. A loita de clases orixina unha revolta coa que acaban os protagonistas, que conseguen que se estableza unha nova orde social.

Autoridade eclesiástica, na Igrexa Ortodoxa, que posúe unha xurisdición parecida ao arcebispado da Igrexa Católica.