"Marc" (Contén)

GALICIA

Escritor. Colaborador de diversos medios de comunicación, foi autor de La llaga (1948), Calle de Echegaray (1950), O acomodador e outras narracións (1969), El agua y el vino (1988), Dios está lejos (1988) e Allariz (1991). En 1965 obtivo o Premio Isaac Fraga pola obra teatral Las monedas de Heliogábalo.

GALICIA

Escultor. De nome Jesús López García, formouse na Escola de Artes e Oficios da Coruña e na Escuela Central de Madrid. En 1976 instalouse en Málaga como profesor na Escuela de Artes Aplicadas y Oficios Artísticos. Especialista en talla en madeira, traballou tamén o ferro, cristal, metacrilato, luces artificiais e outros materiais. Membro da Real Academia de Bellas Artes de San Telmo (1986), da Real Academia de Bellas Artes Nuestra Señora del Rosario (1991) e correspondente da Real Academia de Bellas Artes de Santa Isabel de Hungría (2003), en 1987 creou o Premio de Talla Suso de Marcos.

PERSOEIRO

Rei de Dinamarca (987-1014),   Noruega (1000-1014) e Wessex (1013-1014), fillo e sucesor de Harald II de Dinamarca. En 1003 dirixiu unha expedición a Inglaterra, pero foi derrotado en 1004, e ao ano seguinte retornou a Dinamarca. Noutra expedición a Inglaterra (1013), derrotou o Rei Etelredo II de Wessex.

GALICIA

Comarca situada ao N da provincia de Pontevedra e ao O da Comunidade Autónoma de Galicia. Limita ao N coas comarcas coruñesas do Sar (concello de Padrón) e Santiago (concellos de Teo, Vedra e Boqueixón), ao S coas de Pontevedra (concellos de Cotobade e A Lama), e a ourensá do Carballiño (concello de Beariz), ao L coa comarca de Deza (concellos de Silleda e Lalín) e ao O coas de Caldas (concellos de Pontecesures, Valga e Cuntis) e, de Pontevedra (concello de Campo Lameiro). Abrangue unha superficie de 528,85km2en que acolle a unha poboación de 29.409 h (2001), distribuída entre os concellos de Cerdedo (79,8 km2; 2.300 h [2001]), A Estrada (280,8 km2; 22.308 h [2001]) e Forcarei (168,25 km2; 4.801 h [2001]). O centro urbano comarcal é a vila da Estrada.
Xeografía física
Desde o punto de vista xeomorfolóxico a comarca posúe unha gran heteroxeneidade de paisaxes e formas, onde se combinan áreas de val con espazos montañosos....

GALICIA

Médico e político. Doutor en Medicina pola Universidad Complutense de Madrid (1857), abandonou o corpo de sanidade da Armada e especializouse en hidroloxía. Dirixiu os balnearios de Marchena ou Panticosa e foi inspector xeral de Sanidade. Militou no Partido Liberal e foi deputado polo distrito do Carballiño (1893-1896 e 1898-1899) e senador polas provincias de Ourense (1897-1898) e Lugo (1901-1902). Dirixiu o Anuario de Hidrología Médica Española e escribiu La invasión colérica, El histerismo e Tratado de hidroloxía. Foi presidente da Sociedad Española de Hidrología, vicepresidente do Consello de Sanidade e membro da Real Academia de Medicina, da Sociedade de Ciências Médicas de Lisboa e da Société Française d’Hygiéne.

PERSOEIRO

Emperador romano (275-276). Elixido polo Senado para suceder a Aureliano, aniquilou aos hérulos e aos godos en Pont. Morreu asasinado, traicionado polas súas propias tropas.

GALICIA

Comarca situada a N da provincia de Lugo e N da Comunidade Autónoma de Galicia. Limita ao N coas comarcas da Mariña Occidental (concello de Ourol) e A Mariña Central (concellos do Valadouro, Alfoz e Mondoñedo), ao S coa comarca de Lugo (concellos de Friol, Outeiro de Rei, Rábade, Lugo e Castroverde), polo L coa comarca de Meira (concellos de Riotorto, Meira e Pol), e polo L coas comarcas de Eume (concellos de Monfero e As Pontes de García Rodríguez) e Betanzos (concellos de Aranga e Curtis). Abrangue unha extensión de 1.822,7 km2en que acolle unha poboación de 47.761 h (2001), distribuída entre os concellos de Abadín (196 km2; 3.399 h [2001]), Begonte (126,8 km2; 3.674 h [2001]), Castro de Rei (177 km2; 5.850 h [2001]), Cospeito (144,8 km2; 5.658 h [2001]), Guitiriz (293,7 km2; 6.259 h [2001]), Muras (163,8 km2; 1.044 h [2001]), A Pastoriza (175 km2; 3.959 h [2001]), Vilalba (379 km2; 15.365...

ENTRADA LARGA

Co­marca situada no NL da provincia de Ourense e no SL da Comunidade Autónoma de Galicia. Limita ao N coas comarcas da Terra de Lemos (concellos de Sober, Monforte de Lemos) e Quiroga (concello de Ribas de Sil), ao S coas da Limia (concello de Vilar de Barrio) e Verín (concello de Laza), ao L coa da Terra de Trives (concellos de San Xoán de Río e Chandrexa de Queixa) e ao O coas de Ourense (concello de Nogueira de Ramuín) e Allariz-Maceda (concellos de Xunqueira de Espadanedo e Maceda). Abrangue unha superficie de 313,2 km2 en que acolle unha poboación de 4.448 h (2001), distribuída entre os concellos de Castro Caldelas (87,6 km2; 1.834 h [2001]), Montederramo (135,6 km2; 1.206 h [2001]), Parada de Sil (62,4 km2; 841 h [2001]) e A Teixeira (27,6 km2; 567 h [2001]). A evolución socioeconómica e a mellora das comunicacións fixeron que a vila de Castro Caldelas constituíse un pequeno centro ao que se vinculan o resto dos concellos. A debilidade...

GALICIA

Comarca situada no O da provincia de Ourense e no S da Comunidade Autónoma de Galicia. Limita ao N coas comarcas do Ribeiro (concellos de Cortegada, A Arnoia e Castrelo de Miño) e Ourense (concellos de Toén, Barbadás e San Cibrao das Viñas), ao S coa comarca da Baixa Limia (concellos de Lobeira e Bande), ao L coas comarcas de Ourense (concello de Taboadela), Allariz-Maceda (concello de Allariz) e A Limia (concello de Rairiz de Veiga), e ao O coa comarca da Paradanta (concello de Crecente) e Portugal. Abrangue unha superficie de 508,9 km2en que acolle unha poboación de 22.394 h (2001), distribuída entre os concellos da Bola (34,9 km2; 1.527 h [2001]), Cartelle (94,3 km2; 3.732 h [2001]), Celanova (67,3 km2; 5.993 h [2001]), Gomesende 28,3 km2; 1.115 h [2001]), A Merca (51 km2; 2.419 h [2001]), Padrenda (57 km2; 2.588 h [2001]), Pontedeva (9,9 km2; 679 h [2001]), Quintela de Leirado (31,3 km2;...

GALICIA

Comarca situada no S da provincia de Lugo e no centro-L da Comunidade Autónoma de Galicia. Limita ao N coa comarca de Sarria (concellos de Paradela e O Incio), ao L coa de Quiroga (Folgoso do Courel e Quiroga), ao S coa de Quiroga (Ribas de Sil), Terra de Caldelas (Castro Caldelas, A Teixeira e Parada de Sil) e Ourense (Nogueira de Ramuín), e ao O coa de Chantada (Taboada, Chantada e Carballedo). Abrangue unha superficie de 940,1 km2en que acolle unha poboación de 34.962 h (2001), distribuída entre os concellos de Bóveda (91,1 km2; 1.949 h [2001]), Monforte de Lemos (199,5 km2; 19.091 h [2001]), Pantón (142,9 km2; 3.341 h [2001]), A Pobra do Brollón (176,7 km2; 2.557 h [2001]), O Saviñao (196,6 km2; 5.010 h [2001]) e Sober (133,3 km2; 3.014 h [2001]). A capitalidade da comarca está na cidade de Monforte de Lemos, onde se asenta un equipamento comercial e de servizos cunha capacidade de atracción que supera os límites...

GALICIA

Comarca situada no SL da provincia da Coruña e no centro da Comunidade Autónoma de Galicia. Limita ao N coa comarca de Betanzos (concellos de Curtis e Vilasantar) e a Terra Chá (Guitiriz), ao S coa de Deza (concellos de Vila de Cruces e Agolada), ao L coas de Lugo (concello de Friol) e A Ulloa (concello de Palas de Rei), e ao O coa de Arzúa (concellos de Boimorto e Arzúa). Abrangue unha superficie de 367,2 km2en que acolle unha poboación de 14.066 h (2001), distribuída entre os concellos de Melide (101,3 km2; 7.818 h [2001]), Santiso (67,4 km2; 2.266 h [2001]), Sobrado (120,6 km2; 2.402 h [2001]) e Toques (77,9 km2; 1.580 h [2001]). Presenta unha clara capitalidade comarcal centrada na vila de Melide, vinculada ao Camiño Francés de peregrinación a Santiago.
Xeografía física
Dentro do relevo comarcal, composto por materiais duros (granitos, serpentinitas, anfibolitas e lousas), que alternan con depósitos cuaternarios...

GALICIA

Comarca situada ao O da provincia da Coruña e no NO da Comunidade Autómoma de Galicia. Limita ao N co Océano Atlántico e coa comarca de Bergantiños (concellos de Laxe e Cabana de Bergantiños), ao S coas comarcas de Xallas (concello de Mazaricos), ao L as comarcas de Bergantiños (concello de Coristanco) e Xallas (concello de Santa Comba) e ao O a comarca de Fisterra (concellos de Dumbría e Muxía) e, de novo co Océano Atlántico. Abrangue unha superficie de 372,5 km2en que acolle unha poboación de 21.020 h (2001), distribuída entre os concellos de Camariñas (51,9 km2; 6.421 h [2001]), Vimianzo (187,4 km2; 8.542 h [2001]) e Zas (133,2 km2; 6.057 h [2001]). Non existe unha clara capitalidade comarcal, aínda que Vimianzo exerce certa atracción.
Xeografía física
Desde o punto de vista físico, trátase dun espazo moi contrastado, pois é unha comarca costeira e interior ao mesmo tempo. O relevo pódese enmarcar nunha área de transición...

GALICIA

Comarca situada ao NL da provincia de Ourense e no SL da Comunidade Autónoma de Galicia. Limita ao N coa comarca de Quiroga (concellos de Ribas de Sil e Quiroga), ao S coas de Verín (concello de Laza) e Viana (concellos de Vilariño de Conso e Viana do Bolo), ao L coa comarca de Valdeorras (concellos de Larouco e O Bolo) e ao O coa comarca da Terra de Caldelas (concellos de Castro Caldelas e Montederramo). Abrangue unha superficie de 431,7 km2en que acolle unha poboación de 5.730 h (2001), distribuída entre os concellos de Chandrexa de Queixa (171,8 km2; 844 h [2001]), Manzaneda (114,6 km2; 1.198 h [2001]), A Pobra de Trives (84,2 km2; 2.756 h [2001]) e San Xoán de Río (61,1 km2; 932 h [2001]). A Pobra de Trives é a capital comarcal e un núcleo consolidado de servizos básicos. Debido ao seu afastamento da capital da provincia, o referente da comarca é O Barco de Valdeorras, sobre todo no relativo a servizos públicos especializados.
...

PERSOEIRO

Escritor belga. Admirador de Apollinaire, tanto a súa poesía, con obras como Vie poésie (1961), como a súa prosa, con títulos como Échec du Temps (1945), caracterízanse por evidentes audacias formais.

SEMANARIOS

Semanario publicado en Ourense a partir do 7 de febreiro de 1876 que cesou en 1889. Subtitulado “Parrafeos c’o pobo galego”, incluíu na portada os lugares de venda e os seus contidos “artigos de costumes, poesías, efemérides, cantares e contos do país galego”. Fundado por Valentín Lamas Carvajal, foi o primeiro xornal publicado integramente en galego e no que, baixo un estilo xornalístico e literario, onde se abordaron os problemas cotiáns do rural galego e a defensa do idioma desde un punto de vista anticentralista, foi precursor dos ideais agrarios e galeguistas. A publicación tivo dúas épocas, a primeira entre 1876 e 1880, en que se publicou primeiro como quincenal e, a partir do 5 de novembro de 1876, semanal, aínda que con diversas suspensións. A segunda época abarcou entre 1883 e 1889, cunha certa regularidade. A través de diálogos co paisano, o tío Marcos, Lamas Carvajal denunciou o caciquismo, a miseria do campo galego, os impostos e os políticos corruptos; para iso, contou coa...

PERSOEIRO

Escritor latino. É autor dunha Vita Ciceronis e do tratado gramatical De usu atque ratione linguae latinae. A tradición atribúelle a invención das notas tironianas.

GALICIA

Compositor e pianista, curmán de Marcial del Adalid. Formado en Londres con I. Moscheles, viaxou por Europa e estableceu amizade con Chopin, Liszt e Rossini. Das súas composicións destacan Seven Waltzes for the Piano Forte, Bagatela campestre e Tres bagatelas.