"Bade" (Contén)

PARROQUIA

Parroquia baixo a advocación de san Vicenzo que dá nome ao concello de Rábade, onde se atopa a capital municipal.

GALICIA

Concello da comarca de Lugo, situado no centro da provincia de Lugo. Limita ao N e ao O co concello de Begonte (comarca de Terra Chá), e ao S e L con Outeiro de Rei (comarca de Lugo). Abrangue unha superficie de 5,2 km 2, en que acolle unha poboación de 1.699 h (2007), distribuída nunha única parroquia, Rábade. A súa capital é a vila de Rábade, que se sitúa a 43° 07’ 18’’ de latitude N e 7° 37’ 25’’ de lonxitude O, e dista 15 km da capital provincial. Está adscrito á diocese de Lugo e ao partido xudicial de Lugo.
Xeografía física
O concello de Rábade atópase integrado dentro do conxunto da Terra Chá, polo que o substrato litolóxico sobre o que se asenta non presenta grandes complicacións dadas as súas escasas dimensións, e por atoparse nunha área de sedimentos aluviais cuaternarios arrastrados polo río Miño e lousas cámbricas. As formas do relevo presentan unha topografía de chaira, só incidida levemente na parte oriental polo paso do río Miño. Desde...

GALICIA

Actor, autor e director teatral. Participou como actor en diversas montaxes da Escola Dramática Galega, como A noite vai coma un río (1979), de A. Cunqueiro; e dirixiu O paseio de Buster Keaton (1980), de F. García Lorca. Coa compañía Luís Seoane interpetou Dansen (1980), de B. Brecht. Escribiu os dramas Lenda antiga do home que quererá voar (1979, Premio Teatro Breve da EDG), en que trata a submisión do home actual á ciencia e ao progreso; e A outra historia de Brancaneves (1980).

GALICIA

Profesor. Desde 1983 é catedrático numerario de Lingua e Literatura Galegas do Instituto Ramón Menéndez Pidal (Zalaeta) da Coruña. Foi secretario da comisión lingüística da Associaçom Galega da Língua (1980-1988) e formou parte do consello de redacción de Agália ata 1995. Publicou varias obras, tanto de tipo gramatical como pedagóxicas. Entre as primerias cómpre destacar Língua: gramática metódica da língua galega (1980) e Nova gramática para a aprendizaxe da língua (1988), ambas as dúas en colaboración; Normas ortográficas do idioma galego. Texto íntegro, guia e comentários (1980) e Estudo crítico das Normas ortográficas e morfolóxicas do idioma galego (1983). En canto ao material pedagóxico publicou, en colaboración, Língua galega 2 (1981) e E non chegou a ser palabra (1995); Actividades de léxico 1 (1990) e Actividades de léxico 2 (1990), que tamén dirixiu e coordinou; Actividades de expresión oral e...

GALICIA

Escritor e profesor. Membro do grupo poético Cravo Fondo e cofundador do PEN Club de Galicia, colabora en diversas publicacións periódicas, como o Boletín Galego de Literatura, Dorna e Follas Secas con artigos sobre temas literarios e lingüísticos. Na súa obra poética, en que a paisaxe galega é un dos elementos centrais, abundan os trazos intimistas e pesimistas, xunto con algúns elementos eróticos. Publicou os poemarios Xuntos cara ao mañán (1969), Sangue na paisaxe (1980, Premio Manuel Antonio), No aló de nós (1981, Premio Galicia), en colaboración con H. Villar Janeiro; Matria de sombra (1987), Poldros de música (1993, XIII Premio Esquío) e Os dedos dos loureiros (2000); no apartado de literatura infantil, tamén con H. Villar, Contos de nós e da xente (1975) e O libro de María (1984); as novelas Morrer en Vilaquinte (1980, Premio Galicia), en colaboración con H. Villar; Branca...

GALICIA

Filósofo. Doutor en Filosofía e catedrático emérito da Universidad Complutense de Madrid, foi vicerreitor da mesma, director do Instituto de Filosofía Luis Vives e primeiro reitor da Universidade San Pablo CEU. Publicou Verdad, conocimiento y ser (1965), Guillermo de Ockham y la filosofía del siglo XIV (1966), Hume y el fenomenismo moderno (1974), Método y pensamiento en la modernidad (1981), La razón y lo irracional (1994) e Teoría del conocimiento (1998). Recibiu a medalla de ouro da Universidad Complutense de Madrid e a Encomienda de Alfonso X el Sabio.

GALICIA

Escritora. Coñecida como María do Cebreiro, foi profesora de literatura occidental e comparada na Universidade de Porto, colabora en diversas revistas, como Boletín Galego de Literatura, Dorna e Grial. Coordinadora das antoloxías A poesía é o gran milagre do mundo (2001) e Damas Negras (2002), escribiu os poemarios O estadio do espello (1998), Nós as inadaptadas (2002) e Non queres que o poema te coñeza (2004, II Premio Caixanova de Poesía).

MUNICIPIOS

Municipio de Asturias, situado na beira esquerda da desembocadura do río Deva, no límite con Cantabria (1.806 h [2001]). O núcleo do termo é Colombres. A súa economía baséase na gandaría, a pesca e o turismo. Do seu patrimonio destacan as pinturas rupestres da cova de El Pindal (BIC, 1924).

PARROQUIA

Parroquia do concello de Tui baixo a advocación de santa Comba.

LIÑAXES

Liñaxe de orixe galega que trae por armas en campo de ouro, unha cruz flordelisada de goles, cargada de cinco cunchas de vieira de prata, unha no centro e unha en cada brazo; en punta ondas de azul e prata.

PERSOEIRO

Relixioso franciscano. De orixe galega, formouse en Salamanca onde foi lector. Estivo nas misións en Manila e Xapón (1594), e, de volta a Manila (1598), percorreu Filipinas para escribir Historia de las islas del archipiélago Filipino y reinos de la Gran China, Tartaria, Cochinchina, Malaca, Siam, Camboxa y Japón (1601). Escribiu tamén Excelencias de la Corona de la Virgen Santísima (1606).

1. Relativo ou pertencente a Ribadeo ou aos seus habitantes.

2. Natural ou habitante de Ribadeo.

SEMANARIOS

Semanario publicado en Ribadeo a partir de febreiro de 1909. Cesou en febreiro de 1920. Editado nos obradoiros tipográficos de César González-Seco (Mondoñedo) e na tipografía de Francisco Lanza (Ribadeo) xa nos últimos anos, apareceu como semanario independente. De tendencia conservadora, foi dirixido por Marcial de Mira. Alternou temas de carácter local con outros de Galicia e do ámbito internacional, ademais de incluír artigos sobre o campo galego e as loitas sociais.

PARROQUIA

Parroquia baixo a advocación de santa María que dá nome ao concello de Ribadeo, onde se localiza a capital municipal.

GALICIA

Concello pertencencente á comarca da Mariña Oriental, situado no NL da provincia de Lugo e da Comunidade Autónoma de Galicia. A súa posición xeográfica é 43° 32’ 17’’ de latitude N e 7° 02’ 21’’ de lonxitude O. Limita ao N co Mar Cantábrico, ao S con Trabada (comarca da Mariña Oriental), ao L coa ría de Ribadeo e Asturias, e ao O con Barreiros (comarca da Mariña Oriental). Abrangue unha superficie de 108,9 km2, en que acolle unha poboación de 9.764 h (2007) distribuída entre as parroquias de Arante, Cedofeita, Couxela, Covelas, A Devesa, Ove, Piñeira, Ribadeo, Rinlo, Santalla de Vilausende, Vilaframil e Vilaselán. A súa capital é a vila de Ribadeo, localizada a 90 km da capital provincial. Está adscrito á diocese de Lugo e ao partido xudicial de Mondoñedo.
Xeografía física
O relevo de Ribadeo pódese dividir en tres unidades, a Rasa Cantábrica, os relevos residuais e as marxes da ría de Ribadeo. A Rasa Cantábrica, que ocupa a franxa setentrional, é unha...