"Red" (Contén)

1. Acción e efecto de redimir ou redimirse.

2. Liberación por medio dun rescate da condición de pecado, de infidelidade, de sufrimento e de morte, común á maioría das relixións. Así, o sacrificio dos primoxénitos dos animais redime os homes, que doutro xeito serían inmolados; e o sacrificio dunha soa persoa pode redimir a colectividade, como a Ifixenia da mitoloxía grega. Como liberación, confúndese coa salvación e é a base de todas as relixións universalistas e das antigas relixións dos misterios. Non obstante, a orixe xurídica do concepto de rescate permite determinar unha concepción da salvación propia da tradición xudeocristiá. A partir do Novo Testamento, a idea de redención ocupa un lugar central na mensaxe cristiá. Son numerosos os textos nos que a morte de Xesús Cristo se explica como un rescate para a liberación do home do poder do mal, que o ten sometido. De aquí provén o valor redentor da morte de Xesús Cristo na cruz, cuxa morte, segundo as teorías da satisfacción, foi a prestación equitativa, a redención condigna,...

3. 1. Recuperación dunha cousa ou dun dereito, e que se libera dunha determinada obriga ou mediante o pagamento dunha cantidade.

   2. redención da enfiteuse

      Facultade que se lle outorga ao enfiteuta de poder extinguir a enfiteuse mediante o aboamento ao señor do importe convido ao constituírse a enfiteuse ou en pacto posterior. Tamén pode ser da cantidade que resulta de capitalizar a pensión ao 3% e o importe dun laudemio de acordo co tipo pactado.

   3. redención de censos

      Forma de liberar a propiedade devolvéndolle ao censualista o capital do censo representado polo valor asignado á propiedade no momento de constituír o contrato e por unha cantidade equivalente aos laudemios que deixou de percibir, que varía segundo os costumes. Quen recibe o capital en diñeiro ou en propiedades gravando a propia ou a que lle transmiten co pagamento da pensión censual, libera a propiedade desta carga devolvendo o capital recibido.

   4. redención de penas por traballo

      Posibilidade de reducir a pena como contraprestación do traballo levada a cabo durante o tempo da condena.

   5. redención dunha servidume

      Forma de extinción dunha servidume mediante o pagamento dun prezo pactado con anterioridade. O código civil español prescribe a redención das servidumes de pasto e leña.

PUBLICACIÓNS

Publicación editada en Vigo a partir de 1900. Non cesou antes de 1913. Rexionalista con orientación cara ao agrarismo, funcionou como órgano do Directorio Redencionista. De periodicidade quincenal e dirixido por Arturo P. Alcaina, criticou o sistema foral e avogou pola liberación total do labrego. A publicación tivo unha segunda época, a partir de marzo de 1910. No I Congreso Agrario Provincial de Pontevedra foi nomeado voceiro da Federación Provincial de agricultores.

PUBLICACIÓNS

Publicación editada en Vigo entre xuño e decembro de 1931. Voceiro do Sindicato de Industria Pesquera y sus Derivados (CNT), editouse decenalmente baixo a dirección de Manuel Fandiño. Recolleu as preocupacións do sindicato marítimo e os seus movementos reivindicativos. A partir de 1931 foi substituído polo voceiro da Federación Nacional de Industria Pesquera, denominado Mar y Tierra.

1. Que ou quen redime.

2. Nome que recibe Xesús Cristo. O título é practicamente equivalente ao de salvador. OBS: Adoita escribirse en maiúscula.

3. Relixioso das ordes mercedaria e trinitaria encargado de negociar o rescate dos cativos cristiáns en terras musulmás.

1. Relativo ou pertencente aos redentoristas.

2. Membro da congregación do Santísimo Redentor fundada en 1732 por santo Afonso María de Liguori en Scala, preto de Amalfi (Italia), para realizar misións entre a poboación rural de Nápoles. Foi aprobada por Benedito XIV (1749) e estendeuse por Europa, América e India. En 1732 fundouse tamén a rama feminina, dedicada á vida contemplativa e organizada por Maria Celeste Crostarosa.

PERSOEIRO

Antropólogo estadounidense. Foi un dos primeiros en interesarse polo cambio social e a aculturación, en obras como Tepoztlan, a Mexican Village (1930), Chan Kom: A Maya Village (1941), The Folk Culture of Yucatan (1941) e A Village that Chose Progress (1950). Introduciu o concepto de cultura folk en The Little Community (1955) e Peasant Society and Culture (1956).

PERSOEIRO

Actor e realizador cinematográfico. Con Butch Cassidy and Sundance Kid (1969), de G. Roy Hill, impúxose como un dos actores galantes máis destacados do momento. Dos seus filmes como actor destacan Jeremiah Johnson (1972), The Great Gatsby (1973), All the President´s Men (1975), Out of Africa (1985), Havana (1990) e Un Unfinished Life (2005). Dirixiu os filmes Ordinary People (1980), co que obtivo catro Oscar, un deles á mellor dirección; The Milagro Beanfield War (1987) e The Legend of Bagger Vance (2000). Recibiu un Oscar honorífico (2001).

PERSOEIRO

Remeiro inglés. Considerado un dos mellores remeiros da historia, foi cinco veces consecutivas campión olímpico en Los Angeles (1984), en catro sen temoneiro, e en Seúl (1988), Barcelona (1992), Atlanta (1996) e Sidney (2000), en dous sen temoneiro. Gañou o campionato do mundo en nove ocasións (1986, 1987, 1991, 1993, 1994, 1995, 1997, 1998 e 1999). Escribiu Steven Redgrave’s Complete Book of Rowing (1992).

PERSOEIRO

Actriz teatral e cinematográfica. Iniciou a súa carreira cinematográfica con Morgan: a Suitable Case for Treatment (1965) de K. Reisz, quen a volveu dirixir en Isadora (1968). Recibiu un Oscar pola súa interpretación en Julia (1977) de F. Zinneman. Participou tamén en Camelot (1967), Yanks (1979), The Bostonians (1984), Howards End (1991), James and the Giant Peach (1995) e The Fever (2004).