"Alca" (Contén)

MUNICIPIOS

Municipio da provincia de Albacete, Castela-A Mancha, ao pé da serra de Alcaraz (1.799 h [1996]). Centro agrícola e gandeiro. Castelo, murallas e conxunto monumental renacentista na Praza Maior.

PERSOEIRO

Pintora. Licenciada en Belas Artes pola Universidade Complutense de Madrid (1996). A súa obra caracterízase por unha ollada permanente cara ao mar, empregando diversas técnicas e materiais. Entre as súas exposicións destacan as colectivas na Sala Caixavigo (Vigo,1993) e Sala de Exposicións da Facultade de Belas Artes (Madrid, 1995) e a individual Naufraxios (Puerto de La Cruz,1999).

SERRAS

Serra da Península Ibérica ao L de Sierra Morena. Separa a depresión do Guadalquivir e a de Murcia en dirección N-L. As rochas que a forman son arxilas e margas triásicas. Nela nacen os ríos Guadalmen e Guadalimar (da conca do Guadalquivir) e o Mundo (da conca do Segura).

MUNICIPIOS

Municipio da provincia de Lleida, á dereita do Segre (4.715 h [1996]. Agricultura (cebada de regadío, árbores froiteiras, alfalfa, trigo e hortalizas) e gandería (porcino, bovino, ovino e avícola). Balneario de augas cloruradas sódicas ferruxinosas.

MUNICIPIOS

Municipio da provincia de València (7.335 h [1996]). Cultivo de laranxeiras, oliveiras, viñas de moscatel, amendoeiras e horta. Gandería e industria da madeira e do moble. Igrexa parroquial de Sant Martí (1805) coa capela do Sant Crist de la Fe (1819), obxecto de especial veneración.

1. Cada un dos materiais bituminosos, de cor escura, líquidos ou semilíquidos a temperatura ambiente e de composición variable, que se obteñen por destilación destrutiva do carbón, a madeira, a turba e outros materiais vexetais ou carbonáceos. Na súa composición interveñen diversos fenois, coñecidos como ácidos do alcatrán (fenois, cresois, xilenois, etc), diversas aminas aromáticas e heterocíclicas, coñecidas como bases do alcatrán (anilina, piridina, picolina, lutidina e quinolina) e tamén unha mestura de hidrocarburos aromáticos mononucleares e polinucleares. A destilación dos alcatráns orixina un residuo, coñecido co nome de brea. O alcatrán ten unha grande importancia na industria química, xa que constitúe a primeira materia na síntese de produtos moi diversos, como colorantes, polímeros plásticos, caucho, perfumes sintéticos, produtos farmacéuticos, tecidos sintéticos e explosivos. O alcatrán adoita recibir o nome da materia orgánica da que se obtén: alcatrán...

2. alcatrán betume

3. alcatrán de carbón

4. alcatrán de piñeiro

1. Untar ou impregnar de alcatrán.

2. Mesturar con alcatrán.

3. Técnica mediante a que se protexen e impermeabilizan os cascos dos barcos construídos en madeira. Faise unha vez ao ano e con motivo do remate da temporada de pesca. O impermeabilizante conséguese mesturando brea, xofre e aceite que se quentan nunha pota para a continuación aplicala directamente no barco, asegurándose de que non se abran gretas na aplicación. Antes deste proceso cómpre eliminar a capa antiga de alcatrán chamuscando ben os fondos da embarcación.

ILLOTES

Illote da baía de San Francisco (California). Os españois ocupárono no 1769 e chamárono Isla de Alcatraces. No 1851 pasou a ser posesión dos EE UU, que estableceron alí un cárcere fortificado do exército no ano 1868. Dende 1933 converteuse en prisión federal forxando unha lenda de infranqueabilidade e imposibilidade de fuxida que inspirou obras literarias e cinematográficas. A cadea pechouse no 1963 porque o custo de mantemento era elevado de máis.