"Mau" (Contén)

PERSOEIRO

Duque (1541-1547) e elector (1547-1553) de Saxonia. Loitou xunto a Carlos V ata a Batalla de Mühlberg (1547) para conseguir o título de elector, pero despois uniuse á Liga de Königsberg (1550) e asinou o Tratado de Chambord (1552) con Enrique II de Francia. Apoderouse de Augsburgo e de Innsbruck, provocando a fuxida do Emperador Carlos V. Ao mes seguinte asinou con el o Tratado de Passau (1552).

PERSOEIRO

Emperador romano de Oriente (582-602). Combateu os persas en Constantina (581) e, grazas á súa vitoria, Tiberio II escolleuno como xenro e sucesor. Reorganizou a administración do imperio e creou os exarcados de Italia e África. Defendeu Italia contra os longobardos, os ávaros e os eslavos, pero foi derrocado e asasinado por unha sublevación militar, apoiada polo Senado, que nomeou emperador o centurión Focas.

ILLAS

Estado de África oriental, situado no Océano Índico, ao L de Madagascar. Comprende as illas Mauricio, Rodrigues e os grupos de Agalega e Saint Brandon, tamén chamados Cargados Carajos (1.865 km2; 2.045 km2 coas súas dependencias; 1.156.000 h [estim 2001]). A capital é Port Louis.
Xeografía
De orixe volcánica, o relevo ao longo da costa é montañoso e de fértiles chairas no interior. O clima é monzónico e son frecuentes os tifóns. A base económica é a agricultura, onde destacan os cultivos de cana de azucre, té, tabaco, millo, arroz, legumes, hortalizas, oleaxinosas e froita tropical. Posúe industria de transformación de produtos agrícolas, da madeira, de confección téxtil, unha fábrica de fertilizantes e unha refinería de petróleo. Exporta azucre e subprodutos, confección, té, petróleo e artigos manufacturados.
Sociedade e goberno

Diversidade étnica e cultural
A poboación de...

PERSOEIRO

Anarquista. Promoveu os Comités Sindicalistas Revolucionarios (1922), afiliouse ao PCE (1924) e cofundou o Partido Obrero de Unificación Marxista (POUM), do que foi secretario. Foi deputado pola Frente Popular. Ao final da Guerra Civil Española foi condenado a 30 anos de reclusión, e despois de ser indultado en 1947, exiliouse en Nova York. Escribiu Los hombres de la ditadura (1930), La revolución española (1932), Hacia la segunda revolución (1935) e Revolución y contrarrevolución en España (1966).

1. Relativo ou pertencente aos maurinos.

2. Membro da congregación beneditina francesa coñecida como Congrégation de Saint-Luaur, creada por san Mauro en 1621 e confirmada polo Papa Urbán VIII (1627) e polo Rei Luís XIII de Francia (1631-1632). Os primeiros maurinos, dos que destacaron J. L. D’Achéry, J. Mabillon, B. De Montfaucon, E. Martène, T. Ruinart, F. De Lamy, J. Martianay, J. Garnier, P. Coustant, C. De La Rue, C. F. Toustain, R. P. Tassin, C. De Vic e J. Vaissete, déronlle á congregación unha forte orientación cultural e científica. A congregación subsistiu ata tempos da Revolución Francesa.

ENTRADA LARGA

Estado de África occidental que limita co Sáhara Occidental e Alxeria, ao N, con Mali, ao L e ao S, con Senegal, ao S, e co Océano Atlántico, ao O (1.030.700 km2; 2.614.000 h [estim 2001]). A súa capital é Nouakchott.
Xeografía
Está constituída por unha gran chaira dominada por altiplanos rochosos de pouca altitude e conforma o extremo do sector occidental do Sáhara. A costa é baixa e está rodeada de dunas. O clima é desértico, aínda que cidades como Nouadhibou e Nouakchott reciben a influencia dos ventos mariños. Non conta con correntes fluviais de cursos constantes, e tan só ao S, na liña de fronteira con Senegal, pasa o curso baixo do río Senegal, que dá lugar a unha vexetación de estepa arborizada. No interior a vexetación é espiñosa, mentres que na costa predomina a arbustiva. A maioría da poboación dedícase á agricultura de subsistencia e á gandería. Os principais cultivos son millo miúdo, arroz, millo, pataca doce, cacahuetes...

1. Relativo ou pertencente a Mauritania ou aos seus habitantes.

2. Natural ou habitante de Mauritania.

PERSOEIRO

Monxe. Introduciu o monaquismo beneditino na Galia ao fundar a congregación maurina e o mosteiro de Glanfeuil (actual de Saint-Maur-sur-Loire), o primeiro desta orde en Francia. A súa festividade celébrase o 15 de xaneiro.

PERSOEIRO

Escritor francés. Coñecido como Émile Herzog, as súas experiencias na Primeira Guerra Mundial reflectíronse en Les silences du colonel Bramble (1918). Cultivou un estilo elegante e convencional e publicou as obras Bernard Quesnay (1926), Climats (1928) e Le cercle de famille (1932).

PERSOEIRO

Astrónomo e matemático siciliano. Coñecido como Francesco de Messina, a partir de 1550 dedicouse ao estudo da óptica, especialmente dos fenómenos relacionados cos espellos esféricos, cos prismas e co mecanismo da visión humana. Explicou tamén o fenómeno do arco de San Martiño ou arco da vella.

PERSOEIRO

Político francés. En 1963 entrou no gabinete político do Parti Socialiste (PS), do que foi secretario xeral adxunto (1966-1970). Secretario nacional de coordinación do novo Parti Socialiste (1971-1979), despois da vitoria do PS nas eleccións de 1981 foi nomeado primeiro ministro e formou un goberno de coalición con representantes dos partidos socialista, comunista e radical de esquerda. Dimitiu do cargo en 1984 e foi secretario do PS no período 1988-1992. En 1992 substituíu a Willy Brandt na presidencia da Internacional Socialista. Elixido senador en setembro dese ano, foi reelixido en setembro de 2001.

PERSOEIRO

Escritor e político. Fundou o movemento monárquico L’Action Française e dirixiu a revista e o diario do mesmo nome. Foi favorable á evolución dos nacionalismos e anticipou algúns axiomas do fascismo. Escribiu L’avenir de intelligence (1905), Enquête sur la monarchie (1900-1909), La Musique intérieure (1925) e Romanticisme et révolution (1925).

PERSOEIRO

Oceanógrafo estadounidense. Fundador do gabinete hidrográfico de EE UU, elaborou mapas dos ventos e das correntes do Océano Atlántico. Das súas obras destacan The Physical Geography of the Sea (1855) e Letter Concerning Lanes for Steamers Crossing the Atlantic (1855).

1. Relativo ou pertencente á dinastía maurya.

2. Membro da dinastía india fundada en Magadha cara a 320 a C por Chandragupta Maurya, que se apoderou de Pāṭaliputra despois de matar o derradeiro descendente dos nandas. O membro que máis destacou desta dinastía foi Aśoka, que propagou o budismo por India. A dinastía foi derrotada por Pusyamitra (185 a C).

PARROQUIA

Parroquia do concello de Muíños baixo a advocación de santa Baia.