"To" (Contén)

PERSOEIRO

Economista. Promotor da facultade de Ciencias Económicas, Sociais e Políticas de Madrid (1944), foi catedrático de Teoría Económica (1945) e decano, e intentou unha certa racionalización da política económica de España. Atraído nunha primeira época polo nacionalismo económico, inclinouse gradualmente cara ao neoliberalismo e o neocapitalismo.

PERSOEIRO

Escritor. Foi o primeiro dramaturgo hispánico que tentou unha renovación da escena partindo de presupostos italianos, humanistas e horacianos, tal e como formulou no “Proemio” da Propaladia, que recolle a súa produción poética e dramática, en Diálogo del Nacimiento e en seis comedias.

GALICIA

Teólogo e escritor. Encetou a carreira eclesiástica no Seminario de Santiago de Compostela e estudou humanidades, filosofía e teoloxía na Universidad Pontificia de Comillas. Doutorouse en Teoloxía na Universidade Gregoriana de Roma cunha tese sobre o pensamento de A. Amor Ruibal e en Filosofía na Universidade de Santiago. Profesor de filosofía da relixión na Universidade de Santiago, coordinou o equipo de especialistas que traduciu a Biblia ao galego. Director de Encrucillada. Revista Galega de Pensamento Cristián, das súas obras destacan Teoloxía e Sociedade (1974), Constitución y evolución del Dogma. La teoría de Amor Ruibal y su aportación (1977), Recupera-la salvación (1977, Premio da Crítica 1978), Noción, religación, trascendencia. O coñecemento de Deus en Amor Ruibal e Xavier Zubiri (1990), O inferno a revisión (1995), El problema de Dios en la Modernidad (1998), Para unha filosofía da saudade (2003),...

PERSOEIRO

Enxeñeiro e matemático. Foi presidente da Academia de Ciencias de Madrid. Coñecido polas súas máquinas automáticas de calcular e diversos dispositivos para o control remoto, fíxose célebre co seu ‘xogador de xadrez’. Construíu un transportador aéreo nas fervenzas do Niágara e un tipo de dirixible de estrutura funicular.

GALICIA

Escritor e mestre. Colaborador de A Nosa Terra e do Anuario Brigantino, onde publicou diversos traballos e monografías sobre persoeiros locais, coordina a revista A Xanela. Escribiu Xoán Vicente Viqueira e o nacionalismo galego (1987) e Alcumes recollidos en Betanzos (1989), en colaboración con Xulio Cuns.

PERSOEIRO

Eclesiástico e revolucionario. Ordenado sacerdote (1954), estudou socioloxía en Lovaina e foi profesor da Universidad de Bogotá. Intentando crear o Frente Unido del Pueblo Colombiano viuse obrigado a pedir a redución ao estado laical (1965). Fracasado o Frente, incorporouse ao movemento guerrilleiro do Ejército de Liberación Nacional (1966) e morreu en combate.

PERSOEIRO

Relixioso. Licenciado en Dereito Canónico e doutor en Filosofía e Letras (1944), foi profesor de historia antiga e medieval na Universidade de Santiago de Compostela (1939-1970) e director da Biblioteca Universitaria de Santiago. Colaborador en diversas publicacións, realizou a tradución con A. Moralejo e J. Feo do Liber Sancti Jacobi, “Codex Calixtinus” (1951) e escribiu, entre outras obras, Egeria: Monxa galega (1976), Galicia histórica: el reino de los suevos (1977), La Galicia romana (1982) e Paulo Orosio: su vida y sus obras (1985). Foi membro da Real Academia Galega.

PERSOEIRO

Futbolista. Coñecido como “el niño”, xoga na posición de dianteiro. Comezou a súa carreira futbolística no Atlético de Madrid aos dez anos e fixo o seu debut no primeiro equipo do clube Atlético de Madrid na tempada 2000/01 e na primeira división española o ano seguinte trala ascensión do Atlético. Xogou cinco tempadas neste equipo, co que marcou un total de setenta e catro goles. No ano 2007 asinou un contrato con equipo inglés Liverpool CF no que foi a fichaxe mais cara na historia do clube. Debutou como internacional na selección española o 6 de setembro de 2003, participou na Eurocopa de 2004, no Mundial de 2006 e na Eurocopa de 2008, marcando o gol que lle deu a vitoria a España fronte a Alemaña na final.

PERSOEIRO

Escritor. Frecuentou moito a corte e foi ordenado sacerdote aos 52 anos. A súa obra máis coñecida é a historia da súa vida, que entronca, en parte, coas narracións picarescas, Vida, ascendencia, nacimiento, crianza y aventuras del Dr. D. Diego de Torres Villarroel (1743). Admirador de Quevedo, imitouno nos seus Sueños morales, visiones y visitas de Torres con D. Francisco de Quevedo por Madrid (1727-1751).

PERSOEIRO

Político e patriota colombiano. Participou na Junta Suprema (1810-1811) e foi presidente das Provincias Unidas (1811-1816), que tomaron forma republicana desde 1813. Axudou a Bolívar na campaña venezolana. Durante a contraofensiva española encabezada por Morillo foi perseguido, capturado e executado.

PERSOEIRO

Escritor. Fundador e director dos xornais El Republicano, La Opinión Pública e El Nuevo Tiempo, cultivou a poesía e o drama. Da súa obra destacan Obra poética (1906), Estudios ingleses-estudios varios (1907) e Idola Fori (1909).

PERSOEIRO

Navegante portugués. Traballou ao servizo do Rei Filipe III de Castela. Descubriu as Novas Hébridas e o estreito de Torres. Escribiu unha relación das súas viaxes.

MUNICIPIOS

Municipio da provincia de Alacant, Comunitat Valenciana (50.953 h [2001]). Ten cultivos de cítricos, hortalizas, amendoeiras, vide e cereais. É importante a actividade turística, con moitos apartamentos e urbanizacións na costa. A industria é pouco relevante mentres que case dúas terceiras partes da poboación activa traballan no sector terciario.

PERSOEIRO

Físico e matemático italiano. Estudou en Faenza e Roma. Sucedeu a Galileo como matemático do gran duque de Toscana. Estudou o movemento dos corpos e o seu equilibrio, así como a caída dos líquidos. Construíu diversos instrumentos, entre eles un termómetro, e en 1643 realizou unha experiencia para medir a presión atmosférica mediante un tubo de mercurio, que constitúe o fundamento do barómetro. Publicou Trattato del moto (1640) e Opera geométrica (1644).