"CIA" (Contén)

Revista de carácter político editada a partir de xuño de 1969. Subtitulouse “Voceiro do Partido Socialista Galego”. En 1976 comezou unha segunda época, na que tivo dúas etapas diferenciadas; a primeira, na clandestinidade, vai ata maio de 1977 (nº 7), e a segunda dende xuño de 1977, que coincidiu coa legalización do partido. Ademais de información política e de actualidade, incluíu temas culturais e técnicos. Realizou as súas reivindicacións dende unha óptica socialista e nacionalista. Nalgúns dos seus números fíxose eco da polémica que suscitou a inclusión do partido no PSdeG-PSOE.

Revista mensual deportiva editada en Vigo a partir de abril de 1991. Editada por Pro-Racquets SL, actuou como máximo responsable Fernando Rey Tapias. Incluíu, ademais de reportaxes sobre tenis, baloncesto, ciclismo, automobilismo e fútbol, entrevistas, noticias e artigos de opinión.

Periódico editado en Vigo a partir do 2 de marzo de 1990. Editado por Public Print, da súa dirección encargábase Mª Isabel Alambiaga Iseli. Subtitulouse nos seus comezos “Semanario independiente del sur de Galicia” e posteriormente “Vanguardia de una época”. Incluíu información de actualidade, novas culturais sobre arte rupestre, pintura e teatro, e artigos onde se trataban temas relacionados coa ecoloxía, a educación, a saúde, o motor, os deportes e a música.

Periódico editado na Coruña a partir dos anos sesenta do s XX. Subtitulouse “Revista anual de turismo” e dende 1984 “Publicación de la Consellería de Turismo, Juventud y Deportes en colaboración con CEHOSGA”. Dirixido por José L. Dorrego, dende 1984 ocupou o cargo Ezequiel Pérez Montes. Imprimiuse nos obradoiros tipográficos de El Ideal Gallego. Incluíu información sobre turismo, museos e gastronomía, ademais dunha guía de cámpings e hoteis.

Programa radiofónico que comezou a súa emisión en Barcelona en xaneiro de 1994. Dirixido por Moncha Prieto, difundiuse por Radio Ciutat Vella. Enmárcase dentro do estilo de programas definidos pola ERGaC.

Demarcación territorial establecida a comezos do s XVIII sobre a que exercía a súa xurisdición un capitán xeneral con sede na Coruña. A finais do s XV apareceu a figura do gobernador capitán xeneral de Galicia, coas atribucións de xefe militar e presidente da Audiencia. Os Reis Católicos nomearon a Fernando de Acuña para este posto (1480) e entre as súas atribucións destacaban levantar en armas unha ou varias comarcas e contar co apoio de toda a xente de armas do país. A Capitanía Xeneral de Galicia estivo en perigo de desaparición coa refundición das capitanías de Castela A Vella e Galicia (1893), pero a forte oposición da Asociación Regionalista Gallega levou ao goberno a retirar a proposta. Polo Real Decreto de 2 novembro de 1904 creouse a VII Rexión Militar do exército de terra, formada polas provincias de Valladolid, León, Salamanca, Oviedo, A Coruña, Lugo, Ourense e Pontevedra. O Real Decreto de 17 de xaneiro de 1907 reorganizou a Capitanía Xeneral de Galicia da que formaron parte...

Título co que se coñecía, durante o reinado de Afonso VI (1071-1109), ao nobre encargado de gobernar o Reino de Galicia en nome do rei. Ocuparon este cargo, entre outros, Oveco Bermúdez, Rodrigo de Ovéqueiz, Reimundo de Borgoña e Urraca.

Programa semanal emitido por Radio Peninsular de Barcelona a principios dos anos setenta do s XX. Presentado por Luis del Olmo, partiu dunha iniciativa de Gonzalo García Cortizas e nel colaborou Esther Eiros. Contaba co patrocinio dos empresarios hostaleiros galegos instalados en Catalunya e tentaba promocionar a riqueza paisaxística de Galicia.

Revista de tendencia nacionalista editada en Ourense a partir de 1980. O seu editor e director foi Manuel Catoira. Trátase dunha publicación cultural onde tiveron cabida o ensaio, a literatura, a poesía e a arte. Nos seus artigos de crítica, analizou temas de actualidade como o feminismo e a liberdade de expresión.

Fundación sen ánimo de lucro constituída o 3 de setembro de 1976 baixo a presidencia do conselleiro de Cultura e Comunicación Social e coa vicepresidencia dun representante do Centro de Galicia en Bos Aires. Os sete vocais repártense entre os catro que designa o Centro de Galicia de Bos Aires, e os que nomean o conselleiro de Presidencia, o conselleiro de Economía e Facenda e o secretario xeral para as Relacións coas Comunidades Galegas. Entre os seus obxectivos inclúense o achegamento da realidade galega a todos os países americanos nos que exista unha comunidade galega vertebrada.

Fundación sen ánimo de lucro constituída o 26 de novembro de 1996 por iniciativa da Asociación de Funcionarios para a Normalización Lingüística de Galicia e que ten como obxecto a promoción, vertebración e divulgación da empresa galega como entidade específica, caracterizada pola súa vinculación á realidade socioeconómica e cultural de Galicia. En particular, son obxectivos a normalización do uso do galego na empresa, tanto nas súas relacións internas coma externas, e sen prexuízo do apoio á poliglosia como factor esencial da actividade empresarial; a promoción da investigación das características peculiares da empresa galega e da súa potenciación e desenvolvemento; o apoio á aplicación dunha estética diferenciadora dos seus produtos; e a creación e fomento de centros de diálogo e de publicacións relativas á vinculación da empresa coa realidade económica, social e cultural de Galicia. Entre os membros do padroado inclúense Manuel Puga Pereira, actual presidente, Ramón Barral Maquieira,...

Periódico editado na Coruña a partir de setembro de 1987. Cesou a súa edición no mes de outubro do mesmo ano (nº 8). Editado por El Corte Inglés e dirixido por Ana Mª Robles, saíu con motivo da exposición homónima. Incluíu artigos sobre a lingua galega, a cultura castrexa e a historia da prensa, ademais de información sobre acuicultura, novas tecnoloxías, industria e medio ambiente.

Revista de carácter vangardista editada en Santiago de Compostela a partir de 1986. Coordinada por José A. Alonso, Suso Iglesias, Pepe Barro e Lois Rodríguez, recibiu o apoio da Xunta de Galicia e da Universidad Internacional Menéndez Pelayo (UIMP). Prestaba unha especial atención á fotografía e á pintura, e incluíu artigos relacionados co vídeo e a música.