"Az" (Contén)

Recoller a saia ata o van para suxeitala a ela.

Situado na aba do monte Miranda (Iria Flavia). A distribución espacial desta construción barroca estrutúrase ao redor dunha planta en L. Enlázase a vivenda coa capela por medio dun pasadizo. Conta cun longo patín na fachada principal, montado sobre unha arcada e un soportal que se abren a un amplo xardín. Foi propiedade do avó de Rosalía de Castro, feito que motivou a súa inclusión na Ruta Rosaliana.

Afluencia grande de peixes ou crustáceos ás zonas costeiras en determinadas épocas do ano.

Cetáceo de ata 350 cm de lonxitude e entre 100 e 125 kg de peso, de cor cinsenta escura no lombo e abrancazada no ventre, semellante ao golfiño común pero co bico curto, ancho e dilatado, a mandíbula inferior máis longa ca a superior, e a aleta dorsal situada na parte central do lombo, grande, curvada e sen punta. Aliméntase de peixes bentónicos e adáptase á catividade. Vive en mandas pouco numerosas, de ata 12 animais ou ás veces varias ducias, preto das costas e desembocaduras dos ríos nas augas litorais de toda a Península Ibérica. En Galicia teñen preferencia pola costa sur e son frecuentes os varamentos.

Apelido de orixe vasca que se asentou en Muros, onde teñen casa e capela brasonadas. A esta vila chegou Juan Antonio de Artaza y Olaguíbel, natural de Górliz, quen estableceu casa e capela brasonadas logo de obter hábitos e de probar a súa nobreza. Ascendentes desta familia serviron aos reis españois na batalla do Salado e na conquista de Granada. A nobreza desta liñaxe consta nunha Real Provisión de Carlos IV, do ano 1806. As súas armas levan, en campo de azul, unha torre con homenaxe de ouro e, saíndo por enriba das ameas, medio corpo dunha aguia voante de sable coas ás despregadas e linguada de goles.

Novo grupo farmacéutico internacional que xorde da unión da empresa sueca Astra e da británica Zéneca. Traballa en distintos eidos da química como a gastrointestinal, a oncoloxía, a anestesia, o respiratorio e o cardiovascular. Cuns recursos en I+D que a sitúan no 2º lugar do ránking mundial, dispón actualmente de 55 novas entidades químicas en desenvolvemento e o acceso ás tecnoloxías máis avanzadas, como as bibliotecas de compostos químicos, sistemas de selección e obtención de produtos de alto rendimento, bioinformática, etc. En España conta con dous importantes centros de produción farmacéutica en Porriño (Pontevedra) e Esplugues de Llobregat (Barcelona), que posúen as máis avanzadas técnicas investigadoras, e oficinas centrais en Madrid, sendo o seu presidente Carlos Trias.

Instrumento que forma parte dos apeiros de labranza.

Composto químico do grupo das clorotriazinas que actúa como herbicida de forma selectiva; o seu mecanismo de acción consiste en interferir a fotosíntese en especies sensibles de dicotiledóneas anuais. Catalogada como de baixa perigosidade para o home, o seu prazo de seguridade é de 15 días.

Termo da xerga dos canteiros que corresponde á voz ‘tiro’.

Acordo asinado entre os católicos e os seguidores da confesión de Augsburgo (1555). Con el foron excluídos os partidarios de Zwingli e os anabaptistas. Con este acordo estableceuse un compromiso político-relixioso que marcou a división da Alemaña entre as dúas confesións. Concedíase o dereito de reformar os estados do Imperio e de dispoñer que a relixión de cada príncipe fose obrigatoria para os seus súbditos; quen non o aceptase podía emigrar sen danos nin no seu honor nin nos seus bens; as cidades imperiais reformadas tiñan que respectar as minorías católicas. Recoñecía tamén aos príncipes alemáns as terras de dominio eclesiástico que estiveran secularizadas ata o Tratado de Passau (1552). O arquiduque Fernando de Austria engadiulles o chamado reservatum ecclesiasticum, polo que os bispos e os abades que se pasasen á Reforma perdían o seu oficio, as rendas e o territorio.

Axustar unha curva ao perfil dun gráfico de mapa de bits. Trátase dun comando dos programas de debuxo que lle dá instrucións ao ordenador. Cando este gráfico se delinea, isto é, cando se converte nun gráfico vectorial, manipúlase con máis facilidade no programa de debuxo.