"TBO" (Contén)

Club fundado en Monforte de Lemos en abril de 1923 a partir da fusión do Club Atlético e do Monforte Club de Fútbol. Viste uniforme completamente branco e foi no campo da estrada de Ourense onde disputou os seus partidos como local nos primeiros anos. Despois pasou ao campo de San Lázaro, que recibiu o nome de Luís Bodegas en homenaxe a un malogrado xogador monfortino. Dende a tempada 1999-2000 o Lemos xoga no estadio da Pinguela. Logo dunha brillante traxectoria, ao remate da tempada 1935-1936 acadou o ascenso á Segunda División da liga española, na que non puido participar ao seren suspendidas as competicións por mor da Guerra Civil (1936-1939). Rematada a guerra, o Lemos viuse na obriga de renunciar á súa praza na categoría por mor das precarias condicións económicas e deportivas nas que quedara, carente de xogadores e de instalacións axeitadas para afrontar o campionato. En 1943 reincorporouse ás competicións oficiais. En 1964 proclamouse Campión da Copa Galicia.

ES-TRAD;mso-fareast-language: FIFA.

Club deportivo fundado en Barcelona o 29.11.1899. Viste camiseta de raias azuis e granate e pantalón azul. O seu equipo de fútbol, campión da Copa de Europa na tempada 1991-1992, posúe ademais 4 títulos da Recopa de Europa, 3 da Copa de Feiras (trofeo que adquiriu en propiedade), 16 campionatos da liga española e 24 da Copa de España. Creado en 1942, o seu equipo de balonmán, campión de Europa en 6 ocasións (1990-1991, 1995-1996, 1996-1997, 1997-1998, 1998-1999 e 1999-2000), gañou tamén 5 títulos da Recopa de Europa, 4 da Supercopa de Europa, 18 da liga española, 13 da Copa de España e 5 da Copa Asobal. O equipo de hóckey a patíns, tamén creado en 1942, proclamouse campión da Copa de Europa en 14 edicións, campión da Recopa de Europa nunha e posúe ademais 10 títulos da Supercopa de Europa, 15 ligas españolas, 13 Copas de España e 2 Copas Intercontinentais. A sección de baloncesto, fundada en 1926, foi campioa do Mundial de Clubs FIBA na tempada 1984-1985; ademais logrou o título da Recopa...

Revista deportiva editada en Vigo a partir de 1978 por Jaime Cros. Subtitulouse “Anuario del fútbol gallego” e incluíu datos sobre a federación rexional, unha relación dos árbitros adscritos ao colexio rexional, calendarios dos encontros, a historia dos clubs que militan nas diversas categorías e as xuntas directivas e xogadores que conforman cada un dos equipos galegos.

Molécula composta por 60 átomos de carbono, C60, que constitúe unha terceira forma de carbono cristalizado. O seu nome débese á súa forma esférica, con doce pentágonos e vinte hexágonos, como un balón de fútbol. Sintetizouse no laboratorio seguindo as propostas de H. W. Kroto, R. F. Curl e R. E. Smalley. A síntese do futboleno e as moléculas semellantes poden presentar propiedades moi interesantes, entre as que destacan as ópticas e as eléctricas; poden permitir a fabricación de elementos semicondutores, e apúntase a posibilidade de que sexan supercondutores. O futboleno fluorado C60F60 pode ser un bo lubricante.

Xogador de fútbol.

Relativo ou pertencente ao futbol.

Equipo de fútbol sala que se fundou en Ferrol en 1981. Ascendeu á División de Honor na tempada 1997-1998, xogou a Copa de España (1999-2000) e, despois de varias campañas na máxima categoría, descendeu á División de Prata (tempada 2002-2003).

Club de fútbol fundado en Pontevedra o 16 de outubro de 1941. Xoga os seus partidos como local no estadio de Pasarón e viste camiseta e medias granates con pantalón azul. A historia do club iniciouse no campo da Xunqueira, á beira do Lérez, onde xogou o equipo do Spórting, en que militaron xogadores como Eduardo Novoa e Luís Otero. Co tempo, o Spórting trasladouse a Campolongo, un campo que alternou co equipo do Deportivo, en que xogou outro ilustre, Pasarín. Da fusión de ambos os dous equipos xurdiu o Atlético Pontevedra, primeiro equipo que principiou a xogar no estadio de Pasarón. Nesta etapa tamén xurdiron os equipos do Eiriña e do Alfonso CF, que competiron co Atlético Pontevedra en campionatos rexionais. En 1941, tras a desaparición do Atlético Pontevedra, fusionáronse o Alfonso CF e o Eiriña e xurdiu o Pontevedra CF. Despois de moitos anos militando na 3ª división, na tempada 1959-1960 conseguiu o ascenso a 2ª, e na tempada 1962-1963 logrou xogar en 1ª, éxito que volveu acadar na...

Entidade deportiva madrileña que se fundou en 1902 co nome de Madrid Foot-ball Club a partir da escisión do Foot-ball Club Sky (fundado en 1879). Os seus xogadores visten pantalón e camiseta branca e xogan os seus partidos como local no estadio Santiago Bernabeu. Acadou a Copa de Europa en nove ocasións, a da UEFA dúas veces, tres a Copa Intercontinental, unha Supercopa de Europa, vinte e nove ligas, dezasete Copas do Rei, sete Supercopas de España e unha Copa da Liga. A sección de baloncesto, fundada en 1932, gañou a Copa de Europa en oito ocasións, a Recopa de Europa en catro, unha Copa Korac, así como 28 títulos da liga española e 22 da Copa do Rei.

Revista infantil ilustrada en lingua castelá que se publicou en Barcelona desde 1917.A primeira época prolongouse ata a Guerra Civil Española. A segunda época iniciouse en 1941, con series tan populares como La familia Ulises, de Benejam, ou Los grandes inventos del TBO. O seu nome converteuse en xenérico do que tamén se designou co anglicismo cómic.

Entidade deportiva fundada en València en 1919. Xoga os seus partidos como local no campo de Mestalla e viste camiseta branca e pantalón negro. Gañou a Liga en 6 ocasións (1942, 1944, 1947, 1971, 2002 e 2004), 6 Copas do Rei (1941, 1949, 1954, 1967, 1979 e 1999), unha Supercopa de España (1999), dúas Copas de Feiras (1961 e 1962), unha Recopa de Europa (1980), unha Copa da Uefa (2004) e dúas Supercopas de Europa (1981 e 2004).