cima

(< lat cyma < gr κῦμα ‘onda, brote’)

s f
1. Parte máis elevada dunha cousa.
  
  Ex: A cegoña construíu o niño na cima dunha torre.
  Sinónimos: bico, cimeira, cume, cumio, cúspide.
2. Punto máis elevado dunha montaña ou dun outeiro.
  
  Ex: Descansamos ó chegar á cima do outeiro.
  Sinónimos: bicarelo, bico, petouto, pico, picota, picoto, picouto.
3. Parte ou grao de maior elevación dalgunha cousa. Ex: O xerente é a cima da xerarquía da empresa.
  
  Ex: O xerente é a cima da xerarquía da empresa.
4. Situación de maior importancia ou grandeza dalgunha cousa que se indica. Ex: O tenor acadou neste teatro a cima da súa carreira.
  
  Ex: O tenor acadou neste teatro a cima da súa carreira.
[ARQUIT]
1. s f
  Moldura de dobre curva.
2. cima recta
  Cima que ten a parte superior cóncava e a inferior convexa.
  Sinónimos: gola.
3. cima reversa
  Cima que ten a parte superior convexa e a inferior cóncava.
  Sinónimos: talón.
[BOT]
1. s f
  Inflorescencia definida na que o eixe principal ten crecemento limitado e remata nunha flor, igual cós eixes secundarios sucesivos.
2. cima bípara
  dicasio.
3. cima escorpioide
  Monocasio no que a ramificación ten lugar sempre polo mesmo lado do eixe.
4. cima helicoide
  Monocasio no que as pólas sucesivas arrancan alternativamente dun lado e do outro.
5. cima multípara
  pleocasio.
6. cima unípara
  monocasio.
s m [HERÁLD]
Parte superior do pavillón real, dun monte ou da punta dun roquete.

Frases feitas

Cima de loc prep Enriba de. Ex: Collín a roupa que había cima da túa cama.
Cima do leite. Tona que se forma na superficie do leite.