Lugo, diocese de

División territorial administrativa da Igrexa Católica, de orixe incerta. En tempos do Concilio Lucense (569), comprendía a metade da Gallaecia romana, case toda a actual provincia de Lugo e a da Coruña e boa parte das de Pontevedra, Ourense, León e Oviedo. Pola última reforma dos seus límites (1954), perdeu todas as parroquias que tiña na provincia de León, adquiriu as que tiñan as dioceses de Oviedo e Ourense na provincia de Lugo, e as que tiña Mondoñedo no arciprestado de Melide.