achegar

1. v t

   Poñer unha cousa ou persoa máis próxima a outra para reducir a distancia que as separa e mesmo conseguir que se toquen.

   Ex: Achegou a cadeira á mesa para comer con comodidade. Achégame o cativo que quero aloumiñalo. 

   Sinónimos: acercar, aconchegar, aproximar, arrimar, chegar. Antónimos: afastar, apartar, arredar, desarrimar, separar.
2. v pron

   Poñerse máis próximo a algo ou alguén para reducir a distancia e mesmo poder tocalo.

   Ex: Achégate a el e dálle un bico de benvida. Achegueime á fonte para tomar auga. 

3. v t Antónimos: espallar.

   1. Amontoar terra aos pés das plantas para darlles máis vigor.

   2. Xuntar varias cousas nunha morea.

      Ex: Achegaron os libros para colocar no andel. 

      Sinónimos: amontoar, amorear. Antónimos: espallar.
4. v t

   Contribuír cunha cantidade determinada para sufragar os gastos habidos.

   Ex: O concello achegou cen millóns de pesetas para o inicio das obras no peirao. 

5. v t

   Presentar un ou varios documentos xunto con outros para complementar esa documentación.

   Ex: O solicitante tamén achegou as certificacións oportunas para opositar. 

   Sinónimos: acompañar, xuntar. Confrontacións: engadir.
6. v t

   Proporcionar algo para contribuír a unha causa determinada.

   Ex: O detective achegoulle todas as probas que tiña ó seu cliente. 

   Confrontacións: acumular.
7. v pron

   Poñerse baixo a protección de alguén, xeralmente para tirar algún beneficio.

   Ex: A súa ansia de poder fixo que se achegara á xente influínte e poderosa. 

8. v pron

   Unirse unha parella en vida conxugal sen ter formalizada a súa relación ante a lei.

   Ex: O Xosé e mais a Carmo acabaron por achegarse. 

9. v pron

   Ir ao encontro de alguén. OBS: Emprégase seguido da preposición por.

   Ex: Xa estamos aquí, menos mal que fun achegar por ela. 

10. v pron

    Desprazarse a un lugar concreto e próximo de onde se está situado.

    Ex: Achégate ó colexio para esperar o neno.

Frases feitas

• Achegar a albarda. Zouparlle a alguén. Ex: Miña nai achegoume a albarda por non querer almorzar.

• Achegar a porta. Entornala.

• Achegarse á parede. Ouriñar.

• Achegarse ás paredes. Ir bébedo. Ex: Cando saíu do bar achegábase ás paredes, non sei como deu chegado á casa.