"Az" (Contén)

GALICIA

Concello da comarca de Ordes situado no centro-O de Galicia e no centro da provincia da Coruña (43° 01’ 12’’ N - 8° 30’ 42’’ O). Limita ao N co concello de Tordoia (comarca de Ordes); ao S co de Santiago de Compostela (Santiago); ao L co de Oroso (Ordes) e ao O co de Val do Dubra (Santiago). Abrangue unha superficie de 101,4 km 2 cunha poboación 3.548h (2007), distribuída nas parroquias de Benza, Berreo, Campo, Castelo, Chaián, Monzo, Morlán, Restande, Trazo, Vilouchada e Xavestre. A capital é o lugar de Viaño Pequeno, na parroquia de Campo, situada a 50 km da Coruña e 35 km de Santiago de Compostela. Está adscrito á arquidiocese de Santiago e ao partido xudicial de Ordes.
Xeografía física
O concello de Trazo forma parte da superficie fundamental esóxena, aplanamento formado tras sucesivos movementos oroxénicos e posteriores arrasamentos no Terciario do zócolo hercinian cristalino sobre o que se asenta. O substrato litolóxico está formado por rochas metamórficas...

GALICIA

Sacerdote e escritor. Formouse no Seminario Conciliar de Tui e ordenouse presbítero en 1954. Foi ecónomo de San Mateo de Oliveira (Ponteareas) e encargado de San Simón de Lira (Salvaterra de Miño). Colaborou nas revistas Pregón e Soberossum e no xornal A Peneira, todos de Ponteareas, así como na Revista de Estudios Provinciais da Deputación de Pontevedra. Publicou Os signos lapidarios nas terras de Galicia (1993), O verbo dos arginas de Avedra (1993) e Zanqueando cos cabaqueiros (2001).

PERSOEIRO

Biólogo. Foi director do Centro de Extensión Universitaria e Divulgación Ambiental de Galicia e asesor técnico en incendios e conservación da natureza da Consellería de Agricultura, Gandería e Montes. Escribiu Forgoselo: espazo natural (1992), As Fragas do Eume (1993) e O Lobo, a extinción de especies e outros ensaios sobre conservación (1993).

GALICIA

Heraldista. Foi cronista oficial de Villafranca del Bierzo e secretario do Instituto Histórico de la Marina, escribiu La Condesa de Pardo-Bazán y sus linajes: Nobiliario (1952) e Los Saavedra y los Fajardo en Murcia: nobiliario (1956). Recibiu a Gran Cruz del Mérito Naval e as ordes de Alfonso X e Isabel la Católica. Foi secretario da Real Academia de la Historia e membro correspondente da Real Academia Galega.

PERSOEIRO

Biólogo. Catedrático de Ciencias Naturais e presidente de ADEGA, da que fundou a delegación de Santiago de Compostela. Promoveu numerosas campañas de sensibilización e reinvidicación da conservación do medio natural galego e contra os residuos radiactivos. Escribiu A Contaminación das centrais nucleares (1981) e Celulosas e progreso (1988).

PERSOEIRO

Poeta. Coñecido como Lorenzo Varela, os seus primeiros anos transcorreron entre Cuba e Arxentina. Regresou á Península e na súa xuventude participou, xunto con Ramón Piñeiro, na fundación da Federación de Mocedades Galeguistas, en Lugo. En 1935 trasladouse a Madrid para estudar filosofía e letras, foi membro das Misións Pedagóxicas e colaborou no diario El Sol e, con outros intelectuais galegos, no grupo de Poetas Andantes e Navegantes (PAN). Afiliado ao Partido Comunista, durante a Guerra Civil Española comandou unha brigada, ademais de participar na redacción das revistas Hora de España e El Mono Azul, ata que se exiliou forzosamente en Francia e, posteriormente, en México (1940). Alí fundou e codirixiu a revista Romance e colaborou en Taller, dirixida por Octavio Paz. En 1941 estableceuse en Bos Aires e fundou, con A. Cuadrado e L. Seoane, Correo Literario; ademais colaborou con outros medios, como De Mar a Mar, La Nación...

LIÑAXES

Liñaxe de orixe galega que trae por armas, en campo de goles, unha cruz de ouro, cargada en abismo dunha estrela de azul de oito raios; bordo de ouro, cargado de oito aspas de sinople. Outro trae, en campo de goles, unha estrela de azul, con perfil de prata; bordo de prata, cargado de oito aspas de sinople.