"INE" (Contén)

1. Que actúa mediante a acetilcolina ou como a acetilcolina.

2. Fibra nerviosa que ten como mediador sináptico a acetilcolina. Son colinérxicas as fibras preganglionares e posganglionares do sistema nervioso autónomo, as posganglionares parasimpáticas, algunhas das posganglionares simpáticas e as que establecen sinapse coas placas motoras dos músculos.

PERSOEIRO

Político, matemático, filósofo e pedagogo francés, marqués de Condorcet. Xunto co seu mestre D’Alambert e con Voltaire, relacionouse con Turgot, quen lle facilitou o cargo de inspector xeral da moeda (1774-1776). Como economista, foi partidario do imposto progresivo. A súa hipótese sobre as decisións colectivas, coñecida como efecto Condorcet, e sobre a súa inconsistencia, aplicada ás votacións, recolleuna a moderna politicoloxía. En 1791 foi nomeado deputado pola asemblea lexislativa de París e asumiu a súa presidencia en 1792. Ese mesmo ano presentou o informe sobre Organisation générale de l’instrution publique (Organización xeral da instrución pública), que se converteu en horizonte da política educativa republicana e que acadou unha considerable resonancia en España, tanto no momento da aprobación da Constitución de 1812 como nas medidas subseguintes ditadas en 1813. Propugnou o control da natalidade, a elevación cultural da muller e a coeducación. Defendía que a...

1. Aplícase á persoa que é parente doutra por teren ascendentes comúns.

2. Aplícase a cada un dos irmáns fillos dun mesmo pai, pero de nai diferente.

PERSOEIRO

Actor cinematográfico. Especializouse nos personaxes de “duro sentimental”. Realizou destacadas interpretacións en Alphaville (1965), de Godard, e Malatesta (1970), de Lilienthal. Posteriormente actuou no cine alemán.

PERSOEIRO

Escritor romanés. Coñecido como Paul Everac, escribiu Explozie întîrziat ǎ (Explosión retardada, 1959), Costache si viata lui interiorr ǎ (Costache e a súa vida interior, 1962) e Iluminari (Iluminacións, 1975).

1. 1. Acción e efecto de conterse ou manter dentro duns límites prudentes a satisfacción dos praceres.

   2. Abstinencia sexual.

2. 1. Capacidade de retención.

   2. Estado dun esfínter que funciona con normalidade.

3. Principio de unidade que debe rexer en todo procedemento entre os seus elementos persoais, materiais e causais para que poida resolverse nunha mesma sentencia e que, no caso de seguirse de xeito separado, poidan procesarse de acordo cos principios de celeridade e economía procesal.

1. Relativo ou pertencente a un continente, especialmente en oposición a insular.

2. clima continental.

1. Calidade de continental.

2. Efecto que sobre o clima exercen as masas continentais, especialmente na zona temperada. Caracterízase por unha gran sequidade da atmosfera e, como consecuencia, por unha enorme oscilación térmica, tanto diaria como anual. Dáse, sobre todo, no interior dos continentes debido á ausencia de masas oceánicas que acheguen humidade á atmosfera.

1. Que practica a continencia.

2. Aplícase á cousa que contén outra dentro de si.

3. 1. Cada unha das grandes extensións de terra emerxida. Desde un punto de vista estrutural, os continentes engloban tamén as plataformas continentais somerxidas, que descenden suavemente desde o litoral ata profundidades de 200 m. A separación entre as terras somerxidas e emerxidas denomínase noiro continental. Estruturalmente, os continentes son Eurasia, América do Norte, América do Sur, Oceanía e A Antártida; sen embargo, desde un punto de vista histórico ou xeográfico tradicional, en Eurasia distínguese entre Europa e Asia, mentres que América se considera un único continente. As terras emerxidas supoñen aproximadamente o 29% da superficie total da codia terrestre e agrúpanse principalmente no Hemisferio Norte. Se se consideran as plataformas continentais como parte dos continentes, a superficie continental total aumenta ata o 35%. As illas que se atopan na plataforma continental dun determinado continente considéranse parte do mesmo; este é o caso de Groenlandia, Tasmania ou as...

   2. Cada un dos bloques continentais en relación ás illas próximas.

   3. novo continente /

      Denominación aplicada a América dende unha perspectiva eurocéntrica, a partir dos descubrimentos colombinos de finais do s XV, en contraposición ao vello continente que constituía Europa.

   4. vello continente /

      Denominación aplicada a Europa a partir da chegada dos españois a América, como contrapunto dese novo continente, ignoto polos europeos.