"To" (Contén)

Fenómeno provocado pola conexión voluntaria ou accidental de dous puntos dun circuíto, entre os que hai unha diferenza de potencial, mediante un condutor de impedancia moi pequena. Caracterízase polo paso dunha corrente de intensidade moi elevada a través do condutor, que produce unha gran cantidade de calor. Para protexerse contra os curtocircuítos empréganse diversos dispositivos, coma fusibles, disxuntores ou relés térmicos.

Grao de separación dunha distribución de probabilidades á normal máis próxima a ela, é dicir, grao de convexidade ou achatamento da curva representativa dunha distribución estatística. A curtose β2 mídese, polo xeral, mediante a expresión β2=µ4/µ22, na que µ2 e µ4 son os momentos de orde 2 e 4, respectivamente. Para unha distribución normal β2,3, de xeito que, correntemente, se toma como medida da curtose o termo K= β2 -3. Se K>0 a distribución é leptocúrtica, se K=0 é mesocúrtica e se K<0 é platicúrtica.

Liñaxe natural de Monforte de Lemos. Trae como armas, en campo de azul, un monte de sinople coa cima en forma cónica. Relaciónanse tamén con esta caste os apelidos Acuratado, Coruteira, Curuteiro e Curutos.

Curuto.

1. Importe das cargas necesarias para a adquisición ou produción dun ben ou servicio. Distínguese entre custo fixo e variable. O primeiro refírese ao custo dos factores fixos que interveñen no proceso produtivo, como o capital ou a maquinaria. E aínda que, a longo prazo, todos os custos son variables, enténdense como pertencentes a esta clase só os gastos debidos a factores produtivos que, nun curto prazo, varían a súa valoración dependendo da produción.

2. custo da vida

   Gastos precisos nun determinado momento para manter un certo nivel de vida. Para medilo emprégase un índice que é a expresión sintética dos prezos dos bens considerados básicos. O termo empregado para maior precisión do que representa é o Indice de Prezos ao Consumo (IPC).

3. custo de transferencia

   Nos procesos de provisión, gastos debidos á compra e traslado das materias primas ao lugar de transformación e produción. Na distribución, gastos de transporte do produto ata o lugar no que se realiza a venda.

4. custo fixo

   Custo independente do volume de produción.

5. custo inicial

   Custo que, por definición, é inevitable xa que abrangue os investimentos nos equipos precisos para o inicio do proceso produtivo.

6. custo marxinal [CMA]

   Custo adicional que resulta dun pequeno aumento na produción. O aumento da produción adicional, en relación co aumento marxinal do custo, determina a elasticidade da curva de custos medios.

7. custo medio [CM]

   Custo por unidade de produto, resultado do cociente do custo total polo número de unidades producidas.

8. custo social

   Custo global que ten para a sociedade calquera forma de actividade económica. Por exemplo, a contaminación atmosférica ou dunha corrente de agua a causa da produción ou dun exceso de tránsito, son custos que non se reflicten nos prezos dos bens producidos.

9. custo variable

   Custo que varía segundo a cantidade producida.

10. ...

Proporcionar a vixilancia e os coidados necesarios a alguén ou a algo para que non lle pase nada.

Que custa moito.

Xénero de fungos da familia das agaricáceas. Presentan cogomelos a xeito de sombreiro de ata 5 cm de diámetro, de cor ocre ou acastañada amarelada, con láminas densas e brancas que se tornan ocres ao madurecer; o pé ten a mesma cor ca o sombreiro e presenta un anel no terzo superior que continúa nunha cuberta escamosa. En Galicia está presente a especie C. amianthinum debaixo de piñeiros e queiroas.

Xénero de fentos perennes, da familia das atiriáceas, de rizoma curto con páleas anchas de cor acastañada, indusios ovados unidos pola marxe á folla que protexe os soros circulares; frondes glabras, de menos de 40 cm de altura, e bipinnadas de xeito simétrico. En Galicia están presentes, en ambientes húmidos e sombrizos, as especies C. dickieana, C. fragilis e C. viridula.

Xénero de algas pardas, da familia das cistoseiráceas, con aspecto de mata, de máis de 15 cm de lonxitude, formado por talos de consistencia coriácea con aerocistes. No infralitoral e en cubetas do litoral inferior da costa galega están presentes as especies: C. fibrosa, que acada os 150 cm; e C. tamariscifolia, de ata 60 cm, con iridiscencia azulada baixo a auga.

Xénero de peixes da familia dos zeidos ao que pertence o sanmartiño rosado.

Liñaxe principesca lituana establecida en Polonia, iniciada por un fillo do primeiro gran duque de Lituania, Guedymin I (morto en 1341). O príncipe Alexandre Czartoryski (1510-1570) contribuíu á unión entre Lituania e Polonia. O príncipe Federico Miguel Czartoryski (1696-1775), starosta de Gradzik e Luck, foi vicechanceler (1724) e gran chanceler (1752) de Lituania; o seu neto, o príncipe Adán Casimiro Czartoryski (1734-1823), gran starosta de Podolia e mariscal de campo imperial, pretendeu o trono polaco en 1763; e o seu fillo, o xeneral e príncipe Adán Jerzy Czartoryski (1776-1861), duque de Klewan e Zukow, foi ministro de Instrución Pública do Tsar Alexandre I de Rusia (1807) e reitor da Universidade de Vilna (1804-1824). Trala revolución polaca foi presidente do goberno provisional de Varsovia (1831).

oivodato de Polonia (6.182 km2; 780.300 h [estim 1998]). A capital é Częstochowa.