"Fer" (Contén)

PUBLICACIÓNS

Publicación bilingüe aparecida na Coruña a partir de setembro de 1982 e subtitulada “Boletín de información musical”. Editada por RUADA SA, incluíu artigos dedicados á música pop, á clásica e de vangarda, e formas tradicionais e populares. Dividiuse nas seccións: “Editorial”, “Entrevistas”, “Noticias breves” e “Novedades discográficas”. Contou coa colaboración de Xavier Vázquez, Margarita Soto, Aurea Sánchez e Moncho Varela. Distribúese gratuitamente entre os conservatorios de música, as agrupacións culturais e musicais, os profesores de música, as tendas discográficas, os centros galegos no exterior e os medios de comunicación.

GALICIA

Mestre gaiteiro. Estudiou filoloxía clásica na Universidade de Santiago de Compostela. Compoñente de diversas formacións musicais tradicionais e folks, integrou o grupo Baila na criba (1992-1997) co que acadou diversos premios. Mestre gaiteiro do Real Coro Toxos e Froles de Ferrol, foi director entre 1992 e 1999 das súas seccións instrumentais, da Escola de Instrumentos Tradicionais e da Banda de Gaitas Terra de Trasancos, que fundou en 1994. Así mesmo, foi presidente da Federación Galega de Bandas de Gaitas (1994-2000) e director dende 1998 da Escola Municipal de Gaitas e Percusión e da Banda de Gaitas do Concello de Xinzo de Limia e da Banda de Gaitas do Concello de Celanova. En 1999 fundou a Asociación Cultural Ardóbriga e a Banda de Gaitas Cidade de Ferrol, da que é director; colaborou co gaiteiro José Ángel Hevia en dous traballos discográficos; e dende xaneiro de 2002 dirixe a Banda de Gaitas de Candás. Escribiu diversos traballos sobre música popular, etnografía e historia, entre...

CIDADES

Cidade de Escocia, Reino Unido, na rexión de Dumfries e Galloway, preto do estreito de Forth (58.000 h [1991]). É importante a súa industria téxtil, que lle dá emprego a preto da metade da poboación. Tamén destacan as industrias alimentarias, as fundicións de bronce e ferro, así como as pequenas fábricas de xabón e porcelana. Antiga residencia dos reis de Escocia, do seu patrimonio cultural cómpre salientar as ruínas da abadía beneditina fundada por Malcolm III Canmore.

PERSOEIRO

Arquitecto francés. Discípulo de Viollet-le-Duc, foi o arquitecto da Exposition Universelle de 1889, na que construíu a Galerie des Machines. Entre as súas obras destacan as galerías do Muséum d’Histoire Naturalle de París (1881). En 1869 obtivo o Prix de Rome.

PUBLICACIÓNS

Publicación de periodicidade quincenal que apareceu en Ferrol en 1915.

1. biosfera.

2. Espacio ao redor dunha estrela no que as condicións físicas non son incompatibles co desenvolvemento ou a existencia da vida tal e como se coñece na Terra.

1. 1. Formación de burbullas gasosas no interior dun líquido que saen á superficie e estoupan sen necesidade de aplicación de calor. Este fenómeno prodúcese polo desprendemento de gas disolto no líquido ou ben pola formación deste por reacción química.

   2. Fenómeno que ten lugar na solidificación do aceiro por mor das burbullas de gas, sobre todo de dióxido de carbono, que quedan atrapadas en forma de poros.

2. Estado de inquietude ou de grande exaltación ou excitación que presenta unha persoa ou colectividade.

1. 1. Que está en efervescencia.

   2. Aplícase á bebida que contén anhídrido carbónico na súa masa. Este anhídrido carbónico pode ser de orixe natural (augas minerais), procedente dunha fermentación alcohólica (champaña, sidra, etc) ou producido por reacción in situ, en auga potable, da mestura dun ácido orgánico (tartárico, cítrico, etc) e dun sal carbónico (bicarbonato sódico e de litio ou carbonato de magnesio, en xeral).

2. 1. Que produce efervescencia.

   2. Aplícase ao medicamento que, ao estar en contacto coa auga, produce efervescencia. Prepárase engadíndolle ao medicamento unha mestura de carbonato ácido de sodio e ácido cítrico ou tartárico.

3. Que produce ou se encontra nun estado de grande excitación ou exaltación.

PERSOEIRO

Matemático. Investigou a teoría dos números, as funcións elípticas e os determinantes. Descubriu o criterio de irredutibilidade que leva o seu nome.

GALICIA

Avogado e político. Licenciouse en Dereito pola Universidad de Madrid. Foi xefe do gabinete técnico do ministerio de Información e Turismo e, como membro do Partido Popular, foi deputado do Congreso por Castelló de la Plana desde a segunda á quinta lexislatura (1982-1996) e senador electo desde a sexta lexislatura (1996), encargado da presidencia da comisión de Asuntos Exteriores. Membro fundador e director da revista Familia española, escribiu, entre outras obras, Información y política (1964) e La vocación política (1974).

GALICIA

Pintor. Formou parte na Coruña dos grupos La Galga e Atlántica. Comezou cultivando a abstracción para despois decantarse pola figuración. Os seus óleos e acuarelas mostran paisaxes, figuras e bodegóns que recollen as vivencias das súas viaxes realizadas por Europa e o Norte de África. A súa pintura é vitalista e colorista, e destaca polo tratamento da luz que, dende un punto de vista contemporáneo, retoma as características nadas no impresionismo e no fauvismo. En 1988 realizou murais para diversos colexios públicos por encargo da Xunta de Galicia. Realizou exposicións en cidades como A Coruña, Santiago de Compostela, Monforte de Lemos, Ferrol, Vigo, Madrid ou Barcelona. Dende 1980 participou nas exposicións de Arte-Postal e, entre outras mostras, no Feito Plástico Galego (Vigo, 1981), Homenaxe a Picasso (A Coruña, 1981), RELLIGAT/ASSEMBLING (Barcelona, 1982), Homenaxe a Luís Seoane (A Coruña, 1984), Bienal Internacional de Poesía Visual y Experimental (Ciudad de México, 1985), Bienal de...