"Muni" (Contén)

Organización fundada en 1947 baixo o nome de Comisión do Pacífico Sur, que tomou a súa nova denominación en 1998. Os seus membros fundadores foron os gobernos que administraban territorios no Pacífico: Australia, EE UU, Francia, Nova Zelanda, Países Baixos e Reino Unido. Ampliouse posteriormente a 27 estados coa inclusión de Samoa Americana, as Illas Cook, os Estados Federados da Micronesia (FSM), a República de Fixi, a Polinesia Francesa, Guam, a República de Kiribati, as illas Marshall, a República de Nauru, Niue, as Illas Marianas do Norte (CNMI), a República de Palau, Papúa Nova Guinea, as illas Pitcairn, Samoa, as illas Solomon, Tokelau, o reino de Tonga, Tuvalu, a República de Vanuatu e os territorios franceses de ultramar de Wallis e Futuna. Os seus órganos de goberno son a Conferencia do Pacífico Sur, o Comité dos representantes do Goberno e da Administración e a Secretaría, con sede en Nouméa (Nova Caledonia). O seu obxectivo é o desenvolvemento socioeconómico e cultural dos países...

Organización internacional fundada en 1996 e integrada por Portugal, Angola, Guiné-Bissau, Cabo Verde, Moçambique, São Tomé e Príncipe e Brasil. Os seus fins son a promoción da lingua portuguesa e a cooperación cultural, social, científica e xurídico-institucional entre os países membros. Pretende tamén a constitución dunha plataforma común internacional nos organismos aos que pertencen os seus membros. Os seus órganos de goberno son a Conferência de Chefes de Estado e de Governo, o Conselho de Ministros, o Comité de Concertação Permanente e o Secretariado Executivo. A presidencia rota cada doce meses, mentres que o secretario executivo e o secretario executivo adxunto se renovan cada dous anos.

Organismo económico fundado en 1983, que agrupa diversos países de África Central, coa finalidade de promover a integración económica da zona e elevar o seu nivel de vida. Para conseguir estes obxectivos puxo en práctica unha serie de medidas, como a creación dun fondo de desenvolvemento, a unión bancaria ou a progresiva eliminación de impostos aduaneiros entre os estados membros. A finais dos anos noventa, a organización conformábana os países de Burundi, Camerún, Chad, Congo, Gabón, Guinea Ecuatorial, Rwanda, São Tomé e Príncipe, a República Centroafricana e a República Democrática do Congo; ademais, Angola tiña estatuto de país observador.

Organismo económico internacional creado en 1975 en Lagos (Nixeria) e constituído por nove estados francófonos (Burkina Faso, Benin, Costa de Marfil, Guinea, Mali, Mauritania, Níxer, Senegal e Togo), dous de fala portuguesa (Guiné-Bissau e Cabo Verde) e cinco de fala inglesa (Gambia, Ghana, Liberia, Nixeria e Serra Leona). O seu obxectivo é promover o desenvolvemento económico, social e cultural, e actuar como mediador nos conflitos que poidan xurdir nos estados membros.

Organismo de carácter económico fundado o 16 de marzo de 1994 en Ndjamena (Chad), como complemento da unión monetaria (BEAC) e da unión aduaneira e económica de África Central (UDEAC). A CEMAC é o resultado da unión de dous organismos anteriores: a unión económica de África Central (UEAC) e a unión monetaria de África Central (UMAC). Está formada por seis países de África Central, Camerún, República Centroafricana, Congo, Gabón, Guinea Ecuatorial e Chad. Presenta como obxectivos principais o establecemento dunha unión cada vez maior entre os pobos dos estados membros, a promoción dos mercados nacionais mediante a eliminación das trabas ao comercio intercomunitario, a coordinación de programas de desenvolvemento industrial e de programas de solidariedade con aqueles países da rexión menos favorecidos e a creación dun verdadeiro mercado común africano. A CEMAC organízase arredor dun órgano supremo -a Conferencia de Xefes de Estado-, e unha serie de órganos menores, que son os que preparan...

Organización internacional creada en aplicación do Tratado de Roma, asinado o 25 de marzo de 1957 por Bélxica, Francia, os Países Baixos, a República Federal de Alemaña, Italia e Luxemburgo, que pretendía establecer unha unión aduaneira e un mercado común, elaborar unha política conxunta para a agricultura, para o movemento de man de obra e os transportes, e fundar institucións comúns para o desenvolvemento económico. O Tratado de Roma entrou en vigor o 1 de xaneiro de 1958 e contemplaba tamén a fundación da EURATOM. En 1973 incorporouse Dinamarca, Irlanda e o Reino Unido; en 1981, Grecia; e, en 1986, España e Portugal. O 1 de novembro de 1993, coa entrada en vigor do Tratado de Maastricht, a CEE converteuse en Unión Europea (UE), na que se integraron Austria, Suecia e Finlandia en 1995.

Organización europea creada en aplicación do Tratado de Roma, asinado o 25 de marzo de 1957 por Bélxica, Francia, os Países Baixos, a República Federal de Alemaña, Italia e Luxemburgo. Con sede en Bruxelas, comezou a funcionar en 1958. Os seus obxectivos concretáronse no establecemento dun mercado común de produtos nucleares e no desenvolvemento das industrias de aplicacións pacíficas da enerxía nuclear. Son membros todos os estados adheridos á Comunidade Económica Europea.

Organización económica internacional fundada en París en 1951 por acordo dos gobernos da República Federal de Alemaña, Bélxica, Francia, Italia, Luxemburgo e os Países Baixos. O texto institucional comezou a súa vixencia en 1952, cunha duración de 50 anos, e co obxectivo de acadar a integración económica no sector do carbón e do aceiro. A súa dirección está formada por unha serie de persoas que se elixen cada seis anos con sede en Luxemburgo. Son membros todos os estados adheridos á Comunidade Económica Europea.

Organización fundada en 1992 que promove a cooperación entre os seus membros co fin de crear un mercado común entre eles. Está formada por Angola, Bostwana, a República Democrática do Congo, Lesotho, Malawi, Illa Mauricio, Moçambique, Namibia, Seychelles, República Sudafricana, Swazilandia, Tanzania, Zambia e Zimbabwe. Os seus órganos de goberno son a Conferencia de xefes de estado ou de goberno, o Consello de ministros e a Secretaría, con sede en Gaborone.

Revolta que tivo lugar no Reino de Castela entre 1520 e 1521, motivada pola crise experimentada trala morte de Isabel a Católica (1504) e pola decepción provocada nos primeiros meses do reinado de Carlos I. Desde 1504, o equilibrio conseguido en Castela polos Reis Católicos viuse ameazado desde diversas posicións. No aspecto económico, influíron as malas colleitas e as epidemias, que se desenvolvían desde principios de século, e as variacións de prezos no período comprendido entre 1510 e 1521. Ademais, os pequenos industriais e comerciantes das cidades interiores, como Cuenca, Toledo e Segovia, reclamaron, fronte aos exportadores de la e os comerciantes de Sevilla e Burgos, unha política económica proteccionista. Desde o punto de vista político, a morte de Fernando o Católico (1516) abriu un período de crise, latente desde 1504. O seu sucesor, o príncipe Carlos de Gante, neto dos Reis Católicos, residía en Flandres e non chegou a Castela ata o outono de 1517. En 1516 a...

Conxunto de organizacións creadas entre os países de Europa para acadar a integración progresiva das súas economías. Especialmente, alúdese ás Comunidades Europeas a partir de 1965 (con efectividade desde 1967), cando se crearon unhas institucións comúns entre a Comunidade Económica Europea, a Comunidade Europea do Carbón e do Aceiro e a Comunidade Europea de Enerxía Atómica. Os estados membros iniciais foron Bélxica, Francia, Italia, Luxemburgo, a República Federal de Alemaña e os Países Baixos; posteriormente, integráronse outros estados europeos. Desde a entrada en vigor da Unión Europea (1993), as Comunidades Europeas constitúen un dos seus piares.

Partido carlista que, durante a Segunda República, agrupaba as tendencias ortodoxa, integrista e tradicionalista do carlismo. Desenvolveu diversas estratexias políticas, entre elas, formar un grupo no Congreso cos nacionalistas vascos, aínda que tiñan proxectos políticos opostos, crear a coalición política TYRE (Tradicionalistas y Renovación Española) co partido monárquico afonsino Renovación Española, e, finalmente, achegarse ás posturas cercanas ao derrocamento da República. Durante a Guerra Civil organizou os requetés en Navarra e Catalunya, e en 1937 foi un dos integrantes de Falange Española Tradicionalista y de las JONS.

Movemento intelectual desenvolvido fundamentalmente na década dos oitenta nos EE UU que supón unha crítica frontal ao liberalismo. Os partidarios do comunitarismo coinciden na defensa dunha noción positiva de liberdade; sen embargo, coexisten dúas tendencias opostas en relación coas solucións propostas para resolver a situación: por un lado, aquela que busca a revitalización da sociedade a través da redefinición da familia, a localidade ou a relixión; e, por outro, aquela de carácter máis político que propugna a creación de verdadeiras democracias participativas.

Empresa de servicios integrais de comunicación creada en Vigo en 1998 e que comezou a súa actividade o 26 de xaneiro de 1999. Fundada polos irmáns Portela, conseguiu a licenza da Comisión del Mercado de Telecomunicaciones (CMT) para prestar servicios de telefonía básica ás pymes con voz e RDSI. En marzo do ano 2000 pasou a formar parte da multinacional Grapes e a partir de xuño de 2001 foi vendida á compañía portuguesa Oni por 12.600 millóns de pesetas, o que significa o terceiro maior investimento realizado nunha compañía viguesa por parte do empresariado portugués.

Que ou quen oculta a súa condición comunista.