"fico" (En toda a entrada)

Sulfuro complexo de antimonio e chumbo, de fórmula Pb5 Sb4 S11. Cristaliza no sistema rómbico, aínda que está case sempre en masas informes de cor gris e de brillo metálico. Ten dureza 2, 5-3 e peso específico 6.

Navío da mariña real británica, célebre polo motín acontecido en 1789 no curso dunha navegación polo Pacífico. William Bligh, o capitán, e 18 membros da tripulación foron abandonados no medio do océano, pero conseguiron chegar en bote a Timor. Algúns dos amotinados establecéronse en 1790 na illa de Pitcairn, no Pacífico sudoriental, onde viven os seus descendentes, que se mesturaron con mulleres polinesias.

Tioantimoniato de cobre e chumbo, de fórmula PbCuSbS3. Preséntase en cristais rómbicos holoédricos pseudotetragonais de cor gris do chumbo e de brillo metálico. Ten dureza 2,5-3 e peso específico 5,8.

Sulfuro de platino, de fórmula PtS. Cristaliza no sistema tetragonal. Os seus cristais presentan un brillo metálico e ten peso específico 10.

Óxido de manganeso e silicio, de fórmula (Mn,Si)2O3. Cristaliza no sistema tetragonal, en formas octaédricas pequenas. É negro ou marrón escuro. Atópase nas rochas metamórficas e explótase para obter manganeso. Ten dureza 6-6,5 e peso específico 4,8.

Sulfuro de níquel e ferro, de fórmula (Ni,Fe)S2. Cristaliza no sistema cúbico e é de cor gris metálica. Ten dureza 5,5-6 e peso específico 4,6.

Antimoniuro de níquel, de fórmula NiSb. Cristaliza no sistema hexagonal, en masas de cor vermella e brillo metálico. Ten dureza 5,5 e peso específico 8,23.

Prenome masculino que podería estar relacionado con Bricio ou mesmo proceder de Blasius coma Brais e Bras, se ben tanto a iconografía como as avogacías de san Breixo e san Brais son distintas. O máis probable é que derive do nome latino Verissimus, superlativo de verus ‘certo’, que aplicado á persoa significaría ‘que conta sempre a verdade’; sería un caso máis de adxectivos superlativos convertidos en nomes propios como Máximo ou Felicísimo. Outra variante deste nome é Bréixome. O cambio gráfico do v etimolóxico en b, ten a súa orixe na continua vacilación entre as grafias b/v na antroponimia galega, como adoito se atesta na documentación medieval; así acontece, por exemplo, con Baliño

Mosteiro que estivo situado en Cambre. Non hai datos sobre o momento da súa fundación, pero coñécese a súa existencia por un documento de 1154, data na que o Papa Anastasio IV lle confirmaba a súa pertenza á igrexa de Santiago, certificación que ratificou en 1178 o Papa Alexandre III.

Asociación inglesa, creada no 1831, que ten por obxectivo impulsar e sistematizar a investigación científica e divulgar os coñecementos científicos entre o gran público.

Biblioteca nacional de Gran Bretaña. Foi fundada no 1973 a partir da antiga biblioteca do British Museum, a National Central Library, a British National Bibliography e a National Lendin Library for Science and Technology. Consta de tres grandes divisións: a de humanidades e ciencias sociais (con máis de 11 millóns de volumes e unha importante colección de manuscritos orientais); a de ciencia, industria e tecnoloxía, que se divide entre o Document Supply Center (un dos mellores subministradores internacionais de información) e o Science Reference and Information Service; e, finalmente, a división de servicios bibliográficos, responsable da bibliografía nacional británica e das diversas publicacións emitidas pola entidade. A British Library ten actualmente un papel moi importante na investigación nos campos da biblioteconomía, a documentación e as novas tecnoloxías da información.

Sulfato hidratado de cobre, de fórmula Cu4(SO4)(OH)6. É unha variedade de cor verde esmeralda da calcantita, frecuente nas zonas de oxidación dos xacementos de minerais de cobre. Cristaliza no sistema monoclínico; ten dureza 3,5-4 e peso específico 3,8.

Procedemento fotográfico, de entre os denominados pigmentarios, no que a proba final presenta un aspecto similar á augaforte. Foi empregado polos pictorialistas no s XIX e a principios do XX.

Dióxido de titanio, de fórmula TiO2, que cristaliza no sistema rómbico. É de cor case marrón ou avermellada escura e ten brillo diamantino. Ten dureza 5,5-6 e peso específico 4,1.

Hidróxido de magnesio, de fórmula Mg(OH)2. Preséntase en cristais tabulares romboédricos, incoloros ou brancos, de brillo vítreo ou nacarado. Ten dureza 2,5 e peso específico 2,38-6,40.