"Dena" (Contén)

Primeira fase da tradición cultural dos bosques orientais de Norteamérica (Woodland), datada entre 1000 e 100 a C no val do Ohio. Sucede ao período Arcaico logo dunha transición marcada pola aparición da agricultura (cabaza e xirasol). A súa característica máis salientable é a construción de grandes túmulos de terra, en ocasións funerarios, que posiblemente funcionaron como marcadores territoriais de grupos de parentesco. A súa organización social, que artellaba extensas redes xeográficas como demostra o intercambio de obxectos de prestixio, remanecía moi igualitaria.

Sigla da Asociación para la Defensa de la Naturaleza, organización conservacionista española fundada no 1968.

Dor nunha glándula ou nun ganglio.

Nome procedente do árabe al-medina ‘a cidade’, que muda en al-mudaina ‘cidade pequena’; úsase pola advocación da Virxe, patroa de Madrid. Outra posible orixe parece vir de que todos os labregos que ían vender gran a Madrid deixábanlle á Virxe un almude. A festividade da Almudena celébrase o 10 de novembro.

Canle de regadío de Navarra e Aragón. Comeza no encoro de Yesa (río Aragón), atravesa as comarcas das Bardenas e as Cinco Villas, e chega ata o pantano de Ardisa (río Gállego). Rega un territorio de 110.000 h.

Comarca natural da Comunidad Foral de Navarra, situada no interfluvio do Ebro e do Aragón, tamén chamada Bardenas Reales. Área de chuvias escasas, pero torrenciais, cunha vexetación pobre de matogueiras e carente de árbores, mais con abundantes pastos de inverno. O aproveitamento agrícola ten como base os cereais e a horta nas beiras dos ríos.

Liñaxe leonesa oriúnda de Aguilar de Campos, do partido xudicial de Villalón, en Valladolid. Estendeuse por León, Asturias, Galicia e Castela, e unha rama pasou mesmo a México. As súas armas levan un escudo acuartelado: o primeiro cuartel, en campo de goles, cun castelo de prata e unha cadea de ouro pendurada da súa torre; o segundo e terceiro cuartel, en campo de ouro, cun espiño de sinople arrincado; o cuarto cuartel, en campo de prata, con dous lobos andantes de sable, postos un sobre o outro; bordo de azul, con seis castelos de ouro.

Cadea radiofónica pertencente ao grupo de Radio Popular SA-Cadenas de Ondas Populares (COPE), implantada no ámbito estatal en xuño de 1992. Conta con 55 emisoras de Frecuencia Modulada e a súa programación baséase na “radio-fórmula cien”, na que inclúe música e apartados de información diversa, dividida entre contidos de ámbito local e nacional. Semanalmente ofrece a lista musical de éxitos que elabora o equipo de profesionais dirixido por Rafael Revert, nun programa especial emitido os sábados á mañá. Ocasionalmente emite concertos dos grupos máis destacados tanto nacionais coma internacionais. En Galicia posúe distintas frecuencias repartidas entre as vilas de Santiago, Ourense, A Coruña, Lugo, Vigo, Ribadeo e Pontevedra, dirixida por Fernando González Macías (2000).

Emisora radiofónica fundada en 1966 e implantada no ámbito estatal, pertencente á Sociedad Española de Radiodifusión (Cadena SER). Especializada en música e pioneira na “radio-fórmula”, elabora unha lista semanal cos corenta temas musicais de máis éxito no momento baixo o título de Los 40 Principales. Emite, amais, programas informativos musicais, concertos en directo, ou gravados, presentacións de discos e entrevistas a artistas e profesionais da música. Dirixida en Galicia por Anxo Botana (2000), conta cun coordinador en cada unha das delegacións e frecuencias, repartidas por Santiago de Compostela, A Coruña, Lugo, Ourense, Pontevedra e Vigo. Canal + e Canal Satélite Dixital emiten a mesma fórmula diaria nun canal temático denominado Cuarenta Principales.

Emisora radiofónica fundada en 1990 e implantada no ámbito estatal, pertencente á Sociedad Española de Radiodifusión (Cadena SER). Especializada en música en español, conta con delegacións e frecuencias que teñen, á súa vez, autonomía local, dirixidas e coordinadas en Galicia por Alfonso López Teijeiro, Olga Beberide Martínez, Jorge Hermida Aldao, Begoña Caeiro, Eugenio González de Haz e Cristina López Lazare. A ela pertencen unha serie de frecuencias localizadas nas cidades de Ferrol, A Coruña, Lugo, Pontevedra, Ourense, Vigo e Viveiro.

Radio España.

Sociedad Española de Radiodifusión.

Emisora radiofónica im-plantada no ámbito estatal que iniciou as súas emisións en 1958 cando a Dirección General del Secretariado Nacional de la Comisión Episcopal de Cine, Radio y Televisión e os representantes das distintas dioceses españolas e das diferentes emisoras parroquiais, acordaron transformar a súa estrutura local e crear unha cadea de radiodifusión nacional. As emisoras pioneiras foron Radio Vida, chamada posteriormente Radio Popular de Sevilla, e Radio Popular de València. Un ano máis tarde nacían Radio Popular de Burgos, de Lleida, de Pamplona, de León e de Zaragoza, ata completar a cifra de 43 emisoras de Onda Media, 67 de Frecuencia Modulada e 49 de Cadena 100. En 1981, por imperativos legais, adoptou o nome de Radio Popular SA-Cadena de Ondas Populares. En febreiro de 1983, baixo a dirección xeral de José Andrés Hernández, ex-director de Radio Popular de Vigo, iniciou unha programación baseada na emisión de magazines, boletíns informativos, debates, coloquios...

cobra capdenal.

Fouce pequena que está unida a un pau longo, para facilitar o traballo de seitura.