atar

1. v t

   Facer un nó a unha fita, cinta, fío, lazo, corda ou calquera cousa semellante.

   Ex: Quen che atou o lazo do pelo?

   Sinónimos: agulletar, amarrar, amalloar, anoar. Antónimos: desamalloar, desatar.
2. v t e pron

   Impedir que algo quede solto ou libre suxeitándoo por medio dunha fita ou corda.

   Ex: Atou o cabalo á columna. Os alpinistas átanse para escalar. Atei as caixas para levalas todas dunha vez.

   Sinónimos: agulletar, amarrar, amalloar, anoar, lear, liar, ligar, prender. Antónimos: ceibar, desamalloar, desamarrar, desatar, deslear, desligar, soltar.
3. v t

   Impedir unha cousa ou alguén que unha persoa ande con total liberdade.

   Ex: Non te decatas do que te atan os fillos ata que os tes.

4. v t

   Poñer en relación unha cousa ou unha persoa con outra.

   Ex: Os seus desexos átano ó seu traballo. Os recordos da miña nenez átanme ás terras de labranza.

5. v t [MAR]

   Repasar e recompoñer os desperfectos sufridos polos aparellos e redes de pesca.

Frases feitas

• Atar a lingua. Conterse, non falar.

• Atar cabos. Enlazar conceptos, para dar sentido ao que non se entende.

• Atar curto. Impedir que alguén se comporte de forma natural.

• Atar moscas polo rabo. Facer algo inútil.

• Atar os cans con longaínzas. Facer algunha cousa imposible.

• Nin/non ata nin desata. Que non é seguro ou vacila.