Benvido a EGU - Enciclopedia Galega Universal

Saxofonista de jazz, compositor e director de bandas norteamericano. Actuou con Dizzy Gillespie, Miles Davis e Thelonius Monk. As súas interpretacións marcan unha etapa cara ao free jazz. En ocasións intentou asimilar as técnicas da música oriental e africana desde o punto de vista do jazz puro. Creador dunha escola propia, influíu sobre numerosos músicos, como Archie Shepp. Entre os seus discos destacan Blue Train (Tren azul, 1957), A Love Supreme (Un amor supremo, 1964) e Ascension (Ascensión, 1965).

Anatomista. Fundou o Museo Arqueológico e a Sociedad Económica de Amigos del País e dirixiu o Hospital de San Roque de Santiago de Compostela. Publicou un estudo sobre frei Martín Sarmiento.

Naturalista. Ao longo da súa vida reuniu unha importante colección de animais norteamericanos. Foi profesor da Universidade de Nova York e director do Museo de Historia Natural de Nova York. Entre as súas obras cómpre sinalar A history of north american birds (Unha historia das aves nortemericanas).

Avogado. Foi catedrático de Dereito do Traballo na Universitat de València e participou na fundación da Facultat d’Econòmiques da que foi director xerente. En 1967 ocupou a cátedra de Política Social e Dereito do Traballo na Universidad de Madrid. Foi director da Academia de Derecho do Sindicato Español Universitario (SEU). Colaborador da Revista de Derecho Mercantil, publicou Derecho del trabajo: (apuntes y guiones) (1967) e El cambio laboral en la década de los 90 (1991), xunto con outros autores. Realizou a edición anotada de Leyes laborales y de seguridad social (1998).

Río da vertente atlántica. Nace a 400 m de altitude no monte Castelo, nos límites entre Coristanco e Tordoia a partir dos regatos Vilamaior, Castiñeiras e Bazar. O seu curso forma meandros e divídese en varios brazos que forman pequenas illas. Recibe, entre outros afluentes, o Abuín e o Beba, ambos os dous pola esquerda. Baña os concellos de Coristanco, Santa Comba, A Baña e Zas e forma o límite entre os de Mazaricos, Carnota e Dumbría. No seu curso construíronse cinco centrais hidroeléctricas. Desemboca, despois dun percorrido de 64,5 km e unha conca de 504 km², na enseada do Ézaro, formando unha fervenza.

Semanario publicado na Ramallosa entre 1911 e 1925. De carácter independente, defendeu os intereses morais e materiais do Val Miñor e afastouse dos debates políticos do resto da prensa local. Incluíu   informacións dos seus correspondentes en Sevilla, Uruguay, Arxentina e Brasil.

Cantante e actriz. Coñecida como Marujita Díaz, comezou no cine con películas, como La revoltosa (1949), El sueño de Andalucía (1950), Una cubana en España (1951), Peubla de las mujeres (1952), El pescador de coplas (1953) ou Pelusa (1960).

Psicopedagogo. As súas liñas de traballo céntranse na inadaptación infantil, no fracaso escolar e na sexoloxía da mocidade. Das súas obras destacan La pédagogie institutionnelle (1965), La libération sexuelle (1975), Pour ou contre l’autorité (1973), Priorité à l’ éducation (1973), La psychanalyse (1995), Les pédagogies autogestionnaires (1995) e L’aventure humaine (1999).

Municipio de La Rioja, situado ao SL de Logroño e bañado polo río Iregua (2.506 h [2001]).

Futbolista internacional. Formado na disciplina do Brigantium da súa cidade natal, pasou ao Real Club Deportivo de La Coruña, onde se converteu en profesional. Militou despois no Real Mallorca e no Sevilla Club de Fútbol. As súas actuacións neste último equipo provocaron que o convocase a selección española, coa que acudiu aos Campionatos Mundiais de España 1982, México 1986 e Italia 1990, e ás Eurocopas de Francia 1984 e Alemaña 1988. En 1985 fichou polo Real Madrid Club de Fútbol, equipo co que acadou seis títulos de Liga, cinco deles consecutivos (entre 1985-1986 e 1989-1990) e outro na tempada 1994-1995, ademais de dous títulos da Copa do Rei. Entre outras distincións individuais, recibiu o Premio Ricardo Zamora en varias edicións, como porteiro menos goleado do campionato de liga.