Temas

Unidade xeolóxica situada ao NO de Francia, que se estende pola Bretaña, Vendée, Anjou, o baixo Maine e polo O de Normandía. Está formado basicamente por xistos cristalinos do Precámbrico pregados en dirección O-NO-L-SL, dirección chamada armoricana. Intensamente erosionados, estes materiais forman unha penechaira de formas suaves e monótonas, e que non exceden os 417 m. As rochas duras forman os relevos cunha disposición alongada; os xistos forman sucos e concas.

Macizo montañoso do Great Dividing Range, en Australia, no estado de Nova Gales do Sur, formado por rocas triásicas e drenado polos ríos Cox, Grose e Nepean, e os seus afluentes; o punto máis alto é o pico Bindo (1.368 m). Zona turística e parque nacional (1.009 km²).

Macizo dos Alpes de Baviera e do Tirol, formado por calcarias dolomíticas do Triásico medio, que culmina en Zugspitze.

Macizo volcánico de África central, ao N do lago Kivu, entre a República Democrática do Congo, Rwanda e Uganda. Na parte oriental hai seis volcáns apagados, entre eles o Kirisimbi (4.660 m), e na occidental dous activos, o Nyiragongo (3.480 m) e o Nyamlagira (3.058 m).

Macizo dos Dolomiti que domina a conca de Cortina d’Ampezzo. Os tres cumes que lle dan o nome son Tofana di Rozes (3.225 m), Tofana di Mezzo (3.243 m) e Tofana di Dentro (3.237 m).

Macizo montañoso dos Pireneos Axiais cataláns, situado nos contrafortes próximos aos territorios vascos (conca do río Pica) e aragoneses (conca do Essera). É o máis robusto e elevado dos Pireneos.

Macizo de Romanía, situado nos Cárpatos orientais. O seu pico máis alto é o Rodna (2.300 m alt).

Macizo volcánico da África Central, antiga illa unida ao continente por sedimentos recentes. O monte Camerún, volcán aínda activo, érguese ata os 4.070 m de altitude sobre a costa do golfo de Biafra, fronte á illa de Bioko (antiga Fernão Pó).

Macizo dos Alpes suízos, situado entre os vales do Nikolai e o Saas. O seu cumio máis elevado é o Dom que acada os 4.545 m de altitude.

Macizo montañoso do S de India, situado nos estados de Kerala e Tamil Nadū e que culmina no Doda Betta (2.636 m). Sometido aos monzóns, recibe fortes choivas no O. Nel explótase comercialmente a teca.