Temas

Macizo montañoso de África sahariana, situado ao N de Chad e que se estende tamén polo S de Libia e por un pequeno sector do NL de Níxer. Acada 3.415 m no monte Emi Koussi, altitude máxima do Sáhara. Ten algúns sectores esteparios e algúns oasis na periferia.

Sistema montañoso que se localiza no SL de Galicia, na provincia de Ourense, cunha altitude media superior aos 1.300 m. Está formado polas serras da Queixa, San Mamede, O Burgo, Fial das Corzas e os montes do Parque Natural do Invernadeiro. Globalmente non ten unha dirección definida. Limita ao N co val do Sil, ao S coa depresión de Monterrei, ao SO coa da Limia, ao L coas de Valdeorras e O Barco, e ao O coa de Maceda. O seu cumio localízase en Cabeza de Manzaneda e acada os 1.782 m de altitude. A litoloxía está composta por migmatitas, xabre e granito de dúas micas. O seu relevo é o resultado de diversos factores, como a diversidade litolóxica, a alteración terciaria, a morfoxénese fluvial, o glaciarismo e o periglaciarismo.

Macizo de Romanía, situado nos Cárpatos orientais. O seu pico máis alto é o Rodna (2.300 m alt).

Macizo herciniano situado no SO de Alemaña. Está formado por un zócolo granítico e metamórfico recuberto por materiais do Mesozoico, calcarias e greses. Forma un horst que domina en forma abrupta a chaira do Rin, cunha sucesión de fallas verticais (chanzos), que descenden suavemente cara ao Württemberg. Cara ao O van as augas afluentes do Rin; cara ao L, as augas afluentes do Danubio e o Neckar. Predomina un clima continental de montaña, con invernos moi fríos, e unha vexetación de faias e abetos. A súa economía baséase na agricultura e na gandaría, xunto con industrias téxtiles, de vidro, papel e madeira.

Macizo da península de Kola, Rusia (1.240 m). Posúe xacementos de fosfatos, bauxita e cobre.

Macizo montañoso do estado de Kerala, India, no s dos Ghats Occidentais, que chega ata os 1.380 m de altitude. Coñécese polas súas extensas plantacións de té, café e bambú.

Macizo caledoniano de Escocia, situado entre o Glen More e os Lowlands. Ao O sitúanse as máximas altitudes de Gran Bretaña: Ben Navis (1.343 m) e Ben Macdhui (1.309 m). Os antigos glaciares escavaron profundos e encaixados vales (lochs).

Macizo montañoso dos EE UU, rama oriental do sistema montañoso das Rochosas. Situado nas Grandes Chairas, ocupa o SO de Dakota do Sur e o NL de Wyoming. O seu cumio é o Harney Peak, de 2.207 m de altitude. No seu interior hai xacementos de ouro, prata e chumbo. O principal atractivo turístico da rexión é a obra do escultor Gutzon Borglum que representa os bustos dos presidentes Washington, Jefferson, Lincoln e Theodore Roosevelt, esculpidos sobre a rocha da montaña.

Macizo montañoso de Nova Guinea, Papua Nova Guinea, situado no SL da illa. Acada a súa altura máxima no monte Vitoria, a 4.047 m de altitude.