"ALE" (Contén)

Grupo fundado en marzo de 1980 por intelectuais e persoeiros galeguistas, despois de que no proxecto presentado ao presidente da Xunta Preautonómica aparecesen diversas disposicións que limitaban as competencias autonómicas respecto ao estado central. Defenderon que Galicia obtivese un Estatuto de Autonomía en igualdade de condicións coas outras nacionalidades históricas. O grupo contaba entre os seus membros con Domingo García-Sabell, G. Fernández Albor e Ramón Piñeiro López.

Aumento repentino que experimenta a temperatura de determinados metais durante o seu arrefriamento ao pasar pola temperatura crítica.

República Democrática Alemana [Alemá].

República Federal da Alemaña.

Revista publicada en Vigo a partir de xuño de 1985. Subtitulada “Asociación de funcionarios para a normalización lingüística de Galicia”, foi coordinada por Xosé González. Supuxo a primeira iniciativa en Galicia de crear unha canle de comunicación que dera a coñecer os avances obtidos en materia de lexislación e normalización lingüística.

Revista publicada en Madrid a partir de 1944. Editada polo CSIC, incluíu investigacións dialectolóxicas, etnográficas e antropolóxicas, atendendo á diversidade lingüística da Península. Incluíu numerosos artigos asinados por expertos sobre literatura popular, folclore e tradicións. O seu primeiro director foi Vicente García de Diego, que foi subtituído por Xulio Caro Baroja a partir de 1988. A partir de 1989 publicou só estudos de antropoloxía e etnografía e, a partir de 1994, trocou a súa periodicidade de trimestral en semestral. En 1996 tomou o relevo na dirección Concha Casado.

Revista publicada en Santiago de Compostela a partir de 1990. Editada pola Consellería de Economía e Facenda e pola Facultade de Económicas da Universidade de Santiago e coordinada por José A. Díez de Castro, na súa redacción participaron algúns dos máis prestixiosos expertos en economía de Galicia. Incluíu artigos sobre política e economía, documentos sobre análise de mercados, competitividade e política tecnolóxica, notas breves sobre a industria, os problemas da exportación e os diversos sectores da economía, recensións bibliográficas e información sobre teses da facultade.

Revista publicada en Vigo a partir de 1986 que cesou en 1999 (nº33). Subtitulouse “Publicación trimestral de Nova Escola Galega”. De carácter educativo e interdisciplinar, foi promovida pola asociación de renovación pedagóxica Nova Escola Galega e editada por Edicións Xerais de Galicia. Dirixida por Manuel Bragado, tivo un carácter trimestral ata o seu último ano, 1999, en que só tirou dous números.

Revista publicada en Santiago de Compostela a partir de 1979. Editada polo Servicio de Publicacións da Xunta de Galicia cunha periodicidade semestral, foi dirixida por Xaime Isla Couto. Concibida para impulsar a modernización do campo galego, a revista acolleu traballos de investigación de calidade e posible aplicación real, elaborados por especialistas na materia e dirixidos a establecer as novas bases sobre as que se debería desenvolver o sector.

Revista publicada en Cangas a partir de 1985. Editada pola Asociación Cultural “Entre Bambalinas”, foi dirixida por Antón Lamapereira. De carácter informativo e centrada no mundo teatral, a revista formou parte   da Rede de Publicacións do Instituto Internacional do Teatro do Mediterráneo. Incluíu historia do teatro, notas sobre festivais e premios, e reflexións sobre o teatro afeccionado noutros países. A partir do número 6, en setembro de 1989 comezou unha segunda época e, co número 22 pasou de semestral a saír cada tres meses, aínda que con certa irregularidade.

Revista trimestral publicada en Santiago de Compostela a partir do 1 de decembro de 1993. Editada pola Consellería de Educación da Xunta de Galicia, foi dirixida, sucesivamente, por Constantino García, Mercedes Brea e Ana Mª Platas. De carácter interdisciplinar, serviu como medio de comunicación entre os centros educativos co obxecto de promover a formación e a investigación entre os profesionais do ensino. Tamén acolleu traballos sobre materias técnicas e humanísticas, cun enfoque metodolóxico e práctico.

Compañía profesional de danza fundada na Coruña en 1949 por X. M. Rey de Viana. Desde os seus comezos promoveu espectáculos baseados na cultura tradicional galega e coidou moito a estética nas súas actuacións. En 1971, o seu fundador e director cedeu a titularidade do ballet á Deputación Provincial da Coruña, que en 1991 traspasou a xestión do mesmo ao Instituto Galego das Artes Escénicas e Musicais (IGAEM). X. M. Rey de Viana foi o director e coreógrafo da compañía desde a súa creación ata a súa morte en 1995, data en que se fixo cargo da compañía a súa muller, Victoria Canedo, ata ese momento subdirectora. En 1999 o ballet iniciou unha nova etapa caracterizada pola estrea anual dun grande espectáculo baseado na cultura tradicional galega, coa participación dun amplo equipo técnico (iluminación, escenografía e vestiario) do IGAEM, acompañado polo Grupo de Música Tradicional deste mesmo organismo. Realizou máis de cincuenta montaxes coreográficas, das que destacan Danzade, Ultreia...