"ALE" (Contén)

Nome latino da constelación de Triángulo Austral.

Organismo creado pola Constitución de 1931 da Segunda República Española para o control da constitucionalidade das leis e que entendía dos recursos de inconstitucionalidade destes. Estaba formado por un presidente, que nomeaba as Cortes, o presidente do alto corpo consultivo da República, o presidente do Tribunal de Contas, dous deputados elixidos polas Cortes, dous avogados e catro profesores de dereito.

Tribunal que se reúne cada xoves de once a doce da mañá á porta da catedral de València a fin de analizar e resolver as diferenzas xurdidas entre os regadores da Horta valenciana, agás os beneficiados da laga de Montacada. Unha asemblea dos regadores de cada laga elixe un síndico, que vixía a repartición da auga e en tempos de seca distribúe a auga dispoñible. Oito síndicos forman o consello das lagas do Turia. O tribunal trata as denuncias das regas abusivas nun procedemento gratuíto, oral e sumarísimo, onde non participa o síndico da canle afectada. O catalán é a única lingua empregada no tribunal.

Calidade de trivalente.

Coalición nacionalista integrada polo Partido Obreiro Galego (POG), o Partido Galeguista (PG) e o Partido Socialista Galego (PSG), que se constituíu para as eleccións autonómicas de 1979. Centrou a súa campaña na necesidade dun grupo parlamentario nacionalista que puidese negociar un Estatuto de Autonomía, como primeiro paso para acadar un estado federal. Non obtivo representación parlamentaria. A súa inestabilidade e as diferenzas con respecto ao camiño que se debía seguir no proceso autonómico e sobre a conveniencia de entrar na Comisión dos 16 (o PSG negouse, mentres que o PG e o POG participaron), levaron ao seu desmembramento en 1980.

Coalición nacionalista constituída pola confluencia desde finais de 1992, do PSG-EG con sectores galeguistas de centro e independentes procedentes de Coalición Galega, do Partido Nacionalista Galego e do Partido Galeguista. Concorreu ás eleccións xerais de 1993 en coalición con Esquerda Unida pero non obtivo ningún deputado, polo que os restos da organización integráronse no Bloque Nacionalista Galego e en Esquerda Unida.

Organismo internacional que reúne a todas as federacións nacionais de ciclismo. Fundada en París o 14 de abril de 1900 polos representantes de Bélxica, Italia, Francia, EE UU e Suíza, ten a súa sede en Xenebra e, desde 1900, está recoñecida polo Comité Olímpico Internacional como único organismo mundial dirixente do ciclismo.

Organización ligada ideolóxica e organizativamente á Unión do Povo Galego, e constituída en 1977 cunha perspectiva comunista e patriótica para a mocidade galega. Os seus obxectivos fundamentais pasaron por incorporar os mozos galegos á loita pola liberación nacional de Galicia e á construción do socialismo, á defensa e o fortalecemento da unidade do movemento xuvenil galego, en busca de liberdades para a nación galega e ao apoio a todos os pobos do mundo na súa loita pola liberación nacional, así como na consecución da democracia, a paz e o socialismo.

Partido demócrata-cristián fundado en 1975 en Vigo, a partir da Unión Democrática Española de Federico Silva Muñoz. Liderado por Xaime Isla Couto, mantivo unha firme reivindicación nacionalista xunto á orientación federalista. En 1976 produciuse a súa confluencia con Esquerda Democrática Galega, e agrupados constituíron o Partido Popular Galego.

Agrupación política nacionalista creada en 1964. Tivo os seus antecedentes no grupo Brais Pinto, que se formara en 1958. Dos seus membros naceu a idea de formar a UPG en novembro de 1963, cunhas bases marxistas. Á volta dalgúns deles a Galicia, organizaron asembleas en diferentes cidades, do que saíu un Consello da Mocidade, dirixido por Antón Moreda, dentro do que se integrou a UPG, aínda que a heteroxeneidade dos membros provocou a súa desaparición. Tras a crise, volveron intentar a refundación con novos membros procedentes do Partido Comunista Español e nacionalistas de esquerda. Este acto tivo lugar en Santiago o 25 de xullo de 1964. O seu programa, chamado Dez Principios Mínimos, reflectía a súa orientación ideolóxica, que aínda que rupturista, se declarou seguidora de Castelao. O seu primeiro voceiro foi o boletín Terra e Tempo, publicado na clandestinidade ata 1968. En principio, os grupos máis concorridos foron o de México, Madrid e Vigo. A partir de 1970, buscaron unha...

Sindicato fundado en 1916 polas traballadoras da fábrica de tabacos da Coruña. Formaba parte da Federación Tabaquera Española, afiliada á UGT. O seu líder na Coruña foi o socialista Severino Chacón, presidente do comité xeral da Federación Tabaquera Española. Enfrontado coas afiliadas do sindicato Nueva Aurora, en 1920, despois dun peche da fábrica durante seis meses como consecuencia da intensa actividade sindical da fábrica no ano anterior, perdeu afiliadas polo que decidiu desvincularse de UGT.

Celso Emilio Ferreiro Míguez.