"An" (Contén)

UEFA.

Organismo internacional xurdido en Bos Aires en 1910 da Unión Internacional de Repúblicas Americanas. Con sede en Washington, foi concibido como un instrumento do imperialismo estadounidense. En 1948 foi incorporado á Organización dos Estados Americanos.

Asociación fundada en 1923 por Richard Coudenhove-Kalerg. Manifestou como principio básico a consecución da unidade de Europa en liberdade, dereito e paz, así como a defensa dos seus intereses e ideais no mundo, garantindo o futuro dos seus pobos. É unha organización independente e apolítica, supranacional e suprapartidista que está representada en 27 países.

Organización política francesa creada en 1978 por Valéry Giscard como unha alianza de partidos de centro non gaullistas. Integrada polo Parti Radical, o Parti Républicain, o Centre des Démocrates Sociaux e o Mouvement Démocrate et Sociale de France (Parti Socialdémocrate desde 1982), nas eleccións xerais dese mesmo ano converteuse na segunda forza política do país e participou nun goberno de coalición. En 2002 integrouse na Union pour un Mouvement Populaire (UMP) co Rassemblement pour la République (RPR) e o DL.

Partido político constituído en Madrid en 1903 baixo a presidencia de Nicolás Salmerón Alonso. Abarcou todos os grupos republicanos do estado, menos os federais. As eleccións déronlle unha importante vitoria en Asturias, València e Madrid e o pulo republicano mantívose ata 1905. A partir de entón pasou a ser un partido especificamente catalán que, coligado co Centre Nacionalista Republicà e os federais, formou Esquerra Catalana (1909).

Xornal publicado en Pontevedra a partir do 2 de febreiro de 1892. Cesou en xaneiro de 1899. De tendencia republicana, foi dirixido por Valentín Peña e Pepe Juncal. Mantivo un enfrontamento co xornal católico El Áncora que o levou á excomuñón do xornal (23 de febreiro de 1989), ao procesamento dos directores e algúns dos redactores e, por último, á supresión da publicación.

Nome oficial da República Surafricana desde 1910 ata 1961.

Empresa española de seguros fundada en 1908. Foi a primeira empresa do sector en todo o estado, dedicada fundamentalmente a accidentes, transporte e incendios. Dispón de importantes filiais, como Galicia SA, Compañía Española de Reaseguros la Luna SA e Fénix Español, Cía de Seguros sobre la Vida.

Alianza católica constituída en Francia en 1576 baixo dirección de Enrique I de Guise co fin de combater o calvinismo durante as Guerras de Relixión en Francia. Reclamaba unha monarquía católica e o retorno das liberdades provinciais.

Concorrencia de dúas ou máis voces, sons ou instrumentos ao unísono.

Doutrina que nega o dogma da Trindade. Afirma a unidade absoluta da persoa divina e nega tanto o misterio da Trindade como os dogmas da encarnación e da deidade de Xesús Cristo. Foi defendida por Miguel Servet en España, por G. Bilde en Reino Unido (s XVIII) e difundida en América a partir do s XVIII como doutrina e tamén como seita (s XIX), por obra de W. E. Channing. Atopou en R. W. Emerson a un dos seus principais representantes.

Universidade fundada en 1218 polo rei Afonso IX coa categoría de Estudio General do seu reino, o que manifesta a diversidade do seu ensino, a súa característica non privada e a validez dos seus títulos. O verdadeiro impulso veu de Afonso X o Sabio, que lle outorgou o estatuto en 1254, coñecido como a Carta Magna del Estudio Salmantino que establece as normas de organización e dotación financeiras; e do Papa Alexandre IV cuxas bulas pontificias expedidas en 1255 confirman a fundación universitaria, recoñecen a validez universal dos graos por ela outorgados e concédenlle o privilexio de ter selo propio. Na Idade Media tivo cinco facultades oficiais: Canons, Leis, Teoloxía, Medicina e Artes-Filosofía e ensinos complementarios de Humanidades, Linguas, Matemáticas e Música. Tivo o seu maior esplendor no s XVI xa que a confluencia de Dereito, a Teoloxía tomista, as novas lóxicas e as linguas clásicas cristalizaron na chamada Escuela de Salamanca. Das súas achegas destaca a reflexión...

Universidade privada con orixe común á de Salamanca. A boa relación entre a igrexa e a Universidad de Salamanca sufriu profundos cambios cos gobernos liberais de España no s XIX que excluíron da universidade as facultades de Teoloxía e Dereito Canónico, pero en 1940 Pío XII, a petición do episcopado español, restaurou estas dúas facultades na que se chamou Universidad Pontificia de Salamanca. A Universidad Pontificia considérase así herdeira tamén da primeira universidade salmantina, real e pontificia á vez. Conta con dous campus universitarios, un en Salamanca e outro en Madrid.

Institución universitaria situada en Santiago de Compostela. A maioría dos estudos europeos de investigación histórica universitaria sitúan a súa fundación en 1526, ano de concesión da preceptiva bula papal, e as figuras de Alonso III de Fonseca e do Papa Clemente VII como os fundadores, pero tamén recoñecen a existencia dalgúns xermolos a partir de 1495. Cómpre destacar que desde mediados do s XI hai constancia da existencia dunha Escola de Gramática na catedral de Santiago, que posibilitaba unha formación literaria básica da clerecía compostelá, propedéutica para a formación que algúns daqueles clérigos acadaron durante os ss XII e XIII nas universidades de París e de Boloña. Algúns destes clérigos compoñerían unha parte do reducido claustro de profesores da Universidad de Salamanca, que botou a andar en 1218, durante todo o tempo do s XIII, cando a propia diocese salmantina pertencía ao arcebispado de Santiago de Compostela e era tamén a miúdo rexida por bispos de procedencia galega,...

Igrexa situada en Santiago de Compostela. Datada no s XVII, pertenceu ao Colexio da Compañía de Xesús ata a expulsión dos xesuítas e desde 1769 pasou a funcionar como capela da Universidade. Destaca o clasicismo da fachada, obra de Diego de Romay, así como o campanario, engadido en 1719. Orixinariamente, as dúas fornelas da fachada estaban ocupadas por esculturas de santo Ignacio de Loyola e san Francisco, pero desde a expulsión dos xesuítas foron reconvertidas en san Pedro e san Paulo e incorporouse o escudo de Carlos III. No interior sobresaen os retablos barrocos do cruceiro e do altar maior, dedicado á Anunciación, a capela da Sagrada Familia (1663), obra de Peña de Toro, e a capela maior, co Sepulcro do arcebispo Blanco, realizado por Mateo López en 1584.

Asociación cultural creada en Betanzos en 1979 coa finalidade de realizar e promover actividades culturais e estudos de investigación centrados nas Mariñas. Entre as súas actividades destacan a recuperación da documentación do Arquivo Histórico Municipal, a posta en marcha do Museo das Mariñas, a recolección de material para o Fondo Fotográfico de Betanzos e a publicación, desde 1985, do boletín Untia.

Conxunto de textos místicos e filosóficos, de carácter esotérico, concibidos tradicionalmente como comentarios inspirados dos Vedas e redactados, na forma actual, entre 400 e 200 a C. Constitúen a primeira expresión consistente da doutrina filosófica do hinduísmo, caracterizada por unha intuición profunda da unidade do atman e do brahman, do home e do mundo, do individual e do absoluto. Esta doutrina foi codificada por Bādarāyana no seu Brahmasūtra, base dos comentarios máis importantes da advaita vedānta, considerada como a hermenéutica suprema da tradición védica. Entre os principais Upani ṣ ad destacan o B ṛ had, o Chhāndogya, o Kauśītaki, o Aitareya, o Taittirīya, o Iśa, o Kena e o Praśna.