"Ea" (Contén)

Chancillería.

Club fundado o 23 de agosto de 1923 pola fusión do Real Vigo Sporting e o Fortuna. Viste camiseta e medias azul celeste e pantalón branco, e xoga os seus partidos como local no Estadio Municipal de Balaídos. O seu primeiro partido disputouno contra o Boavista no campo de Coia. Despois de disputar varios campionatos galegos, debutou en Primeira División na tempada 1936-1937, e destacan as súas campañas entre finais da década de 1940 e principios de 1950, especialmente na tempada 1947-1948, en que obtivo o seu mellor posto (4º) na máxima categoría. Entre as décadas de 1960 e 1980 converteuse nun equipo moi irregular e xogou principalmente na Segunda División. Posteriormente, na década de 1990, obtivo algúns dos éxitos máis importantes da súa historia, sobre todo na Primeira División da Liga española. Xogou 41 tempadas en Primeira División, foi finalista da Copa do Rei en 3 ocasións (1948, 1994 e 2001), participou na Copa da UEFA e na Copa de Europa (2003-2004), e conseguiu diversos campionatos...

Club deportivo marítimo que se fundou en 1902 en Vilagarcía de Arousa para promocionar o deporte do remo e da vela. Presidido polo Rei Xoán Carlos I, foi o primeiro Club Real que se constituíu en Galicia e o segundo de España. Disputou a súa primeira regata, a Copa do Rei, o 23 de agosto de 1903, na honra de Afonso XIII. Ao longo da súa historia participou na organización de diferentes competicións como a Copa Galicia, o Trofeo Gil-Casares ou o Trofeo Almirante Rodríguez-Toubes.

Club de fútbol fundado en decembro de 1906 na Coruña que tivo como precedente o Club Deportivo de la Sala Calvet. Viste camiseta branca e azul a raias verticais e pantalón azul, e xoga os seus partidos como local no Estadio Municipal de Riazor, fundado en 1944. Coa creación da Liga española na tempada 1928-1929 pasou a Segunda División. Debutou en Primeira División na tempada 1942-1943 e conseguiu o subcampionato na campaña 1949-1950 e na que conseguiu algúns dos mellores resultados da súa historia. Durante a década de 1960 militou alternativamente en Primeira e Segunda ata que, despois dunha serie de atrancos deportivos e económicos, descendeu a Terceira División (1973-1974). Coa chegada á presidencia de Augusto César Lendoiro o equipo renovouse e conseguiuse o ascenso a Primeira en 1990. Entre 1992 e 1993 converteuse en Sociedade Anónima Deportiva e, coa incorporación de diversos xogadores de renome e tras a consecución de diversos éxitos deportivos, foi coñecido como “SúperDepor”. Xogou...

Asociación de carácter privado fundada o 5 de setembro de 1926 na Coruña. Pertencente á Federación Española de Vela, ten como obxectivos a promoción, o fomento e a práctica dos deportes acuáticos, con especial atención á vela. O seu primeiro presidente foi Ambrosio Feijó Pardiñas. Conta con dous peiraos principais, o Muelle de las Ánimas, en que se sitúa o complexo deportivo, e o Muelle de la Dársena, que conta co edificio social. Encárgase da realización de diferentes regatas, principalmente das clases Optimist, Europa, Láser, Táboas e Cruceiros, en diversos campionatos galegos, de España ou de Europa, ademais da regata Cutty Sark.

Sociedade deportiva constituída o 17 de abril de 1906 por iniciativa do comandante de mariña José Ruiz Rivera, que tivo como primeiro presidente a Antonio Conde e como presidente de honra ao Rei Afonso XIII. Conta con seccións deportivas federais de remo, vela, natación, pesca, subacuáticas e de tenis de mesa. Organiza, desde 1972, o Campeonato de España de Pesca a la Cacea e, desde 1975, o Concurso Internacional de Pesca del Tiburón. Ademais das súas instalacións deportivas para o amarre de embarcacións e o seu edificio social, inaugurado en 1945, conta cunha piscina climatizada (1967) en que se adestra un equipo propio de natación, co que conseguiu diferentes medallas en campionatos galegos e nacionais, e o Club Los Abetos, adquirido en 1987.

Institución que se estableceu na Coruña por Real Orde en 1785. Tivo como precedente a Academia de Agricultura de 1765 e xurdiu a consecuencia da apertura do comercio coas Indias en 1778 e do acceso a el do porto da Coruña. A súa xurisdición estendeuse a toda Galicia e tivo como obxectivo o fomento das fontes de riqueza da zona, así como a extensión da navegación ás Indias, orientada a persoas con significativos medios económicos, como comerciantes, mercadores, fabricantes e navieiros. Prestou atención á agricultura práctica e ao comercio, así como á naútica e ao debuxo, das que creou as escolas técnicas especializadas, que continuaron funcionando tras a extinción da institución. O brigadier Winthuyssen redactou en 1789 o regulamento dos estudos náuticos, entre os que se incluíron os do Consulado. O plano de estudos inicial abranguía as materias de aritmética inferior, cosmografía, astronomía, xeografía, arte de navegar, trigonometría plana e esférica e levantamento de planos. En 1806 incorporáronse...

Agrupación coral que se creou en Ferrol en decembro de 1914. Formouse por iniciativa dunha serie de persoas vinculadas ao folclore tradicional, como o gaiteiro Manuel Lorenzo Barja ou Cayetano Vaello. Presentada no Teatro Jofre de Ferrol en 1915, é a agrupación coral decana en Galicia e unha das máis antigas de España. En 1922 realizaron a gravación do primeiro disco baixo a dirección de Manuel Lorenzo e en 1928 o Rei Afonso XIII concedeulle o título de “Real Coro”. Actuou por diversas cidades españolas a finais da década de 1940 e gravou catro discos. En 1965 celebrou o 50 aniversario da súa fundación cunha serie de actos culturais e en 1969 organizou o I Festival de Arte Galego. Posteriormente, realizou unha importante xira polo estranxeiro, como o Festival Intercéltico de Lorient (1980) ou o Festival Folclórico da Emigración en Saint Pierre de Neully (1982). En 1995 celebrou o seu 80 aniversario cunha actuación no teatro Jofre, acompañado das outras seccións musicais da agrupación. Ao...

Real Decreto-Lei aprobado polo goberno da UCD o 16 de marzo de 1978, que foi publicado no BOE dous días máis tarde e no que se lle concedeu a Galicia un réxime de autonomía transitoria. Organizado en 11 artigos e tres disposicións finais, instituíu a Xunta de Galicia como órgano de goberno con personalidade xurídica plena para xestionar e administrar os servizos e funcións cedidos pola administración central, propoñer ao goberno medidas relacionadas cos intereses de Galicia e integrar as funcións das catro deputacións provinciais en canto atinxisen aos intereses xerais de Galicia. De acordo con este Decreto, e co Real Decreto 474/1978 que o desenvolvía, o goberno preautonómico galego, que se constituíu o 18 de abril baixo a presidencia de Antonio Rosón Pérez, exerceu provisionalmente as súas funcións en tanto non se constituíron os órganos definitivos da Comunidade Autónoma de Galicia, definidos no Estatuto de Autonomía de 1981. O feito de ser considerada unha nacionalidade...

Fábrica de lenzos e manteis instalada na Coruña desde finais do s XVII. A súa apertura, entre 1684 e 1685, debeuse á iniciativa dos flamengos Hadrián de Roo e Baltasar de Kiel, que gozaron de importantes privilexios e exencións e da posibilidade de importar materias primas. Parte da súa produción, elaborada con materia prima propia aínda que seguindo o estilo flamengo, foi destinada a abastecer á Casa Real. A súa mellor época viviuna durante a segunda metade do s XVIII, debido ao incremento das demandas por parte da Casa Real e tamén polos envíos a América. Cara a finais de século comenzou a competencia con outros lenzos, como os de San Ildefonso, e a estas dificultades engadiuse o feito de que, ao permanecer ligada ás estruturas do Antigo Réxime, o seu funcionamento baseouse nos contratos que os seus administradores suscribían coa Casa Real, polo que crebou en 1809, cando parte das institucións do Antigo Réxime se viñeron abaixo.

Manufactura real creada en 1746 e que se instalou na porta de Santa Bárbara en Madrid. Nos ss XVI e XVII acudíase aos talleres flamengos. Co establecemento da real fábrica por Filipe V comezou a realización de cartóns en que traballaron os mellores pintores da corte, como A. R. Mengs, os irmáns Bayeu ou F. de Goya.

Conxunto filharmónico que se creou en Santiago de Compostela o 29 de febreiro de 1996. No seu inicio foi dirixida polo mestre alemán Helmuth Rilling e como segundo director por Maximino Zumalave, aínda que contou con numerosos directores convidados como Enrique García Asensio, sir Peter Maxwell Davies ou sir Neville Marriner. Está composta por un número variable de instrumentistas de corda, vento e percusión e ten a súa sede no Auditorio de Galicia, en Santiago de Compostela. Nas súas actuacións contou con importantes solistas como o violoncellista M. Rostropovič, a mezzosoprano Teresa Berganza, a pianista Alicia de Larrocha ou o frautista Jean-Claude Gérard. En 1998 realizou unha serie de concertos por toda Europa e participou no Grosse Festspielhaus de Salzburgo, dentro da Semana Mozart. Ese mesmo ano comezou a gravación das sinfonías completas de Franz Schubert para a discográfica Hänssler Classic e inaugurou a primeira edición do Compostela Millenium Festival. En 1999 levou a cabo...

Xardín creado en 1755 por Fernando VI á beira do río Manzanares. A partir de 1774 Carlos III ordenou o traslado ao Paseo del Prado, onde se inaugurou en 1781, obra de Francesco Sabatini e de Juan de Villanueva. Destaca por ter unha importante colección de plantas e polas diversas publicacións que se coordinan desde o centro. Desde a súa creación, promoveuse o ensino de botánica, realizáronse expedicións a América e ao Pacífico, encargáronse os debuxos de grandes coleccións de láminas de plantas e copiáronse herbarios que serviron de base para describir novas especies. Desde 1939 depende do CSIC, e realiza numerosas investigacións en flora, sistemática e evolución ou palinoloxía. Foi declarado BIC (1942).

Entidade deportiva madrileña que se fundou en 1902 co nome de Madrid Foot-ball Club a partir da escisión do Foot-ball Club Sky (fundado en 1879). Os seus xogadores visten pantalón e camiseta branca e xogan os seus partidos como local no estadio Santiago Bernabeu. Acadou a Copa de Europa en nove ocasións, a da UEFA dúas veces, tres a Copa Intercontinental, unha Supercopa de Europa, vinte e nove ligas, dezasete Copas do Rei, sete Supercopas de España e unha Copa da Liga. A sección de baloncesto, fundada en 1932, gañou a Copa de Europa en oito ocasións, a Recopa de Europa en catro, unha Copa Korac, así como 28 títulos da liga española e 22 da Copa do Rei.

Antigo cuartel de artillaría da Coruña que se converteu en 1994 en sede do reitorado da Universidade da Coruña. Construído en 1752 tiña planta rectangular e en 1771 remodelouse adquirindo unha planta poligonal irregular e dúas alturas. Conta cun patio interior con corredores abertos con arcos sobre piares. Está rodeado dun parque e xardíns que acollen os cimentos do antigo convento de San Domingos destruído por F. Drake en 1589.

Real Sociedad Económica Amigos del País de Lugo.

Real Sociedad Económica Amigos del País de Santiago.