"Bor" (Contén)

Boletín informativo gratuíto aparecido en maio de 1953 en Betanzos e subtitulado “Boletín informativo del Instituto Laboral”. Cesou a súa edición en febreiro de 1956. Foi dirixido por Xosé Antonio Míguez Rodríguez e nel colaboraron alumnos e profesores do devandito centro. Impreso na Coruña, editaba tres números por curso informando de problemas do ensino laboral e da vida local e comarcal, xunto con datos dalgunhas conferencias de profesores do Instituto.

Nome derivado de albor, que procede do latín serodio alborem e este de alba ‘branca’, palabra que por metonimia designou o ‘abrente, amencer’ porque a aurora branquea a noite escura coa chegada da luz. Alvor xa aparece na poesía medieval en Xoán Arias de Santiago e en Afonso X. Como nome propio é de introdución moi recente. Non hai ningunha santa con este nome.

Programa semanal de Radio Azidule, emisora de Laussanne (Suíza). Apareceu por vez primeira en outubro de 1985. Diríxese á colectividade galega e a unha audiencia estimada de corenta mil persoas. Benigno Fontenla é o encargado da súa presentación, e no programa inclúese o boletín informativo das once da mañá da Radio Galega, coa que colabora.

Revista subtitulada “Órgano de la Asociación Benéfica Cultural del Partido de Corcubión” e fundada o 22 de agosto de 1925 por Antonio Díaz Novo en Bos Aires. Figuraron como directores, en orde cronolóxica: Casto M. Insua, Antonio Díaz Novo, Antón Zapata García, Xervasio Paz Lestón, Perfecto López Romero, Valentín Fernández, Manuel Antonio Baño e Manuel Conde González. A temática tratada na revista centrábase en novas para os emigrantes na Arxentina referidas aos sete concellos que conformaban o partido xudicial de Corcubión. Mesturábanse informacións económicas, deportivas e culturais coas sociais que predominaban sensiblemente. Colaboran acotío na revista escritores como Otero Pedrayo, Xesús Bal y Gay, Portela Valladares, Delgado Gurriarán, Eliseo Alonso, os irmáns Vilar Ponte, Eduardo Blanco Amor, Lois Manteiga, Antón Alonso Ríos, Ánxel Sevillano, García Barros, Ramón Rei Baltar, Carballo Calero, Neira Vilas e Rodolfo Prada. Xunto a eles, figuran as colaboracións literarias da man de...

Xornal aparecido na cidade de Lugo en 1931 e subtitulado “Diario de Galicia”.

Revista do Centro Galego de Barcelona fundada en 1948. Dirixírona Fernando Neyra, Antonio Lorenzo, Xavier Costa Clavell, Manuel Casado Nieto e Francisco Dapena ao longo da primeira etapa. Nesta mesma participan os autores Luís Pimentel, Otero Pedrayo, Risco, Cuevillas, Ramón Piñeiro, Cabanillas, Cunqueiro e Manuel María con entregas literarias, xunto aos ilustradores Prieto Nespereira e Prego de Oliver. Publícanse por vez primeira algúns textos bíblicos en galego. Na segunda etapa, a partir de 1989, editada integramente en galego, dirixe a revista Ramiro López López, actuando como coordinadores Xosé Lois García e Ignacio Carballo. Teñen cabida na mesma espacios de opinión, crónicas políticas, datos sobre economía, emigración e sociedade, xunto ás colaboracións de Camilo Valdeorras, Ramiro Fonte, Xosé Mª Dobarro, Manuel Forcadela, Fernández del Riego, Margarita Ledo, Basilio Losada e Manuel Rivas, entre outros.

Revista nada en 1955 e subtitulada “Órgano de la Casa Galicia de São Paulo”. Foi dirixida, nun primeiro momento, por Federico Valeiro Caramés comezando logo unha segunda etapa en xullo de 1963 baixo a dirección de Anxo Nieto Vicente. Colaboran nela Vicente Risco, Antón Fraguas, Manuel María e Luz Pozo Garza. A revista transmitía información referida á actualidade do Brasil e Galicia. Reprodúcense tamén algúns poemas e artigos de Mª Dolores Souto, Xaime Quintanilla, Gumersindo d´Entenza e Fernández del Riego co seu pseudónimoSalvador Lorenzana.

Xornal publicado a principios da década de 1970, órgano da Sociedade Hispano Brasileira de Socorros Mútuos Instrução e Recreio, de San Paulo. O seu director é Olegario Joel Val García. Nel figuran novas e informacións referidas á colectividade galega do Brasil.

Revista do Centro Galego de Maracaibo editada por vez primeira en xuño de 1974. O seu director foi A. Pérez Estévez. Publícanse novas sobre a emigración galega en Venezuela e sobre as actividades do centro.

Editorial aparecida en Pontevedra a principios do s XX que, entre outros, publicou o libro Proel de Luís Amado Carballo.

Editorial ligada á Federación de Sociedades Galegas de Bos Aires, da que salientan entre outras publicacións Poesía inglesa e francesa verquida ao galego (1949), O que cómpre saber da lingua galega (1969) de Xesús Alonso Montero e Castelao artista de Luís Seoane, xunto a outros libros.

Composición coral de Pascual Veiga, con base no poema “A estrela cruñesa” de Francisco María de la Iglesia, estreada con grande éxito en Pontevedra no 1880 polo Orfeón Brigantino. Fóra de Galicia coñécese co nome de Alborada gallega. No certame musical de París organizado co gallo da Exposición Universal do 1889, foi interpretada polo Orfeón Coruñés número 4 e dirixida polo propio Veiga, a quen o goberno francés concedeu as palmas académicas ao tempo que o Orfeón acadaba a Grande Medalla de Ouro. A obra, en fa maior, comeza por un preludio mensural ao que seguen dúas partes que suxiren a alborada característica, unha terceira cunha melodía en dúas frases (baixos e tenores en sucesión), unha cuarta cunha cadencia popular á que segue unha quinta en forma de alborada tipo e dous motivos adicionais para rematar. É obvio, pois, que dende o punto de vista formal, a Alborada de Veiga ten pouco que ver (carácter vocal, preludio non libre, sucesións melódicas, articulación de partes)...