"Mos" (Contén)

chamuscar.

chamusco.

ou Chamoselo Río afluente do Miño pola esquerda. Nace no límite entre as parroquias de Chamoso, Arxemil e Pedrafita (concello do Corgo), da confluencia de varios regos que baixan das serras do Mirador e de Monciro (o de Pontecela, o Outeiro, o de Caxín, o Amoa e o Romeán). O seu curso adopta unha dirección NL-SO coa que penetra na parroquia de Chamoso e chega ao límite co concello de Lugo pola parroquia de Coeo. Segue cara ao S e serve de fronteira da parroquia de Santa Comba (concello de Lugo) coas de Laxosa, Manán e Paradela (O Corgo), sucesivamente. Ata a súa desembocadura, no lugar de Chamoso da parroquia de Paradela, percorre uns 5 km e drena unha conca de 163,5 km2. Achega ao Miño un caudal de 3,1 m3/s.

Xénero de dinosauros da familia dos ceratópsidos, de ata 5,2 m de lonxitude, propios de finais do Cretáceo. Na fronte presentaban un par de grandes cornos revirados cara a arriba, outro máis pequeno no fociño e unha gran gola ósea dende a parte posterior do cranio que cubría o pescozo e a parte superior dos ombreiros. Os principais xacementos localízanse no N de América.

Conxunto de mosaicos atopados na Cigarrosa no lugar que ocupou o asentamento romano Calubriga dos Guigurros. O primeiro mosaico apareceu en 1896 durante as escavacións dirixidas por Marcelo Macías. Trátase dun recinto rectangular cuberto con escenas nas que se mesturan os motivos mariños e vexetais coas formas xeométricas: moluscos, axadrezados, ourizos, etc. Sobre fondo branco predominan as cores azuis, vermellas, amarelas, rosas e grises. No segundo mosaico, descuberto en 1969, represéntanse, só en parte, unha escena mariña sobre fondo branco. O acceso a ambos os dous mosaicos realizábase por medio dunha escalinata.

Club fundado en Monforte de Lemos en abril de 1923 a partir da fusión do Club Atlético e do Monforte Club de Fútbol. Viste uniforme completamente branco e foi no campo da estrada de Ourense onde disputou os seus partidos como local nos primeiros anos. Despois pasou ao campo de San Lázaro, que recibiu o nome de Luís Bodegas en homenaxe a un malogrado xogador monfortino. Dende a tempada 1999-2000 o Lemos xoga no estadio da Pinguela. Logo dunha brillante traxectoria, ao remate da tempada 1935-1936 acadou o ascenso á Segunda División da liga española, na que non puido participar ao seren suspendidas as competicións por mor da Guerra Civil (1936-1939). Rematada a guerra, o Lemos viuse na obriga de renunciar á súa praza na categoría por mor das precarias condicións económicas e deportivas nas que quedara, carente de xogadores e de instalacións axeitadas para afrontar o campionato. En 1943 reincorporouse ás competicións oficiais. En 1964 proclamouse Campión da Copa Galicia.

O Semicondutor Complementario Metal-óxido é un tipo de circuíto integrado que destaca polo seu consumo de enerxía extremadamente baixo e pola súa vulnerabilidade para ser danado pola electricidade estática. Está constituído por un transistor MOSFET de canle n montado en serie cun de canle p. A súa velocidade e densidade de integración son intermedias entre as conseguidas polas tecnoloxías NMOS e PMOS ( MOS). Os dispositivos CMOS utilízanse nos reloxos dixitais, nas calculadoras de peto, nos microprocesadores e nas memorias dos ordenadores.

Jan Amos Komenský.

Provisto de coma.

Movemento de orixe popular producido pola subida das recargas que aplicaba o concello da Coruña a todos os produtos básicos que se consumían na cidade a diario, dende xuño de 1886, e que cobraba unha empresa arrendataria. O descontento popular fronte a esta medida comezou a manifestarse dende primeiros de xullo, fundamentalmente por parte das mulleres das aforas da Coruña que abastecían diariamente os mercados da cidade. No mes de agosto produciuse o peche das touciñeiras e coas ameazas das vendedoras de froitas e legumes, acompañadas polas leiteiras e as vendedoras que viñan todos os días da periferia, orixinouse un motín na cidade. Para someter a poboación proclamouse o estado de guerra en toda a provincia, despois de que a poboación urbana asaltase a oficina central da compañía. Inmediatamente, o concello decidiu reducir a recarga imposta aos produtos e, despois dunha semana, a cidade volveu á calma.