"ONG" (Contén)

Sistema protestante de organización eclesiástica que presenta a Igrexa local coma un corpo autónomo de crentes independentes, rexido polas Escrituras, e que ten a Cristo como única cabeza (é dicir, sen unha autoridade sinodal ou episcopal). Xurdiu en Inglaterra no s XVI entre os puritanos, como protesta contra o sistema presbiteriano e anglicano. Robert Browne e Joan Robinson foron os seus principais dirixentes, e contaron coa colaboración de Cromwell e Milton. As igrexas congregacionalistas agrupáronse no Consello Congregacionalista Internacional, que en 1970 se fusionou coa Alianza Reformada Mundial.

Entidade fundada en 1928 no castelo de La Sarraz en Vaud (Suíza), onde tivo lugar o primeiro dos dez congresos celebrados. A declaración fundacional analizou a modernidade e o progreso e, sobre todo, a racionalización e estandarización do proceso creador arquitectónico, coa afirmación de que a súa historia correspondía á da arquitectura racionalista. O segundo congreso celebrado en Frankfurt do Main en 1929, tivo como tema central o habitáculo mínimo. Nesta reunión establecéronse os tres niveis de funcionamento da entidade: a asemblea xeral ou congreso, o Comité Internacional para a Resolución dos Problemas da Arquitectura Contemporánea (CIRPAC) e os grupos de traballo para proxectos específicos. O terceiro congreso reuniuse en 1930 en Bruxelas, e o cuarto, que debía celebrarse en Moscova en 1932, tivo lugar no barco Patris por razóns políticas, onde se redactou e aprobou a carta de Atenas. Nesa reunión estableceuse que o feito urbano se asentaba en catro funcións: habitabilidade, traballo,...

Partido de extrema esquerda, presente no Parlamento de Burkina Fasso. Fundouse en febreiro de 1996 como resultado da fusión de nove partidos de esquerda. Os seus postulados socialdemócratas refírense á aceleración do proceso de desenvolvemento económico e social de Burkina Fasso e á participación na loita pola emancipación en África. O seu secretario nacional é Roch Marc Christian Kabure.

Congreso agrario galego celebrado en 1864 e no que se enfrontaron as posturas defensoras do mantemento do sistema foral e as proclives á súa desaparición. Ao seu remate, decidiuse manter o réxime foral.

Órgano de goberno, formado polos delegados das colonias británicas de América do Norte, que dirixiu a Guerra da Independencia. Ao primeiro congreso, celebrado en Philadelphia no 1774, asistiron todas as colonias agás Georgia; aprobou unha declaración de dereitos e decidiu suspender o comercio con Inglaterra. O segundo congreso celebrouse tamén en Philadelphia no 1775; encargouse de dirixir a guerra, nomeu xefe do exército a George Washington, aprobou a Declaración de Independencia do 4 de xullo de 1776 e, finalizada a contenda, redactou a Constitución de 1787.

Órgano de goberno das cidades galegas durante a ocupación francesa na Guerra da Independencia. Formárono os representantes da Igrexa e da nobreza, comerciantes, profesionais liberais e os rexedores dos concellos. Actuou en Betanzos, A Coruña, Lugo, Mondoñedo, Ourense, Santiago de Compostela e Tui. Tiña como competencias a resolución dos problemas máis inmediatos das vilas.

Órgano lexislativo estadounidense creado pola Constitución de 1787 e que sucedeu o Congreso Continental. A súa sede está no Capitolio de Washington. Formado pola Cámara dos Representantes e polo Senado, entre as súas funcións figuran as de cuñar moeda, ordenar o comercio, declarar a guerra e organizar o exército. As dúas cámaras articúlanse en comisións permanentes e subcomisións. A Cámara de Representantes está composta por 453 membros elixidos cada dous anos mediante sufraxio universal. O número de representantes de cada estado é proporcional á súa poboación, aínda que cada un deles ten un representante como mínimo. O xefe do partido que ten a maioría é o seu presidente (ou speaker). O Senado está composto por 100 membros elixidos ata 1913 polos estados e, dende esa data, por sufraxio universal. Escóllense dous senadores por estado por un período de seis anos e cada dous anos renóvase un terzo da súa composición. Entre as funcións propias do Senado están a destitución de funcionarios...

Asemblea celebrada en Ferrol o 1 de maio de 1915, promovida polo Ateneo Sindicalista Obrero. As ideas de fraternidade universal, enraizadas no anarcosindicalismo, alentaron a realización dunha xuntanza de carácter internacional coa intención de evitar a extensión da Primeira Guerra Mundial e de pór os medios para finalizar coa contenda. Invitáronse a todas as federacións sindicais españolas e as figuras máis relevantes do anarquismo europeo. Non obstante , as presións das nacións belixerantes impediron a asistencia de, entre outros, Enrico Malatesta, Sebastián Faure, e do secretario da Unione Sindicale Italiana Armando Borghi. Aconselláronlle tamén ao goberno de Eduardo Dato que prohibise a celebración de sesións, detivese os delegados e deportase os participantes estranxeiros. As xuntanzas efectuáronse na clandestinidade. No transcurso dos debates, que posibilitaron a revitalización da Confederación Nacional del Trabajo (CNT) en todo o Estado, destacaron Constancio Romeo, mestre racionalista...

Movemento político sudafricano fundado en 1912 coa finalidade de abolir o apartheid e que se transformou en partido político a partir de 1994. Xurdiu da Native Education Association fundada na Cidade do Cabo en 1892. Posteriormente, transformouse no Native National Congress (Bloemfontein, 1912). O seu primeiro presidente foi o clérigo zulú Mafukuzela, coñecido como J. Dube. Entre os seus líderes figuran Albert Luthuli, presidente en 1952, Oliver Tambo, Nelson Mandela e Thabo Mbeki. En 1959 escindiuse a ala situada máis á esquerda baixo o nome de Pan-Africanist Congress. Ilegalizado entre 1960 e 1990, propugnou a loita armada mentres a maioría dos seus líderes foron encarcerados ou marcharon ao exilio. En 1987 iniciou a vía do diálogo co goberno e asinou o 6 de agosto de 1990 os Acordos de Pretoria nos que renunciou á loita armada. O seu presidente, Oliver Tambo, regresou do exilio e, en xullo de 1991, cedeulle a presidencia a Mandela. Principiado o proceso de abolición do apartheid...

Partido político indio fundado en 1885 denominado tamén Partido do Congreso. De orientación socialista e democrática, foi partidario da non-aliñación. En 1905 solicitou o swaraj (‘autogoberno’) e ata 1920 desenvolveu unha política de oposición leal ao dominio británico. Dende ese mesmo ano, liderado polo mahatma Gandhi, tivo como obxectivo obter a purna swaraj (‘completa independencia’) por medio de campañas non violentas de desobediencia civil. Trala obtención da independencia en 1947, converteuse, con pequenas interrupcións, no partido maioritario do Parlamento ata 1989. Entre 1929 e 1959 o presidente do partido foi Jawaharlal Prasad Nehru, primeiro ministro da India (1947-1964) e un dos líderes da Conferencia de Bandung e do Movemento dos Países Non-Aliñados. Sucedeuno como primeiro ministro Lal Bahadur Shastri (1964-1966). En 1969 produciuse unha primeira escisión coa creación do Indian National Congress Organization (O, Organización do Congreso Nacional...

Asemblea celebrada en Barcelona entre o 18 e o 25 de xuño de 1870 que reuniu, por primeira vez, a delegados das sociedades obreiras de toda España. A súa convocatoria partiu do semanario internacionalista madrileño La Solidaridad e recolleuna o barcelonés La Federación. O lugar elixido para a súa celebración fixouse por un plebiscito entre a maioría das sociedades obreiras e asistiron 89 delegados con dereito a voto. Dende un principio o Congreso addheriuse á Asociación Internacional do Traballo (AIT). As principais cuestións debatidas e aprobadas foron: a acción sindical de resistencia ao capital; a defensa do cooperativismo pero non como o principal camiño da emancipación obreira; a organización social dos traballadores baseada nas seccións de oficios que se agruparían en federacións locais, e estas en federacións rexionais; e a actitude apolítica. Tralo Congreso constituíuse a Federación Rexional Española da AIT e fixouse a residencia do consello federal en Madrid.

Reunión na que se recollerían as preocupacións educativas expresadas por algúns pedagogos hispanos da primeira metade do s XIX. No ano 1882 tivo lugar o primeiro Congreso Nacional Pedagógico convocado en Madrid, no que se debateron os problemas xurdidos no ensino e a súa xeneralización ás diversas clases da cidadanía. Ademais do debate pedagóxico, tamén se discutiron as diversas políticas educativas, onde se confrontaron as posicións dos liberais e da Institución Libre de Enseñanza (ILE) coas posturas tradicionais dos conservadores. A este primeiro congreso seguíronlle, de modo inmediato, outros: o Congreso Pedagógico de València (1886), o Congreso Nacional Pedagógico de Barcelona (1888), o Congreso Pedagógico Hispano-Portugués Americano (1892), o Congreso Regional de Pontevedra (1887) e a Asamblea Nacional de Maestros (1891). A celebración destes encontros permitiu a configuración dun estado de opinión favorable á reforma educativa e a creación dun clima de innovacións pedagóxicas que...

Federación sindical estadounidense que xurdiu en 1935 como unha escisión da American Federation of Labor (AFL). En 1955 fusionouse de novo coa AFL e deu lugar á American Federation of Labor and Congress of Industrial Organizations (AFL-CIO).