"ISM" (Contén)

Técnica artística que consiste en xustapoñer sobre o lenzo pequenos puntos de cores puras de xeito que, contemplado desde certa distancia, as cores quedan fundidas no ollo do observador e forman a imaxe. Foi unha técnica utilizada polos neoimpresionistas, baseada na teoría do divisionismo.

Técnica de composición musical, empregada por Webern, que disgrega totalmente os deseños temáticos, no discurso musical, e emprega notas illadas ou grupos de notas.

Calidade de purista.

Movemento pictórico francés que se desenvolveu entre 1918 e 1925, que rexeitaba a abstración cubista. Promovido por A. Ozenfant e Le Corbusier, sobre o que teorizaron nas revistas L’Élan (1915) e L’Esprit Nouveau (1920-1925), o manifiesto purista publicouse en 1918 co título Après le cubisme. Pretendían desterrar da arte as calidades decorativas e toda fantasía e preciosismo, representando os obxectos na súa simplicidade arquitectónica e preocupándose polas formas primarias, a estética da máquina e o funcionalismo.

Movemento pictórico italiano que se desenvolveu na primeira metade do s XIX e que, derivado do nazarenismo, preconizaba a inspiración relixiosa na arte e a revalorización do Trecento e o Catrocentos italianos. Dos seus membros destacan os pintores A. Bianchini (1803-1884), autor de Del purismo nelle arti (1849), e o historiador da arte P. Selvatico (1803-1880). Supuxo unha renovación da temática, pero non do estilo, que se mantivo dentro do academicismo.

Calidade de puritano.

Movemento político-relixioso, no seo das igrexas reformadas de Inglaterra e de Escocia, nacido no período que vai desde o establecemento de Isabel I de Inglaterra (1559) ata a restauración monárquica de Carlos II de Inglaterra (1660), que pretendía a total purificación das reformas romanas e a implantación do pensamento calvinista. A expresión máis típica é o Pilgrim’s Progress de John Bunyan e o Paradise Lost de John Milton. O puritanismo comporta, como estrutura eclesiástica, o presbiterianismo fronte ao episcopalismo, e a presenza do consistorio, formado prevalentemente por laicos, nas parroquias. Iso levounos a defender o parlamentarismo fronte a Xaime I de Inglaterra. O rexeitamento orixinou un puritanismo político, que sostivo a causa de Tomas Cromwell. En 1620 os pioneiros do Mayflower fundaron a colonia de Plymouth, que foi o reduto puritano de EE UU. Influíu no nacemento dos baptistas e dos cuáqueros.

Actitude que se caracteriza pola inmobilidade, a apatía e a indiferenza.

Movemento de espiritualidade católica do s XVII, difícil de determinar nos seus límites, caracterizado por unha linguaxe mística, próxima ao panteísmo, que xurdiu en reacción contra a piedade voluntaria. Ten a súa orixe en Miguel de Molinos e na súa Guía espiritual (1675), para quen a perfección cristiá consistía no amor de Deus e na inacción da ánima. Sesenta e nove das súas proposicións foron condenadas en 1688. Coa axitación provocada en Francia, J. B. Bossuet e o arcebispado de París condenaron tamén obras de Guyon du Chesnoy (1695), así como a súa defensa de François de Salignac de la Mothe Fénelon na obra Explication des maximes des saints sur la vie intérieure. O movemento influíu no pietismo. OBS: Tamén se denomina molinosismo.

Actividade química.

Excesivo emprego de produtos químicos.

Análise química do zume gástrico.

1. Tendencia ou doutrina filosófica que defende a razón como unha fonte radicalmente moito máis válida ca a experiencia sensible ou afectiva, e que a cataloga como a única fonte absolutamente válida para o coñecemento, a comprensión ou a interpretación verdadeira da realidade. Contraposto ao empirismo, ao irracionalismo e ao escepticismo, o racionalismo pode atoparse en case todas as épocas, desde Parménides ata G. W. F. Hegel -os seus dous representantes máis extremos-, aínda que a súa típica e máis estrita expresión aparece na corrente filosófica que, nos ss XVII e XVIII, recolleu o desexo de emancipación por parte do home de toda fe relixiosa sobrenaturalista e o entusiasmo causado polos grandes descubrimentos científicos da Idade Moderna. Neste senso, o racionalismo corresponde ao conxunto de sistemas especulativos elaborados por R. Descartes, B. Spinoza, N. Malebranche e G. W. Leibniz, que se caracterizan por unha clara pretensión de alcance universal e por unha estrutura lóxica voluntariamente...

2. Doutrina que interpreta e fundamenta as crenzas relixiosas só a partir da razón.

Actitude en virtude da cal se busca unha comprensión ou unha interpretación das cousas dun xeito exclusivamente, e mesmo excesivamente, racional.

Movemento artístico que se aplicou ao período da arquitectura contemporánea comprendido entre 1910 a 1940, que concedía prioridade ao urbanismo sobre o proxecto arquitectónico individual, preocupándose polo óptimo aproveitamento dos espazos propio do funcionalismo arquitectónico e que defendeu a importancia social da actividade do arquitecto. Incoporou á arquitectura técnicas industriais de fabricación en serie. Denominouse tamén estilo internacional, funcionalismo e movemento moderno. En España desenvolveuse a partir de 1925 e estivo especialmente representado polo grupo GATEPAC. En Galicia destacaron, entre outros, os arquitectos Pedro Alonso Pérez, Xosé María Banet Díaz-Varela, Xosé Caridad Mateo, Francisco Castro Represas, Santiago Rey Pedreira e Antonio Tenreiro.

Calidade de radical.

Actitude radical.

Corrente de pensamento político que propugna, dun xeito democrático, reformas profundas ou cambios substanciais das estruturas políticas e sociais do estado. O termo foi empregado por primeira vez en Reino Unido para designar as correntes de pensamento político reformista do derradeiro decenio do s XVIII e da primeira metade do s XIX, que esixían unha maior participación de toda a poboación nos asuntos políticos. Tras a Reform Act de 1832 e a ampliación do sufraxio, o termo foi utilizado progresivamente como sinónimo de liberalismo. En EE UU empregouse para designar a corrente de pensamento político progresista que avogou pola promoción e a defensa dos dereitos humanos nos estados da confederación sudista. En Francia non tomou forma organizativa estable ata 1901, coa creación do Parti Radical, que tivo un peso considerable na vida política do país. En España, a corrente radical cristalizou na á de M. Ruiz Zorrilla do Partido Progresista. Tras un período de decaemento, renaceu con A. Lerroux...

Afección propia do lactante que se caracteriza por unha distrofia ósea debida a unha defectuosa mineralización do óso. A orixe é a falta de vitamina D, e caracterízase pola presenza de ósos flexibles e brandos. OBS: Tamén se denomina mal inglés.

acondroplasia.