"To" (Contén)

Relativo ou pertencente á aspiración.

Procedemento continuo de desfibración da madeira, inventado polo enxeñeiro sueco Arne Asplund en 1931, baseado no feito de que a temperaturas suficientemente elevadas (165-200°C) a lamela intercalar que liga as fibras celulósicas abrándase bastante para que estas se poidan separar mecanicamente. A pasta obtida emprégase para taboleiros de fibra, táboas illantes, filtros de saturación, etc.

Felipe Fernández Armesto.

Entidade constituída na Coruña en febreiro de 1999. O seu obxectivo é fomentar o recoñecemento dos escritores galegos en lingua portuguesa e facilitar a súa comunicación cos escritores de países que teñen o portugués como lingua oficial, así como favorecer a difusión pública da súa obra e actividade literaria, artística ou científica. Unha das primeiras actividades da AGE é a elaboración dun repertorio bibliográfico da produción escrita en portugués en Galicia, difundida pola Internet.

Elemento químico radioactivo, de número atómico 85. A masa atómica pode ser 202-212 e 214-219, segundo o isótopo considerado que se pode obter de xeito artificial bombardeando o bismuto con partículas alfa. O astato está situado no grupo dos halóxenos, dos que é o máis pesado.

O máis antigo dos grandes clubs de fútbol ingleses, fundado en 1874 en Birmingham. Membro fundador da Liga inglesa en 1888, foi campión do torneo en sete ocasións; posúe outros tantos títulos de Copa e en cinco ocasións venceu na Copa da Liga. Na tempada 1981-1982 proclamouse Campión de Europa, adxudicándose a Supercopa de Europa subseguinte. O Real Club Deportivo de La Coruña e o Real Club Celta de Vigo enfrontáronse a el na Copa da UEFA nas tempadas 1993-1994 e 1998-1999, respectivamente. En ambas ocasións os equipos galegos eliminaron aos viláns, logo de vencer nos partidos de volta disputados no estadio Villa Park de Birmingham (0-1 e 1-3 respectivamente).

Liñaxe de orixe leonesa que se estendeu por Valderas, Mansilla e Carbajal de Fuentes, no Reino de León, e tamén por Castela, Galicia, Andalucía, Asturias, México e Chile. As súas armas levan na metade dereita, en ouro, unha faixa atravesada no alto e debaixo dela un lobo negro andante; na metade esquerda, en vermello, unha cruz de ouro grande. A rama galega presenta escudo partido: a primeira partición, en campo de ouro, unha faixa de azul, acompañada de dous lobos de sable, un arriba e outro abaixo; e, a segunda, en campo de goles, unha cruz de ouro, que toca coas súas beiras os bordos do escudo.

División territorial administrativa da Igrexa católica. A primeira documentación data do s III cando aparece nomeado o seu bispo Basílides. A súa xurisdición abranguía todo o convento asturicense da Gallaecia, a actual diócese de Ourense, que no s VI aparece xa como independente, e parte da de Lugo. As comarcas de Trives, Caldelas, Robleda e Valdeorras permaneceron baixo a xurisdición astorgana ata a época contemporánea. Na provincia de Lugo a comarca de Quiroga ficou na diócese de Astorga ata 1955, data na que se adaptou a administración eclesiástica á civil. Pertenceu á arquidiócese de Braga pero durante o Cisma de Occidente dependeu de Santiago de Compostela. Permaneceu na arquidiócese compostelá ata 1851, ano no que pasou a depender de Valladolid. En 1999 a diócese de Astorga comprendía cinco arciprestados asentados no territorio da Comunidade Autónoma de Galicia (Valdeorras, Fontei, Trives-Manzaneda, A Veiga do Bolo e Viana do Bolo), que inclúen os concellos do Barco de Valdeorras,...

Célula da neuroglía que se caracteriza pola posesión dun gran número de prolongacións ramificadas. Hai dous tipos: os astrocitos de radiacións curtas, especialmente abundantes na substancia gris, e os astrocitos de radiacións longas, abundantes na substancia branca dos órganos nerviosos.

Tumor cerebral formado por astrocitos.

Nome dunha nave espacial (Apolo XIII, Soyuz I), cápsula espacial (Voyager), lanzadeira espacial (Challenger, Columbia, Discovery) e aparatos semellantes.

Nome propio dun lugar distintivo dun planeta. Así, por exemplo, na Lúa está o chamado Mar da Serenidade (Mare Serenitatis) ou o Lago dos Soños (Lacus Somniorum).