andaina

1. s f

   Camiño longo, que se tarda moito en percorrer ou que é moi dificultoso.

   Ex: Esta andaina de hoxe ten que compensarse cunha boa cea.

   Sinónimos: andada, andanza, viaxe, andada.
2. s f

   Tempo ou espazo que ocupa a duración dunha cousa.

   Ex: Ata as vacacións do verán aínda queda unha boa andaina.

   Sinónimos: ciclo, período.
3. s f

   Tarefa, empresa incerta ou de difícil realización.

   Ex: Está comprometido coa andaina dos ecoloxistas.

4. s f

   Grupo de persoas que acadan un título ou posición na mesma quenda.

   Ex: Todos os convocados nesta andaina teñen a súa praza segura.

   Sinónimos: promoción.
5. s f

   Conxunto de persoas que teñen os mesmos anos ou que naceron na mesma época.

   Ex: Toda a andaina de escritores dos cincuenta reuniuse nun céntrico hotel.

   Sinónimos: xeración.

Frases feitas

• Chamarse andaina. Non facer caso do que se prometeu ou xurou.

• Levar andaina. Aplicado ao que ten un longo camiño por percorrer e que tardará moito en volver.