"GR" (Contén)

PERSOEIRO

Lingüista. Foi profesor da UC Berkeley e, desde 1959, da University of California (UCLA). Seguidor da escola de N. Chomsky, traduciu ao castelán varias das súas obras, como Aspectos de la teoría de la sintaxis (1971) e Conocimiento y libertad (1972), e editou varios libros sobre este lingüista, como La revolución de Chomsky: ciencia y sociedad (1984), Radical Priorities (2003), Chomsky on Democracy and Education (2003) e Language and Politics (2004). Da súa produción destacan Introdución a la lingüística transformacional: retrospectiva de una confluencia (1973) e Evolución y revolución en romance: introdución a la diacronía (1976). Ademais preparou e prologou unha antoloxía de Luis Cernuda, Invitación a la poesía (1975).

PARROQUIA

Parroquia do concello de Santiago de Compostela baixo a advocación de santa María.

1. Acción de peregrinar.

2. Práctica devocional que consiste en visitar colectivamente ou individualmente un santuario para acometer alí actos especiais de relixión: devoción, penitencia ou voto, entre outros. É un fenómeno coñecido en case todas as relixións que presupón a idea de que en determinados lugares se manifesta o poder divino. Herodoto describe a afluencia de grandes masas en Bubastis. As solemnidades da Pascua ou as dos tabernáculos atraían os israelitas a Xerusalén. Coñécense as peregrinacións a diversos santuarios ou ríos sagrados do hinduísmo ou a visita devocional dos xaponeses aos santuarios da deusa Kuanon. No cristianismo destacan as peregrinacións a Terra Santa, ás tumbas dos apóstolos en Roma e á tumba do Apóstolo Santiago en Compostela. Algúns peregrinos deixaron un testemuño escrito como o de Exeria (381-384?).

1. Andar por terras estrañas indo dun lugar a outro.

2. Ir en peregrinaxe a un santuario.

3. Ir dun sitio para outro para buscar ou resolver algo.

1. Que anda viaxando polo mundo.

2. Que ou quen fai unha romaxe a algún santuario.

3. Aplícase a certas aves migradoras.

4. Que é raro.

PERSOEIRO

Relixioso da orde dos servitas. Parece que foi curado dunha úlcera nun pé orando diante dun crucifixo. Represéntase co hábito negro da súa orde, amosando unha chaga da perna mentres Xesús Cristo se descrava da cruz para abrazalo, sostido por anxos. A súa festividade celébrase o 1 de maio.

PERSOEIRO

Inventor francés. Traballou ao servizo de Luís IX e realizou diversas buscas experimentais. Foi o primeiro que intentou converter o magnetismo en enerxía cinética.

SEMANARIOS

Semanario editado en Vigo a partir do 10 de xullo de 1881. Cesou o 14 de agosto do mesmo ano (nº2). Dirixido por Luís A. Mestre, e coa colaboración de Indalecio Armesto, a maior parte dos seus contidos foron políticos. Foi o primeiro xornal con caricaturas da prensa viguesa, realizadas por Verísimo Vázquez.

PUBLICACIÓNS

Publicación editada en Santiago de Compostela a partir de novembro de 1888. Subtitulouse “Semanario satírico-humorístico”. Fundado e dirixido por Manuel Otero Acevedo, cesou aos poucos números. Imprimiuse nos obradoiros tipográficos de Vicente Abad, na Coruña. De carácter anticlericalista e anticarlista, foi prohibida pola súa crítica á comunidade eclesiástica.

PERSOEIRO

Eclesiástico e político francés, fillo de Nicolas Perrenot de Granvelle. Bispo de Arrás (1540), contribuíu á negociación da Paz de Augsburgo entre o Emperador Carlos V e os príncipes protestantes (1555). Estivo ao servizo de Filipe II e interveu nas conferencias de Marcoing e de Cercamps (1558), que prepararon o Tratado de Cateau-Cambrésis. Foi nomeado arcebispo de Malinas en 1560.

PERSOEIRO

Diplomático e político francés. Doutorouse en Dereito en Dole e entrou no consello privado do Emperador Carlos V en 1524. Conseguiu o favor do chanceler Mercurino A. Gattinara, e á súa morte en 1530 converteuse en primeiro conselleiro de estado do emperador. Interveu nos coloquios de Ratisbona e Worms (1539).