"CIO" (Contén)

1. Acción e efecto de revalorizar ou revalorizarse.

2. Medida de política monetaria que consiste no aumento do valor dunha unidade monetaria respecto á doutros estados. A modificación da paridade dunha moeda neste sentido, medida que raramente se pon en práctica, é consecuencia dunha situación de superávit crecido e permanente da balanza de pagamentos.

1. Acción e efecto de revelar ou revelarse.

2. Descubrimento de algo que se mantiña en segredo.

3. Cousa descuberta.

4. Persoa, animal ou cousa que demostra nun determinado momento calidades excepcionais.

5. 1. Acto polo que Deus se manifesta aos homes e lles descubre o seu designio de salvación. Na tradición xudeocristiá, Deus faise presente primeiro en toda a historia do pobo de Israel por medio de acontecementos e signos cuxo significado vén dado polos profetas; tamén se revela directamente, por medio de visións e soños, aos profetas, ou ben polas reflexións de sabios inspirados; e finalmente, por medio do seu fillo, Xesús Cristo, revélase a través da súa morte e resurrección, cuxo significado é dado pola ensinanza de Xesús e dos apóstolos.

   2. Contido da manifestación divina.

1. Acción e efecto de reverberar.

2. 1. Fenómeno debido á reflexión do son nas paredes dun local pechado polo que, unha vez oído o son propagado directamente desde onde se produciu, aínda se continúa a oír a causa das ondas que se van reflectindo sucesivamente nas paredes. A persistencia do son depende da reflexión das ondas sonoras nos obstáculos que atopan na súa propagación rectilínea. A reverberación fai que a intensidade dun son emitido nun instante se manteña e diminúa progresivamente, en lugar de desaparecer dunha maneira brusca. O valor do tempo polo que a intensidade sonora se reduciu á millonésima parte do seu valor inicial (ou sexa, en 60 dB) é denominado tempo de reverberación (T) do local e depende das súas dimensións e do coeficiente de absorción das paredes.

   2. cámara de reverberación

      Cámara ou recinto cerrado, construído con paredes non paralelas entre elas, duras e reflectoras das ondas sonoras, en cuxo interior hai unha fonte sonora que crea un campo difuso, de modo que a enerxía do son queda uniformemente distribuída. Emprégase para facer ensaios de ruído de máquinas.

3. Reflexión intensa e en todas direccións da luz.

4. Efecto que se introduce nun sinal de audio, mediante dispositivos e circuítos especiais, para imitar máis ou menos perfectamente a reverberación natural.

PUBLICACIÓNS

Publicación editada en Vigo a partir de 1980. Trátase da segunda etapa dunha revista anterior, dirixida polo doutor Luis Gómez. Coordinada polo doutor Isaac Arias, tentou difundir entre os profesionais do sector unha terapéutica farmacolóxica máis racional para a súa aplicación en hospitais e centros de saúde. Incluíu ensaios sobre fórmulas farmacolóxicas, estudos sobre a aplicación de medicamentos, revisión bibliográfica de compostos químicos e referencias a actividades profesionais dos farmacéuticos.

PUBLICACIÓNS

Publicación editada en Vigo e Santiago de Compostela a partir de 1990. Impulsada pola Consellería da Presidencia e Administración Pública, constituíuse nun dos medios empregados pola administración galega para difundir todas as novas de interese sobre lexislación local. Ademais, incluíu unha sección de xurisprudencia, artigos e colaboracións, e unha sección especial para cuestións diversas, como as xornadas celebradas en Santiago de Compostela sobre administración local. A revista basea a maior parte dos seus contidos en leis, decretos, reais-decretos, editos e sentenzas publicadas no BOE ou no DOG e referidas a Galicia.

PUBLICACIÓNS

Publicación editada en Santiago de Compostela a partir de 1992 e impulsada pola Escola Galega de Administración Pública, dependente da Xunta de Galicia. Dirixida por Xaime Rodríguez-Arana, que tamén dirixiu a EGAP, contou co asesoramento e colaboración de destacados intelectuais relacionados co mundo do dereito e a economía de Galicia. Incluíu, ademais de diferentes estudos, notas e comentarios, un apartado dedicado exclusivamente á xurisprudencia, crónicas, bibliografía e recensións.

1. Acción e efecto de revogar.

2. 1. Anulación, substitución ou emenda das decisións e ordes por unha autoridade superior ou diferente da que tomou a decisión.

   2. Retractación unilateral que nalgúns casos determinados a lei autoriza e que deixa sen efecto un negocio xurídico cuxa subsistencia depende dunha vontade. Admítese como regra a eficacia da revogación cando se trata de negocios xurídicos unilaterais e en materia de contratos.

1. 1. Movemento de rotación dun corpo arredor dun eixe.

   2. Cada unha das voltas que dá un corpo arredor dun eixe.

   3. revolucións por minuto [rpm]

      Unidade de velocidade angular que equivale ao número de veces que rota un corpo arredor dun eixe volvendo á súa posición inicial nun minuto.

2. 1. Movemento dun astro que describe unha traxectoria cerrada, denominada órbita, arredor dun astro considerado fixo. É o caso dos planetas arredor do Sol ou dos satélites arredor do planeta correspondente.

   2. revolución anomalística

      mes anomalístico.

   3. revolución dracónica/draconítica

      Movemento de revolución da Lúa arredor da Terra, cando se toma como orixe o nodo ascendente. Dura menos ca unha revolución sideral, cun período de 27 días, 5 horas, 5 minutos e 35,8 segundos, e constitúe o mes dracónico ou draconítico.

   4. revolución sideral

      Movemento dun astro que, partindo dunha posición caracterizada por unha certa dirección respecto das estrelas fixas, o volve situar na mesma posición inicial. No caso dun planeta, unha revolución sideral é unha revolución completa deste arredor do Sol, constituíndo a súa duración un ano sideral para o planeta considerado. O período da revolución sideral da Lúa constitúe o mes sideral ou período sideral da Lúa.

   5. revolución sinódica

      Movemento dun astro que, partindo dunha conxunción respecto ao Sol e á Terra -cando se trata dun planeta interior ou da Lúa- ou dunha oposición -cando se trata dun planeta exterior- o volve situar, respectivamente, en conxunción ou en oposición. É unha revolución aparente e relativa para un observador situado na Terra. Resulta da composición dos movementos do astro considerado e da Terra. O período da revolución sinódica da Lúa constitúe o mes sinódico ou lunación.

3. ...