Temas

Concello do territorio de Bizkaia, Euskadi (2.894 h [1996]).

Concello da provincia de Cáceres, Extremadura, no centro das serras estremeñas (2.414 h [1996]). No seu termo municipal atopouse o tesouro de Aliseda, un conxunto de alfaias de ouro do s VII ou VI a C, de estilo feniciochipriota e posiblemente fabricadas en Tartessos, que se conserva no Museo Arqueológico Nacional de Madrid.

Concello da provincia de València (13.127 h [1996]). Plantacións de hortalizas e chufa. Casarío de época islámica.

Concello da comunidade autónoma de Navarra, na comarca da Ribera de Navarra (2.511 h [1996]).

Concello da provincia de Cádiz, Andalucía, na Campiña de Medina (5.689 h [1996]). Ten restos murados e dun castelo árabe.

Concello da provincia de Ciudad Real, Castela-A Mancha, no campo de Calatrava (7.727 h [1996]). Ten agricultura mediterránea (cereal, oliveira vide e horta). Posúe gando vacún e lanar. Industria agropecuaria. Foi o berce do beato Xoán de Ávila.

Concello da comunidade autónoma de Cantabria, na Trasmiera, drenado polo Vallino e o Osón (3.337h [1996]).

Concello do departamento de Aveyron, situado na rexión dos Midi-Pyrénées, Francia, nun dos camiños de peregrinación a Santiago de Compostela (314 h [1999]). No ano 877 fundouse alí o mosteiro beneditino de Sainte Foy, núcleo arredor do que nacería a vila. O apoxeo da peregrinación xacobea ao redor do ano 1000 converteuna nun importante núcleo urbano; así, un reconto de 1341 cifraba a súa poboación por riba dos 3.000 h. As guerras de relixión dos ss XVI e XVII tiveron unha incidencia moi negativa no seu desenvolvemento, pois, á parte da mortaldade causada polas epidemias e a fame, o seu mercado agrícola e a peregrinación a Santiago de Compostela entraron nunha etapa de decadencia. A finais do s XVIII, a supresión do monacato decretada no transcurso da Revolución Francesa asestoulle o golpe definitivo ao antigo esplendor de Conques, pois as rendas que percibía o mosteiro lle permitían sufragar a escola e o hospital. A administración municipal, que asumiu esas rendas, non conseguiu xestionar...