Temas

Enseada situada entre as puntas Meitón e Saíñas, na parroquia de Portocelo (Xove).

Enseada da beira setentrional da ría de Ares situada ao O da punta Avarenta, na parroquia de Cervás do concello de Ares.

Enseada da beira oriental da ría de Betanzos, comprendida entre a punta Redonda (ó N) e a punta Satareixas (ó S) no litoral do concello de Miño (parroquias de Perbes, Castro e Miño).

Enseada da ribeira meridional da ría de Arousa situada no litoral da parroquia e concello do Grove.

Enseada situada na ría de Ortigueira, ao S de punta Castro, na parroquia da Pedra (Cariño).

Enseada do litoral atlántico, situada entre as puntas de Mexillosa e O Orzán, na cidade da Coruña.

Situada na beira meridional da ría de Pontevedra, no litoral setentrional da península do Morrazo. Esténdese entre a punta Arbosa, ao O, e a Cabezón da Ría, ao L, polas parroquias de Beluso, Bueu e Cela, todas do concello de Bueu.

Enseada da ría de Betanzos situada entre as puntas Armentero e Lourido, na parroquia de Carnoedo (Sada).

Enseada da beira occidental da illa de Ons, na parroquia da Illa de Ons (concello de Bueu).

Enseada do litoral setentrional da parroquia de Xaviña (concello de Camariñas) que se estende entre as puntas do Capelo, ao L, e Batedoira, ao O.