Temas

Enseada da Costa da Morte, situada ao L do cabo Vilán, na parroquia e concello de Camariñas.

Enseada da illa de Arousa situada entre as puntas Cabalo e Barbafeita, no concello da Illa de Arousa.

Enseada do fondo da ría de Cedeira, entre as parroquias de Esteiro (concello de Cedeira) e Vilarrube (Valdoviño). Alimentada por tres ríos (de N a S o Gumil, o de San Miguel e o Porto do Cabo), constitúen un complexo sistema intermareal. Coa marea baixa, a enseada queda reducida a unha marisma sucada pola canle do río Porto do Cabo. Ao NO, a barra areosa da praia de Vilarrube, froito da sedimentación da enseada e do río Loira, situado no seu extremo occidental, pecha o sistema e deixa só unha estreita canle de desaugue do río Porto do Cabo.

Enseada da ribeira esquerda da ría de Vigo, situada na parroquia de Arcade (Soutomaior).

Entrante costeiro situado na ribeira dereita da ría de Muros e Noia, entre as puntas do Cabo e Carniceira, nas parroquias de Abelleira, Muros, Serres e Tal, todas elas no concello de Muros.

Enseada do fondo da ría de Corme e Laxe, na desembocadura do río Anllóns, que baña o litoral das parroquias de Cesullas e Canduas (Cabana de Bergantiños) e Cospindo (Ponteceso). Péchaa a barra areosa da praia de Enmedio, formada coas achegas do Anllóns.

Enseada do litoral atlántico, situada na marxe dereita da ría de Arousa, na parroquia de Leiro (Rianxo).

Enseada da ribeira meridional da ría de Arousa situada no litoral da parroquia e concello do Grove.