Temas

Lagoa situada na parroquia de Carreira (Ribeira). Desauga formando o río Lustre que desemboca na praia do Castro.

Lagoa da parroquia de Loentia (concello de Castro de Rei), no límite coa de Xustás (Cospeito). Está situada sobre as terrazas pleistocenas do río Lea, afluente do Miño.

Lagoa da Frouxeira.

Lagoa litoral de (2.837 ha), ao S da cidade de València, integrada dentro do parque natural da Albufera. Un vello Turia e un primitivo Xúcar -pode que pleistocenos- abandonaban os seus aluvións nuns deltas, hoxe interiores, bastante afastados da beira do mar. Unha vez pechado polo cordón litoral o vello golfo, os materiais en suspensión iniciaron o recheo cun aluvión de arxilas moi fino. A forma actual da Albufera é máis ou menos semicircular, pero nos mapas do s XVlll aparecía máis extensa e alongada. Os reducidos límites actuais son obra humana, efecto dos aterramentos; a superficie de 5.010 ha no 1877 quedou reducida a 3.114 no 1926, cando se fixo a delimitación definitiva e se prohibiron ulteriores recheos. A construción típica é a barraca, construída con lama para o adobe, canas para a cumieira e o teito e canas ou palla de arroz para a cuberta. Os arrozais do contorno da Albufera, dende Alfafar ata Sueca, cobren máis de 10.000 ha. A Albufera e os seus pantanos constituíron posesión...

Lagoa litoral na costa da parroquia de Doniños, no concello de Ferrol, pechada por un cordón litoral de praia e sistema dunar de cronoloxía cuaternaria. A lagoa constitúe un importante refuxio para aves, particularmente interesante porque se mantivo á marxe da explotación humana, grazas a que a Mariña española posúe a propiedade das terras que a rodean.

Lagoa salgada de África meridional, situada ao NL de Botswana. Ocupa unha gran depresión areosa.

Lagoa litoral da parroquia de Traba, no concello de Laxe, que recibe as augas do río de Traba e está pechada polo cordón dunar da praia. Forma parte do Lugar de Importancia Comunitaria (LIC) Costa da Morte. Neste espazo, pouco concorrido polas dificultades de acceso, obsérvase unha gran variedade de aves que aniñan ou migran en tránsito desde as rexións boreais ás tropicais e viceversa.

Na parroquia de Seavia, do concello de Coristanco, situada na Braña Roxa (400 m) que desauga polo regueiro de Brañas Rubias. A lagoa aproveita o relevo aplanado da Depresión Meridiana e mais a impermeabilidade das rochas básicas desa área xeomorfolóxica. Tamén se chama Braña Rubia.