Temas

Territorio semidesértico do Precáucaso, situado principalmente na República de Daguestán, entre os ríos Terek e Kuma. Cunha extensión de 25.000 km, acada altitudes de 170 m no O, mentres que no L son de 28 m.

Territorio da India, no golfo de Khambhāt (111.000 h [estim 1994]). A capital é Daman (26.895 h [1991]). É unha rexión rica en ferro e manganeso. As industrias téxtiles e o comercio marítimo son as principais actividades económicas.

Territorio comprendido entre o río Zambeze e o alto Katanga, con Angola ao O e os lagos Tangañika e Nyasa ao NL e ao L e Moçambique ao SL. Foi colonizado pola British South African Company e pola African Lakes Company. Entre 1953 e 1963 estivo federada con Rhodesia do Sur e Nyasalandia e en 1964 proclamou a súa independencia baixo un réxime africano. Inmediatamente cambiou o seu nome polo de Zambia.

Territorio feudal francés, existente no s X, que estivo en poder dos Châtillon-Saint Pol ata que foi vendido ao duque Luís de Orléans e aos seus descendentes, os condes e duques de Longueville, que o converteron en ducado de Dunois en 1525.

Territorio da India constituído polos antigos territorios portugueses que dependían do distrito de Damān (491 km²; 153.000 h [estim 1994]). A capital é Silvassa (6.900 h [1991]). Está ao N de Bombai, entre a costa do mar de Arabia e as montañas Sātpura.

Territorio eclesiástico do Sacro Imperio localizado na Pomerania. O seu titular era o bispo da cidade de Cammin, situada fóra dos límites do Principado. Converteuse dende o 1556 nunha propiedade dos segundos fillos dos duques da Pomerania. Entre 1648 e 1679 pasou a Brandenburgo.

Territorio en forma de banda do NL de Namibia, que enlaza o país co río Zambeze e que se estende entre Angola, Zambia e Botswana. O chanceler alemán Caprivi obtivo a posesión deste territorio para Inglaterra en 1893. En 1939 a Unión Sudafricana anexionou a parte oriental deste territorio.

Territorio do Lacio, na provincia Latina, Italia, entre os montes Lepini e Ausoni e o mar Tirreno (800 km). Antiga albufeira afastada do mar por unhas dunas, converteuse nunha marisma. A partir do ano 1928, procedeuse á desecación da albufeira, actualmente convertida nunha veiga.