Temas

(Omaha, Nebraska 14.9.1920) Economista estadounidense. Discípulo de Anthony Samuelson, en 1980 recibiu o Premio Nobel de Economía pola súa contribución á construción e difusión de modelos econométricos. Das súas obras destacan The Keynesian Revolution (1947), The Economics of Supply and Demand (1983).

(Siberia 1942) Político norcoreano, fillo de Kim Il-sung. Nomeado sucesor (1980), á morte do seu pai (1994), asumiu a xefatura interina do goberno, confirmada oficialmente en 1996. Presionado por unha grave crise económica, consecuencia do illamento do país, en 2000 iniciou unha política de distensión con contactos oficiais con EE UU e o primeiro encontro cun xefe de estado surcoreano (Kim Dae Jung).

(Viena 30.3.1882 - Londres 22.9.1960) Psicanalista. Estudiou psicanálise en Budapest e Berlín e despois trasladouse a Londres. Aplicou, por primeira vez, a técnica psicanalítica nos nenos e interpretou os xogos infantís como o lugar de expresión das fantasías insconscientes. Estableceu unha época moi primeiriza (o primeiro ano de vida) para o complexo de Edipo e para a estruturación da personalidade. As súas obras máis importantes son The Psychoanalysis of Children (1932) e Envy and Gratitude (1957).

(Halberstadt, Magdeburg 1932) Realizador cinematográfico e escritor alemán. Impulsou o “novo cine” alemán e os seus filmes posúen un estilo frío e intelectual. Das súas películas destacan Abschied von Gestern (Adeus ao onte, 1966), Gelegenheitsarbeit einer Sklavin (O traballo ocasional dunha escrava, 1973), Die Patriotin (A patriota, 1979), Die Maht der Gefühle (O poder dos sentimentos, 1983) e Vermischte Nachrischten (Informacións mesturadas, 1987).

(Raipur 1922) Bioquímico estadounidense. Estudiou na Universidade de Punjab (Lāhaur) e na de Liverpool, onde se doutorou en 1948. Sintetizou moléculas pequenas de ARN e participou no desciframento do código xenético, razón pola que en 1968 lle outorgaron o Premio Nobel de Fisioloxía e Medicina, xunto con con R. Holley e M. Nirenberg.

(Viena 1923) Físico e matemático austríaco. Estudiou matemáticas e física nas Universidades de Toronto e Harvard, doutorándose nesta última en Física en 1948. Escribiu máis de 200 artigos, algúns dos máis recentes son “Periodic Thermodynamics” (2001), “Landaurer condutance without two chemical potentials” (2001), “Kohn-Sham Theory for Ground-State Ensembles” (2001), “An energy functional for surfaces” (2001) e “Degeneracy in density Functional Theory: Topology v- and v- Space” (2002). En 1998 recibiu o Premio Nobel de Química, xunto con J. Pople pero por motivos distintos, polo desenvolvemento da teoría da densidade funcional.

(Missouri 1923) Físico estadounidense. Doutor pola Universidade de Winsconsin en Enxeñería Electrónica (1950), traballou no deseño de máscaras de serigrafías para circuítos. Deseñou e fabricou o primeiro circuíto integrado monolítico, onde todos os compoñentes parten inseparablemente da mesma pastilla do semicondutor. Tamén explorou sobre a posible aplicación do silicio para a obtención da enerxía solar. Recibiu o Premio Nobel de Física en 2000, xunto con Kroemer e Zhores, polo seu descubrimento do chip.

(St. Louis, Missouri 1947) Actor. Comezou a súa carreira no teatro, onde recibiu dous premios Tony (1978 e 1982). É moi versátil e alterna papeis dramáticos e cómicos. Traballou nos filmes Silverado (1985), A Fish Called Wanda (1988), Grand Canyon (1991), In & Out (1999) e Orange County (2002).

(Magdeburg 1926) Compositor alemán. Foi un dos principais creadores no campo da música electrónica. Entre as súas obras cómpre mencionar Klangfiguren I e II (1955-1956) e 8 Funcktionen (1967-1969).

(Saint Claud 1943) Esquiador. Especialista en esquí alpino, gañou a Triple Coroa coas súas tres medallas olímpicas nos Xogos Olímpicos de Inverno de Grenoble (1968), nas especialidades de slálom, slálom xigante e descenso. Tamén gañou a Copa do Mundo (1967-1968) e foi copresidente dos Xogos Olímpicos de Inverno de Albertville.