Temas

(Viena 1923) Físico e matemático austríaco. Estudiou matemáticas e física nas Universidades de Toronto e Harvard, doutorándose nesta última en Física en 1948. Escribiu máis de 200 artigos, algúns dos máis recentes son “Periodic Thermodynamics” (2001), “Landaurer condutance without two chemical potentials” (2001), “Kohn-Sham Theory for Ground-State Ensembles” (2001), “An energy functional for surfaces” (2001) e “Degeneracy in density Functional Theory: Topology v- and v- Space” (2002). En 1998 recibiu o Premio Nobel de Química, xunto con J. Pople pero por motivos distintos, polo desenvolvemento da teoría da densidade funcional.

(Lituania 1926) Biólogo molecular. Estudiou nas universidades de Johannesburgo, Cidade do Cabo e Cambridge, onde se doutorou (1953). Participou no descubrimento do ADN. Especializado no tratamento matemático interpretativo das imaxes obtidas por microscopía electrónica dos nucleosomas (complexos do ADN e histonas), introduciu tamén novas técnicas cristalográficas no estudo do ADN e nas proteínas no microscopio electrónico. En 1982 recibiu o Premio Nobel de Química polos seus estudios sobre os nucleosomas e a estrutura tridimensional dos virus.

(Siberia 1942) Político norcoreano, fillo de Kim Il-sung. Nomeado sucesor (1980), á morte do seu pai (1994), asumiu a xefatura interina do goberno, confirmada oficialmente en 1996. Presionado por unha grave crise económica, consecuencia do illamento do país, en 2000 iniciou unha política de distensión con contactos oficiais con EE UU e o primeiro encontro cun xefe de estado surcoreano (Kim Dae Jung).

(Varsovia 1941) Realizador cinematográfico. Entre a súas longametraxes, que evidencian un sentido poético e tráxico da vida, destacan Amator (1979), Bez Konca (1984), La double vie de Veronique (1991) e a triloxía das tres cores Trois couleurs, bleu (1992), Trois couleurs, blanc (1993) e Trois couleurs, rouge (1993).

(Schoroda, Poznań 1943) Físico. Estudiou na Universidade de Braunschweig e traballou nas de Landsweht e Würzburg, na de Oxford e no laboratorio de investigación de Grenoble. Dirixiu o departamento de física dos sólidos do Instituto Max Planck de Stuttgart. Recibiu o Premio Nobel de Física de 1985 por evidenciar o efecto Hall cuántico.

(Saint Claud 1943) Esquiador. Especialista en esquí alpino, gañou a Triple Coroa coas súas tres medallas olímpicas nos Xogos Olímpicos de Inverno de Grenoble (1968), nas especialidades de slálom, slálom xigante e descenso. Tamén gañou a Copa do Mundo (1967-1968) e foi copresidente dos Xogos Olímpicos de Inverno de Albertville.

(Missouri 1923) Físico estadounidense. Doutor pola Universidade de Winsconsin en Enxeñería Electrónica (1950), traballou no deseño de máscaras de serigrafías para circuítos. Deseñou e fabricou o primeiro circuíto integrado monolítico, onde todos os compoñentes parten inseparablemente da mesma pastilla do semicondutor. Tamén explorou sobre a posible aplicación do silicio para a obtención da enerxía solar. Recibiu o Premio Nobel de Física en 2000, xunto con Kroemer e Zhores, polo seu descubrimento do chip.

(Limlingerode, Magdeburg 1935) Escritora alemana. É autora de poemas, contos e libros infantís. Destacan os seus libros poéticos Landaufenthalt (Estadía no campo, 1967), Zaubersprüche (Conxuramentos, 1973) e Rückenwind (Vento de popa, 1976). Tamén escribiu o libro sobre o tema da muller   Scheneewärme (1989).

(Raipur 1922) Bioquímico estadounidense. Estudiou na Universidade de Punjab (Lāhaur) e na de Liverpool, onde se doutorou en 1948. Sintetizou moléculas pequenas de ARN e participou no desciframento do código xenético, razón pola que en 1968 lle outorgaron o Premio Nobel de Fisioloxía e Medicina, xunto con con R. Holley e M. Nirenberg.

(Johannesburgo 18.3.1936) Político sudafricano. Xurista, foi elixido deputado do Partido Nacional (1972) e posteriormente ocupou diversos cargos ministeriais (1978-1989). Sucedeu a P. Willem Botha na xefatura do partido e na presidencia sudafricana (1989-1994). Desde este cargo iniciou un desmantelamento gradual do sistema do apartheid e de aproximación ao Congreso Nacional Africano (ANC), legalizado en 1990, para introducir en Sudáfrica un réxime político plenamente democrático. En 1994 ocupou a vicepresidencia do goberno de unidade nacional que seguiu ás primeiras eleccións multirraciais. Recibiu o Premio Nobel da Paz, xunto a Nelson Mandela, en 1993.