Temas

Cordilleira do SL de Cuba que se estende desde o cabo Cruz ata a baía de Guantánamo, ao longo duns 250 km. É unha rexión moi abrupta, á beira do mar, con altitudes que oscilan entre os 1.000 e os 1.500 m, e acadan a máxima no pico Turquino (2.005 m). Foi base do foco guerrilleiro dirixido por Fidel Castro durante a Revolución Cubana.

Cordilleira da Antártida, que bordea a costa de Victoria Land e culmina nos 3.000 m de altitude do monte Whewell.

Cordilleira da República Sudafricana, duns 1.100 km de longo, que limita con Lesotho ao S, con Swazilandia ao NL e a provincia de Kwazulu-Natal ao L. O cumio máis importante é o pico Thabana Ntlenyana (3.482 m).

Cordilleira de Asia Central que se estende entre o S de Kirguizistán e o Xinjiang, en sentido L-O, cunha lonxitude de 3.000 km. De orixe primaria, está afectada polos dobramentos recentes. A partir de Chan Tengri divídese en cordilleiras que inclúen a depresión do lago Issykkul’ e as concas de Naryn e Fergana. No centro culmina no Pobedy (7.439 m) e no Chan Tengri (6.995 m).

Cordilleira dos Alpes Orientais situada entre o val dos ríos Montafon e Walgau ao N, Prattigau ao S, e do Rin ao O. Fronteira entre Austria e Suíza, ao O ábrese o val de Liechtenstein.

Cordilleira do N de Chipre que se estende paralela entre o mar e a chaira de Messaría formando unha alongada península ao L.

Cordilleira situada ao N de Albania. Presenta unha dirección xeral L-O, paralela ao curso inferior do río Drin. Están constituídos principalmente por rochas calcarias.

Cordilleira da China suroriental, que se alza ata os 2.000 m de altitude. É a parte máis elevada do macizo do Zhejiang e Fujian, de rochas arcaicas e primarias, que separa a conca media do Iang-Tsé das rexións costeiras.