Temas

Cordilleira de 320 km que forma parte das Montañas Rochosas e que se estende polos estados de Colorado e de Wyoming, onde nacen os ríos Colorado e South Platte. Entre os dez cumios de máis de 4.000 m sobresae o Mount Lincoln que acada os 4.358 m de altitude.

Cordilleira calcaria, a máis exterior dos Alpes Dináricos, en Croacia, que domina o litoral desde Senj, no esteiro de Zrmanja, diante da illa de Pag, e culmina en Vaganjski, a 1.758 m de altitude.

Cordilleira de Siberia, Rusia, que atravesa de O a L a península de Tajmyr. Ten unha altitude máxima de 1.500 m.

Cordilleira de Xeorxia, extremo meridional do Gran Cáucaso, que serve de divisoria dos ríos Iori e Alazan. A máxima altitude é de 2.505 m.

Cordilleira de Asia central, situada no S da República de Tuva, que fai de divisoria dos ríos da conca do alto Ienisei e do lago Uvs nuur e de fronteira con Mongolia. O seu cumio acada os 3.061 m.

Cordilleira situada no centro da península italiana que constitúe o sector occidental dos Apeninos dos Abruzos. Atópase entre o Turano, afluente do Velino, e o Tíber.

Cordilleira situada ao N de Albania. Presenta unha dirección xeral L-O, paralela ao curso inferior do río Drin. Están constituídos principalmente por rochas calcarias.

Cordilleira de México que se estende ao longo da costa do golfo de México, desde o SO de Texas ata o eixo volcánico, no Cofre de Perote (Veracruz). Cunha lonxitude de 1.300 km, a súa dirección é N-S e a súa altitude media duns 1.500 m. Acada o máximo en Peña Nevada (4.056 m) e constitúe a beira oriental do altiplano mexicano.

Cordilleira do dobramento terciario que forma parte do sistema alpino europeo e que se estende desde o Mar Negro e o Mar de Azov ata o Mar Caspio, nunha dirección xeral L-O. Ocupa uns 450.000 km² da parte sudoriental da Rusia europea, Xeorxia e Acerbaixán. A cadea principal comeza na península de Crimea, cunha lonxitude de máis de 1.500 km, e aparece de novo no outro lado do Mar Caspio, ao N de Irán, onde recibe o nome de cordilleira de Kopetdāg. Constitúe o eixe principal da Caucasia e comprende dúas aliñacións fundamentais: o Pequeno e o Gran Cáucaso. O Gran Cáucaso, que é a cadea propiamente dita, é unha auténtica barreira a máis de 4.000 m de altitude (culmina a 5.642 m do macizo volcánico do Elbrus), formada por rochas cristalinas e metamórficas. As fontes termais, os continuos tremores de terra e a abundancia de lavas, son testemuño da forte actividade volcánica que houbo no pasado. As rochas intrusivas teñen mineralizacións de onde se extrae ouro, prata, cobre e...