Temas

Cordilleira alpina que forma o extremo oriental dos Alpes, entre Austria e Eslovenia, e constitúe unha prolongación dos Alpes Cárnicos. Separa os vales do Drava e do Sava. Atravésaa un túnel de 8 km, aberto en 1909, que une Austria con Ljubljana e Trieste por ferrocarril. Un segundo túnel, acabado en 1991, une por estrada Austria e Eslovenia.

Cordilleira situada ao N de Albania. Presenta unha dirección xeral L-O, paralela ao curso inferior do río Drin. Están constituídos principalmente por rochas calcarias.

Cordilleira cristalina de Asia central situada ao N do Himalaia, en China. Separa o altiplano do Tibet da conca do Tarim. Culmina no monte Ūlugh Mūz, de 7.723 m de altitude.

Cordilleira de América do Norte que se estende desde o macizo Klamath, ao S de Oregón (EE UU), ata o río Fraser, ao S da Columbia Británica (Canadá). Ten uns 800 km de lonxitude e forma un arco paralelo ao Océano Pacífico. O seu cumio máis elevado é o cono volcánico de Rainier (4.392 m).

Cordilleira do SL de Cuba que se estende desde o cabo Cruz ata a baía de Guantánamo, ao longo duns 250 km. É unha rexión moi abrupta, á beira do mar, con altitudes que oscilan entre os 1.000 e os 1.500 m, e acadan a máxima no pico Turquino (2.005 m). Foi base do foco guerrilleiro dirixido por Fidel Castro durante a Revolución Cubana.

Cordilleira calcaria, a máis exterior dos Alpes Dináricos, en Croacia, que domina o litoral desde Senj, no esteiro de Zrmanja, diante da illa de Pag, e culmina en Vaganjski, a 1.758 m de altitude.

Cordilleira do O de Kazakhstán que se estende de N a S constituíndo unha prolongación meridional dos Urais. Nela nacen os ríos Emba e Or’ e os afluentes pola dereita do Irgiz.